ཧྭ་ཝེའི་ཉེར་སྤྱོད་ཁྲོམ་ར་དང་གསང་བའི་གསལ་བསྒྲགས་ཀྱི་སྐོར།

གསར་སྒྱུར་བྱས་པའི་ཚེས་གྲངས། 2019ལོའི་ཟླ་10བའི་ཚེས་30ཉིན།

ཧྭ་ཝེའི་ཉེར་སྤྱོད་ཁྲོམ་རའི་ལས་སྒོ་ནི་ཧྭ་ཝེའི་མཉེན་ཆས་ལག་རྩལ་ཚད་ཡོད་ཀུང་སིས་(གཤམ་ནས་མིང་བསྡུས་ཏེ་ང་ཚོའམ་ཧྭ་ཝེ་ཞེས་འབོད་)ཁྱེད་ལ་མཁོ་འདོན་བྱེད་ཅིང་། ཉེར་སྤྱོད་ཕབ་ལེན་དང་སྒྲིག་འཇུག དོ་དམ་བཅས་བྱེད་པར་བཀོལ་བའི་སྟེགས་བུ་ཞིག་ཡིན། ཧྭ་ཝེ་ཡིས་ཁྱེད་ཀྱི་མི་སྒེར་གྱི་ཆ་འཕྲིན་དང་གསང་དོན་སྲུང་སྐྱོང་ལ་ཧ་ཅང་མཐོང་ཆེན་བྱེད་ཀྱི་ཡོད། ང་ཚོས་བཅའ་ཁྲིམས་ཀྱི་བླང་བྱ་དང་ལས་རིགས་ཀྱི་བྱང་ཆུབ་པའི་བདེ་འཇགས་ཚད་གཞི་གཞིར་བཟུང་ནས། ཁྱེད་ཀྱི་མི་སྒེར་གྱི་ཆ་འཕྲིན་ལ་དེ་མཚུངས་ཀྱི་བདེ་འཇགས་སྲུང་སྐྱོང་བྱ་ཐབས་མཁོ་འདོན་བྱ་རྒྱུ་ཡིན།

ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་བྱས་ཏེ། ཁྱེད་ཀྱིས་ཉོ་སྒྲུབ་དང་ཕབ་ལེན། ནང་འཇུག་དང་ཁྱེད་ཀྱི་ཉེར་སྤྱོད་དོ་དམ་བྱེད་བདེ་བར་བྱེད།

ཁྱེད་རང་བྱེད་སྒོར་ཞུགས་ནས་བྱ་དགའི་དངོས་རྫས་ཐོབ་པའམ་ལེགས་སྐྱེས་ཁུག་མ་ལེན་པ། གོང་ཁེའི་འཛིན་ཤོག་སོགས་བྱ་དགའ་ལེན་སྐབས། ཁྱེད་ལ་བྱ་དགའི་དངོས་རྫས་བསྐུར་ཆེད། ང་ཚོས་བྱེད་སྒོའི་མཉམ་འབྲེལ་ཕྱོགས་དང་ཕྱོགས་གསུམ་པའི་ཟོང་སྐྱེལ་ཀུང་སི་ལ་ཁྱེད་ཀྱི་འབྲེལ་གཏུག་བྱེད་ཐབས་སོགས་ཀྱི་ཆ་འཕྲིན་མཉམ་སྤྱོད་བྱ་དགོས། ཞིབ་ཕྲའི་ནང་དོན་ནི་གཞུང་དངོས་ནས་ཞིབ་བརྗོད་བྱས་པ་ལྟར་ཡིན།

ང་ཚོས་ཁྱེད་ཀྱི་ཧྭ་ཝེའི་རྩིས་ཐོའི་ཆ་འཕྲིན་དང་། དེ་བཞིན་ཁྱེད་ཀྱི་ཧྭ་ཝེའི་ཉེར་སྤྱོད་ཁྲོམ་རའི་ཁྲོད་ཀྱི་འཚོལ་ཞིབ་དང་ཕབ་ལེན། ལག་ལེན་གྱི་ཆ་འཕྲིན་གཞན་བཅས་བེད་སྤྱད་དེ། བྱེད་ནུས་ལེགས་བཅོས་བྱེད་པ་མ་ཟད། ཁྱེད་ལ་མི་སྒེར་གྱི་ཁྱད་ཆོས་ལྡན་པའི་འོས་སྦྱོར་མཁོ་འདོན་བྱེད། ཞིབ་ཕྲའི་ནང་དོན་ནི་གཞུང་དངོས་ནས་ཞིབ་བརྗོད་བྱས་པ་ལྟར་ཡིན།

ཉེར་སྤྱོད་འདི་ཕྱིར་འཐེན་བྱས་རྗེས། རྒྱབ་སྟེགས་སུ་དྲ་རྒྱར་སྦྲེལ་ནས་ཞབས་ཞུ་ཁ་ཤས་བསྒྲུབ་ཚར་དགོས། དེར་དཔེར་ན་ཉེར་སྤྱོད་གསར་སྒྱུར་དང་ཉེར་སྤྱོད་ཕབ་ལེན་སྒྲིག་འཇུག་ཁ་ཆད་བྱེད་པ། བརྡ་འཕྲིན་འབྱོར་ལེན་སོགས་འདུས་ཡོད།

1. ང་ཚོས་ཁྱེད་མི་སྒེར་གྱི་ཆ་འཕྲིན་ཇི་ལྟར་འཚོལ་སྡུད་དང་བེད་སྤྱོད་པ་ཡིན།

མིག་བཤར།/བཤེར་འཚོལ།/ཕབ་ལེན།/སྒྲིག་འཇུག/ཉེར་སྤྱོད་སྒྲོལ་འདོར།

ཁྱེད་ཧྭ་ཝེའི་ཉེར་སྤྱོད་ཁྲོམ་ར་ལ་འཛུལ་སྐབས། ཁྱེད་ཀྱིས་རྒྱུན་ལྡན་ལྟར་ང་ཚོའི་ཞབས་ཞུ་དང་རྩོལ་ནུས་བཀོལ་སྤྱོད་བྱ་ཐུབ་ཆེད། ང་ཚོས་ཁྱེད་ཀྱིས་ཉེར་སྤྱོད་འདི་བཀོལ་བའི་ཆ་འཕྲིན་དང་སྒྲིག་ཆས་ཀྱི་གསལ་བྱེད་རྟགས། རྒྱུད་ཁོངས་མ་ལག་གི་སྒྲིག་བཀོད་ཆ་འཕྲིན། སྒྲིག་ཆས་ཀྱི་སྲ་ཆས་ཆ་འཕྲིན། དྲ་བའི་ཆ་འཕྲིན། འཁོར་སྐྱོད་ཚོང་གཉེར་གྱི་ཆ་འཕྲིན་དང་། སྒྲིག་འཇུག་བྱས་ཟིན་པའི་ཉེར་སྤྱོད་ཀྱི་རེའུ་མིག་དང་དེ་བཞིན་ཉེར་སྤྱོད་ཀྱི་གཞི་རྩའི་ཆ་འཕྲིན་བཅས་བསྡུ་རུབ་བྱ་སྲིད།

ཁྱེད་ཀྱིས་ཧྭ་ཝེའི་རྩིས་ཐོ་ནང་འཇུག་བྱས་རྗེས། ཁྱེད་ཀྱིས་རིན་སྤྲད་དེ་ཉེར་སྤྱོད་ཉོ་བ་དང་། བྱེད་སྒོར་ཞུགས་པ། དཔྱད་བརྗོད་སྤེལ་བ་དང་གླེང་སྟེགས། ཉེར་སྤྱོད་མཉམ་སྤྱོད། རོལ་རྩེད་གསར་པ་སྔོན་མངག་དང་འདོད་མོས་ཉོ་ཐོ་སོགས་ཀྱི་ཞབས་ཞུ་ཉམས་སུ་མྱོང་ཆོག ཁྱེད་ཀྱི་ཉོ་ཐོའི་ཆ་འཕྲིན་ནི་ཉེར་སྤྱོད་ཀྱི་པར་དབང་སྲུང་སྐྱོབ་ཏུ་བཀོལ་སྲིད་ལ། འབྲེལ་ཡོད་ཀྱི་ཟིན་ཐོ་གཞན་དག་ཁྱེད་ཀྱི་བལྟ་བཤེར་དང་དོ་དམ་ཁོ་ནར་བཀོལ་བ་ཡིན། གོང་བརྗོད་ཀྱི་ཆ་འཕྲིན་ཚང་མ་ཁྱེད་ཀྱི་ཧྭ་ཝེའི་ཐོ་ཨང་དང་སྦྲེལ་ཏེ། ཁྱེད་ཀྱི་སྒྲིག་ཆས་གཞན་པའི་ཐོག་ནས་འགྲོས་མཉམ་བྱེད་བདེ་བར་བྱེད།

བྱེད་སྒོ་དང་བྱ་དགའ་ལེན་པའི་ཞབས་ཞུ།

ང་ཚོས་ཁྱེད་ལ་ཕུན་སུམ་ཚོགས་པའི་བྱ་དགའ་གྲ་སྒྲིག་བྱས་ཏེ། དེའི་ནང་དུ་བྱ་དགའི་དངོས་རྫས་དང་། ལེགས་སྐྱེས་ཁུག་མ། གོང་ཁེའི་འཛིན་ཤོག་བཅས་འདུས་ཡོད། ཁྱེད་ཀྱིས་བྱེད་སྒོར་ཞུགས་པ་བརྒྱུད་ནས་བླངས་ཆོག ང་ཚོས་ཁྱེད་ཀྱི་ལེགས་སྐྱེས་ཁུག་མའི་བརྗེ་ལེན་ཨང་རྟགས་དང་གོང་ཁེའི་འཛིན་ཤོག ཧྭ་སྒོར་བཅས་འདིའི་རིགས་ཀྱི་དངོས་པོ་མིན་པའི་སྒོར་མོའི་ཆ་འཕྲིན་ལ་མཉམ་འཇོག་བྱ་སྲིད་དེ། ཁྱེད་ཀྱིས་དུས་ནམ་ཡང་ཁྱེད་ཀྱི་འཛད་སྤྱོད་ཀྱི་ཟིན་ཐོ་དང་ལྷག་དངུལ་ལ་བལྟ་བདེ་བར་བྱེད། ཁྱེད་ལ་བྱ་དགའི་དངོས་རྫས་བསྐུར་ཆེད། ང་ཚོས་ཁྱེད་ཀྱི་འབྲེལ་གཏུག་བྱེད་ཐབས་བསྡུ་རུབ་བྱས་ཏེ་མཉམ་ལས་ཕྱོགས་དང་ཕྱོགས་གསུམ་པའི་ཟོང་སྐྱེལ་ཀུང་སི་ལ་མཁོ་འདོན་བྱ་དགོས།

ཉེར་སྤྱོད་ཀྱི་དཔྱད་བརྗོད་དང་གླེང་སྟེགས་ཀྱི་ཞབས་ཞུ།

ཁྱེད་ཀྱིས་ཕབ་ལེན་བྱས་ཟིན་པའི་ཉེར་སྤྱོད་ལ་སྐར་གྲངས་འགོད་པ་དང་དཔྱད་གཏམ་སྤེལ་བ། ཡང་ན་ཁྱེད་རང་སྤྲོ་བ་ཡོད་པའི་ཉེར་སྤྱོད་ཀྱི་གླེང་སྟེགས་ལ་བལྟ་ཞིབ་དང་དོ་ཁུར་བྱེད་ཆོག་པ་མ་ཟད། ཁྱེད་ཀྱི་བསམ་འཆར་སྤེལ་ཆོག ང་ཚོས་ཁྱེད་ཀྱིས་དཔྱད་བརྗོད་དང་གླེང་སྟེགས་བཀོལ་བའི་ཆ་འཕྲིན་ཁྱེད་ཀྱི་ཧྭ་ཝེའི་རྩིས་ཐོའི་འོག་ཏུ་ཉར་ཚགས་བྱ་སྲིད་ཅིང་། ཁྱེད་ཀྱི་ཧྭ་ཝེའི་རྩིས་ཐོའི་གཅེས་མིང་དང་མགོ་པར་ནམ་ཡང་མི་ཚང་མས་མཐོང་ཐུབ།

ནང་དོན་མཉམ་སྤྱོད་ཞབས་ཞུ།

ཁྱེད་རང་དགའ་མོས་ཡོད་པའི་ཉེར་སྤྱོད་དེ་སྤྱི་ཚོགས་འབྲེལ་འདྲིས་སྟེགས་བུར་མཉམ་སྤྱོད་བྱ་ཆོག་སྟེ། དཔེར་ན། འཕྲིན་ཕྲན་དང་པོད་འཕྲིན། ཡང་ན་སྤྱི་ཚོགས་འབྲེལ་འདྲིས་ཀྱི་མཉེན་ཆས་གཞན་སོགས་ལྟ་བུ། མཉམ་སྤྱོད་བྱེད་སྐབས་སྟེགས་བུ་དེ་དག་གིས་ཁྱེད་རང་གི་མི་སྒེར་གྱི་ཆ་འཕྲིན་བསྡུ་རུབ་བྱ་སྲིད། བྱེ་བྲག་ཏུ་ཁྱེད་ཀྱིས་སྤྱི་ཚོགས་འབྲེལ་འདྲིས་སྟེགས་བུའི་གསང་བའི་སྲིད་ཇུས་ལ་ལྟ་ཀློག་གནང་རོགས།

རོལ་རྩེད་གསར་པ་སྔོན་མངག་དང་འདོད་མོས་ཉོ་ཐོའི་ཞབས་ཞུ།

ང་ཚོས་ཁྱེད་ལ་རོལ་རྩེད་གསར་པ་སྔོན་མངག་དང་འདོད་མོས་ཉོ་ཐོའི་ཞབས་ཞུ་མཁོ་འདོན་བྱས་ཏེ། ཁྱེད་ཀྱིས་དུས་ཐོག་ཏུ་འདོད་མོས་ཆེ་བའི་རོལ་རྩེད་དམ་ཉེར་སྤྱོད་ཉམས་སུ་མྱོང་བདེ་བར་བྱས་ཡོད། དེར་བརྟེན་ང་ཚོས་ཁྱེད་ཀྱི་སྔོན་མངག་གི་ཟིན་ཐོ་དང་འདོད་མོས་ཉོ་ཐོའི་ཆ་འཕྲིན་བསྡུ་རུབ་བྱ་དགོས། ཁྱེད་ཀྱིས་སྔོན་མངག་བྱས་པ་ལེགས་གྲུབ་བྱུང་བ་མ་ཟད་སྔོན་མངག་བྱས་པའི་ཉེར་སྤྱོད་དྲ་ཐོག་ཏུ་ཞུགས་རྗེས། ང་ཚོས་WLAN དྲ་རྒྱའི་འོག་ནས་ཁྱེད་ལ་རང་འགུལ་གྱིས་ཉེར་སྤྱོད་དེ་ཕབ་ལེན་དང་སྒྲིག་འཇུག་བྱ་སྲིད།

ཁྱིམ་མིས་མཉམ་སྤྱོད།

ང་ཚོས་ཁྱེད་རང་ལ་ནང་མིའི་མཉམ་སྤྱོད་ཞབས་ཞུ་མཁོ་འདོན་བྱས་པ་དང་། ངོ་མཚར་ཆེ་བའི་ཉེར་སྤྱོད་ཐེངས་གཅིག་ལས་ཉོ་མི་དགོས་ཤིང་། ཁྱེད་ཀྱི་རྩིས་ཐོའི་ཨང་གྲངས་མཉམ་སྤྱོད་བྱ་མི་དགོས་ཚེ་ནང་མི་དང་མཉམ་དུ་སྤྱད་ཆོག དེའི་ཆེད་དུ་ང་ཚོས་ཁྱེད་ཀྱི་ཁྱིམ་མིའི་ཆ་འཕྲིན་ཐོབ་པར་བྱ་དགོས།

ཁྱེད་རང་སྒྲིག་བཀོད་ནས་ཧྭ་ཝེའི་ཐོ་ཨང་། དེ་ནས་དྲ་གྲངས་ལྟེ་གནས།དེ་ནས་ཁྱིམ་མིས་མཉམ་སྤྱོད།དེ་ནས་ཉོས་པའི་རྣམ་གྲངས་མཉམ་སྤྱོད་དུ་ཕེབས་ནས་རྩོལ་ནུས་དེའི་ཁ་ཕྱེ་བའམ་ཁ་རྒྱག་ཆོག

སྤྱོད་མཁན་གྱི་ཞབས་ཞུ་དང་བརྡ་ཐོའི་གསལ་བརྡ།

ང་ཚོས་དགོས་ངེས་ཀྱི་སྐབས་སུ་བརྡ་ཐོའི་ཚན་པ་ནས་བྱེད་སྒོ་དང་བྱ་དགའ་ཐོབ་པ། དཔྱད་བརྗོད་སོགས་ཀྱི་ཆ་འཕྲིན་སྟོན་སྲིད། ཁྱེད་ཀྱིས་ངའི་ནས་སྒྲིག་བཀོད་དང་། དེ་ནས་བརྡ་ཐོའི་གསལ་བརྡ་བརྒྱུད་ནས་ཁ་རྒྱག་ཆོག

སྐུ་ཉིད་ཀྱི་སྒྲིག་ཆས་ཐོག་གི་ཉེར་སྤྱོད་ལ་ཐོན་རིམ་གསར་པ་ཡོད་པའི་སྐབས་ང་ཚོས་བརྡ་ཐོའི་སྒྲོམ་ནང་ཉེར་སྤྱོད་གསར་སྒྱུར་གྱི་ཆ་འཕྲིན་སྟོན་གྱི་ཡོད། ཁྱེད་ཀྱིས་ངའི་ནས་སྒྲིག་བཀོད་དང་། དེ་ནས་ཉེར་སྤྱོད་གསར་སྒྱུར་གྱི་གསལ་འདེབས་བརྒྱུད་ནས་ཁ་རྒྱག་ཆོག

རོལ་རྩེད་དམ་ཉེར་སྤྱོད་ནང་གི་རམ་འདེགས་ཞབས་ཞུ།

ཁྱེད་ཀྱིས་རོལ་རྩེད་དམ་ཉེར་སྤྱོད་རོལ་མྱོང་བྱེད་བདེ་བའི་ཆེད་དུ། ང་ཚོས་མ་ལག་གི་རྒྱུན་བཀོལ་སྒྲིག་བཀོད་དང་ཉེར་སྤྱོད་ཀྱི་རམ་འདེགས་བྱེད་ནུས་ཀྱི་གཅུས་སྒོ་བཞག་ཡོད། ཁྱེད་ཀྱིས་རོལ་རྩེད་དམ་ཉེར་སྤྱོད་ལས་ཕྱིར་ཐོན་མི་དགོས་པའི་སྐབས་སུ་མགྱོགས་པོར་སྒྲིག་བཀོད་བྱ་ཆོག དཔེར་ན། ཁྱེད་ཀྱིས་རོལ་རྩེད་རྩེ་སྐབས། རོལ་རྩེད་ཀྱི་ནང་ནས་བརྡ་འཕྲིན་གྱི་སུན་བཟོ་མེད་པ་དང་། འཆར་ངོས་ཕབ་ལེན། རོལ་རྩེད་ཀྱི་མྱུར་ཚད་མགྱོགས་སུ་གཏོང་བ། མཐེབ་གནོན་ནོར་འགོག་སོགས་ཀྱི་རམ་འདེགས་ཞབས་ཞུ་བཅས་ཉམས་སུ་མྱོང་ཆོག དེ་ལས་ང་ཚོས་ཁྱེད་ཀྱིས་ཞབས་ཞུ་འདི་བཀོལ་སྤྱོད་བྱས་པའི་ཆ་འཕྲིན་བསྡུ་རུབ་བྱས་ཏེ། རྒྱུན་མཐུད་ནས་ཞབས་ཞུ་ཇེ་ལེགས་ཇེ་རྒྱས་སུ་གཏོང་བ་ཡིན།

གནད་དོན་དང་བསམ་འཆར་ཕྱིར་ལྡོག་ཞབས་ཞུ།

ཁྱེད་ཀྱིས་གནད་དོན་དང་བསམ་འཆར་གྱི་ནང་དུ་གནད་དོན་ནམ་བསམ་འཆར་བཏོན་ཆོག་པ་མ་ཟད། རྒྱུད་ཁོངས་ཉིན་ཐོའི་ཆ་འཕྲིན་མཉམ་སྤྱོད་བྱ་མིན་གདམ་ཆོག དེ་ནི་ང་ཚོས་སྔར་ལས་ལྷག་པར་གནད་དོན་གསལ་བོར་ཐག་གཅོད་བྱ་ཆེད་ཡིན། ཁྱེད་དང་འབྲེལ་གཏུག་བྱ་ཐུབ་ཆེད།ཁྱེད་ཀྱིས་རང་གི་འབྲེལ་གཏུག་བྱེད་ཐབས་ཁ་སྐོང་དགོས།

མགོ་གཡོག་མགོ་སྐོར་དང་བྱ་སྤྱོད་ངན་པ་གཞན་འགོག་པ།

ཧྭ་ཝེ་དང་ཁྱེད། ཧྭ་ཝེའི་མགྲོན་པོ་གཞན་པའི་དབང་ཆར་སྲུང་སྐྱོབ་བྱ་ཆེད། ང་ཚོས་གོང་གི་བསྡུ་རུབ་བྱས་པའི་ཆ་འཕྲིན་གཞིར་བཟུང་ནས་ཉེན་ཁ་ཚོད་འཛིན་བྱེད་ཅིང་། མགོ་གཡོག་མགོ་སྐོར་སོགས་ཁྲིམས་འགལ་གྱི་བྱེད་སྒོར་བཀག་འགོག་བྱེད།

གལ་ཏེ་ཁྱེད་ཀྱིས་ཆ་འཕྲིན་འདི་དག་འདོན་སྤྲོད་མ་བྱས་ན། ང་ཚོས་ཁྱེད་ལ་གོང་གསལ་གྱི་ཞབས་ཞུ་ཆ་ཚང་ཞིག་འདོན་སྤྲོད་བྱེད་མི་ཐུབ།

2. མི་སྒེར་གྱི་ཁྱད་ཆོས་ལྡན་པའི་འོས་སྦྱོར།

ང་ཚོས་ཁྱེད་ཀྱིས་ཉེར་སྤྱོད་འདི་བཀོལ་བའི་ཆ་འཕྲིན་དང་སྒྲིག་ཆས་ཀྱི་གསལ་འབྱེད་རྟགས། IP ས་གནས་དང་ཧྭ་ཝེའི་རྩིས་ཐོའི་ཆ་འཕྲིན་ལ་དབྱེ་ཞིབ་བྱས་ཏེ། ཁྱེད་ཀྱིས་དེ་བས་སྤྲོ་བ་ཡོད་པའི་ནང་དོན་རྙེད་པར་རོགས་བྱེད། དཔེར་ན་ཁྱེད་ཀྱིས་དེ་སྔོན་ཉེར་སྤྱོད་ཁྲོམ་རའི་ཁྲོད་ནས་འཚོལ་བཤེར་དང་མིིག་བཤར། ཕབ་ལེན། གསར་སྒྱུར་རམ་དཔྱད་བརྗོད་བཅས་བརྒྱུད་ནས་ང་ཚོས་ཁྱེད་རང་སྤྲོ་བ་ཡོད་ཤས་ཆེ་བའི་ཉེར་སྤྱོད་འོས་སྦྱོར་བྱེད། ནང་དོན་སྔར་བས་ཕུན་སུམ་ཚོགས་པོ་འོས་སྦྱོར་བྱ་ཆེད། ང་ཚོས་ཁྱེད་ཀྱི་སྒྲིག་ཆས་སྟེང་གི་ཉེར་སྤྱོད་ཁ་ཕྱེ་བ་དང་ནང་འཇུག་བྱེད་པ། སུབ་པ་སོགས་འབྲེལ་ཡོད་ཀྱི་སྡོམ་རྩིས་ཆ་འཕྲིན་བཀོལ་སྲིད། ཁྱེད་ཀྱིས་ཉེར་སྤྱོད་ཁྲོམ་རའི་ཁྲོད་ནས་ངའི་དང་། དེ་ནས་སྒྲིག་བཀོད། དེ་ནས་ཉེར་སྤྱོད་ཚོང་ར་ཞབས་ཞུ་མཚམས་བཞག་ཏུ་ཕེབས་ནས། མི་སྒེར་གྱི་ཁྱད་ཆོས་ལྡན་པའི་འོས་སྦྱོར་གྱི་བསད་སྤར་ཁ་བརྒྱབ་ནས་ཞབས་ཞུ་དེའི་ཁ་རྒྱག་ཆོག

3. བྱིས་པར་སྲུང་སྐྱོབ།

ཉེར་སྤྱོད་འདི་ནི་མི་དར་མ་ཁོ་ནས་བཀོལ་སྤྱོད་བྱེད་པར་མཁོ་འདོན་བྱེད། གལ་ཏེ་ཁྱེད་ནི་ལོ་ན་མ་སོན་པའི་མི་ཡིན་ན། ཁྱེད་ཀྱི་ལྟ་སྐྱོང་པས་ཁྱེད་ཀྱིས་ཉེར་སྤྱོད་འདི་སྤྱོད་བྱེད་པར་འཐད་པ་དང་འབྲེལ་ཡོད་ཉེར་སྤྱོད་ཀྱི་ཞབས་ཞུའི་དོན་ཚན་ལ་འཐད་པ་བྱུང་དགོས། ཕ་མ་དང་ལྟ་སྐྱོང་བྱེད་མིས་ཀྱང་འོས་ཤིང་འཚམ་པའི་སྔོན་འགོག་བྱ་ཐབས་སྤྱད་ནས་ལོ་ན་མ་སོན་པར་སྲུང་སྐྱོབ་བྱ་དགོས་ཏེ། དེའི་ནང་དུ་ཁོ་ཚོས་ཉེར་སྤྱོད་འདི་བེད་སྤྱོད་བྱ་བར་ལྟ་སྐུལ་བྱ་རྒྱུ་ཚུད་ཡོད།

4. ཕྱོགས་གསུམ་པ་དང་མཉམ་སྤྱོད་བྱེད་པ།

ང་ཚོར་ཁྱེད་ཀྱིས་ཉེར་སྤྱོད་ཁྲོམ་ར་བཀོལ་སྤྱོད་བྱེད་སྐབས་སུ་ཐོན་པའི་མི་སྒེར་གྱི་ཆ་འཕྲིན་མ་ཡིན་པ་འགའ་མཉམ་ལས་ཟླ་གྲོགས་(དཔེར་ན་ཉེར་སྤྱོད་གསར་སྤེལ་པ་དང་ནང་དོན་མཁོ་འདོན་ཚོང་པ།)ལ་མཁོ་འདོན་བྱས་ཏེ། དེ་དག་གིས་རང་གི་ཞབས་ཞུ་བཀོལ་བའི་གནས་ཚུལ་དང་ཚད་ལེན་བྱེད་རོགས་བྱེད་པ་དང་། པར་དབང་གི་ཁྲལ་དང་རྩིས་རྒྱག་པའི་རེ་བ་སྐོང་བ་མ་ཟད། དེའི་ཉེར་སྤྱོད་དང་ཞབས་ཞུ་ལེགས་བཅོས་གཏོང་།

5. ཁྱེད་ཀྱི་གཞི་གྲངས་ལ་དོ་དམ་བྱེད་པ།

ཁྱེད་ཀྱིས་ཧྭ་ཝེའི་ཉེར་སྤྱོད་ཁྲོམ་ར་ནས་ངའི་རུ་ཕེབས་ནས་ཁྱེད་ཀྱི་མི་སྒེར་གྱི་ཆ་འཕྲིན་ལ་ལྟ་སྤྱོད་དང་དག་བཅོས། ཡང་ན་གསུབ་པ་དང་། ཡང་ན་མི་སྒེར་གྱི་ཆ་འཕྲིན་སྤྱོད་དབང་གི་མོས་མཐུན་ཕྱིར་འཐེན་བྱས་ཆོག

གལ་ཏེ་ཁྱེད་ཀྱིས་ཁྱེད་ཀྱི་གཞི་གྲངས་གྲུབ་ཆ་གཙོ་བོའི་ཁེ་དབང་ལ་དོགས་གནད་བསམ་འཆར་རམ་གྲོས་གཞི་གང་རུང་ཞིག་ཡོད་ཚེ། གསལ་བསྒྲགས་འདིའི་ནང་གི་ཇི་ལྟར་ང་ཚོར་འབྲེལ་གཏུག་བྱེད་ཅེས་པ་ཡི་ས་བཅད་ནང་དུ་བརྗོད་པའི་འབྲེལ་གཏུག་བྱ་ཐབས་བརྒྱུད་ནས་ང་ཚོ་དང་འབྲེལ་གཏུག་གནང་བ་མ་ཟད་ཁྱེད་ཀྱི་འབྲེལ་ཡོད་ཁེ་དབང་ལག་ལེན་བསྟར་ཆོག

6. གཞི་གྲངས་གསོག་ཉར་བྱེད་ས་དང་ཡུན་ཚད།

ཁྱེད་ཀྱི་ཉོ་ཐོའི་ཆ་འཕྲིན་ནི་ཁྱེད་ཀྱི་ཧྭ་ཝེའི་རྩིས་ཐོ་ཐོ་འགོད་བྱེད་གནས་ཀྱི་ཞབས་ཞུ་ཆས་སུ་ཉར་ཚགས་བྱ་སྲིད། དེ་ལྟར་བྱས་ཚེ་རྒྱལ་ཁབ་བམ་ས་ཁུལ་བརྗེས་ནས་ཞབས་ཞུ་ས་གནས་མི་འདྲ་བ་གདམ་ཚེ་སྔར་བཞིན་ཁྱེད་ཀྱིས་ཉོས་ཟིན་པའི་ཡུན་རིང་ཁྱེད་ལ་དབང་བའི་ཉེར་སྤྱོད་དམ་ཉེར་སྤྱོད་ནང་གི་ཚོང་རྫས་སོགས་བཀོལ་ཆོག དེ་ལས་གཞན་པའི་གཞི་གྲངས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་སུ་ཡོད་པའི་ཞབས་ཞུའི་ཆས་ཐོག་ཏུ་བརྒྱུད་གཏོང་བྱ་བ་མ་ཟད་དེར་ཉར་ཚགས་བྱ་སྲིད།

ང་ཚོས་གསལ་བསྒྲགས་འདིའི་ནང་བརྗོད་པའི་དམིགས་ཡུལ་མངོན་འགྱུར་བྱེད་པར་དགོས་ངེས་ཀྱི་དུས་ཚོད་ནང་ཁྱེད་ཀྱི་མི་སྒེར་གྱི་ཆ་འཕྲིན་ཉར་རྒྱུ་མ་ཟད། གཤམ་གྱི་དུས་ཚོད་ལས་བརྒལ་རྗེས་ཁྱེད་ཀྱི་མི་སྒེར་གྱི་ཆ་འཕྲིན་གསུབ་པའམ་ཡང་ན་མིང་མི་འགོད་པའི་ཐོག་ནས་ཐག་གཅོད་བྱ་རྒྱུ་ཡིན་པས། བཅའ་ཁྲིམས་དང་ཁྲིམས་སྲོལ་གྱི་བླང་བྱ་གཞན་ཡོད་པ་ཕུད།

ཁྱེད་ཀྱི་སྒྲིག་ཆས་ཀྱི་གསལ་འབྱེད་རྟགས་དང་རྒྱུད་ཁོངས་མ་ལག་གི་སྒྲིག་བཀོད་ཆ་འཕྲིན།སྒྲིག་ཆས་ཀྱི་སྲ་ཆས་ཆ་འཕྲིན། འཁོར་སྐྱོད་ཚོང་གཉེར་གྱི་ཆ་འཕྲིན། ཉེར་སྤྱོད་ཀྱི་གཞི་རྩའི་ཆ་འཕྲིན། སྒྲིག་འཇུག་བྱས་ཟིན་པའི་ཉེར་སྤྱོད་རེའུ་མིག ཁྱེད་ཀྱིས་ཉེར་སྤྱོད་འདི་བཀོལ་བའི་ཆ་འཕྲིན། ལེགས་སྐྱེས་ཁུག་མའི་བརྗེ་ཨང་། གོང་ཁེའི་འཛིན་ཤོག འབྲེལ་གཏུག་བྱེད་ཐབས། ཁྱེད་ཀྱིས་དཔྱད་བརྗོད་དང་གླེང་སྟེགས་བཀོལ་བའི་ཆ་འཕྲིན། གནད་དོན་དང་བསམ་འཆར་གྱི་ཆ་འཕྲིན། སྔོན་མངག་གི་ཟིན་ཐོ། འདོད་མོས་ཉོ་ཐོའི་ཆ་འཕྲིན་བཅས་ལོ་ 2 ལ་ཉར་ཚགས་བྱ་སྲིད།

ཁྱེད་ཀྱི་ IP གནས་ཡུལ་དང་དྲ་རྒྱར་སྦྲེལ་སྟངས་དང་རིགས།དེ་བཞིན་ཉེར་སྤྱོད་ཁྲོམ་ར་ཁག་ཅིག་བཀོལ་བའི་འབྲེལ་ཡོད་ཆ་འཕྲིན་ཉིན་ 7 ཁོ་ནར་ཉར་ཚགས་བྱེད།

ཁྱེད་ཀྱི་མངག་ཐོའི་ཆ་འཕྲིན་ལོ་ 7 ལ་ཉར་ཚགས་བྱས་པའི་རྗེས་སུ་གསུབ་ངེས།

དེ་མིན། ང་ཚོའི་ཐོན་རྫས་སམ་ཞབས་ཞུ་འཁོར་སྐྱོད་བྱེད་མཚམས་འཇོག་པའི་གནས་ཚུལ་ཐོན་ཚེ། ང་ཚོས་བརྡ་ཐོ་དང་སྤྱི་བསྒྲགས་སོགས་ཀྱི་རྣམ་པའི་ཐོག་ནས་ཁྱེད་ལ་བརྡ་ཐོ་གཏོང་བ་མ་ཟད། ལུགས་མཐུན་གྱི་དུས་ཡུན་ནང་དུ་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མི་འགོད་པའི་ཐོག་ནས་ཐག་གཅོད་བྱ་སྲིད།

7. ང་ཚོར་འབྲེལ་གཏུག་ཇི་ལྟར་བྱེད།

ང་ཚོས་མི་སྒེར་གྱི་ཆ་འཕྲིན་ལ་སྲུང་སྐྱོབ་བྱེད་པའི་ཆེད་ལས་སྡེ་ཁག་(ཡང་ན་མི་སྒེར་གྱི་ཆ་འཕྲིན་སྲུང་སྐྱོབ་བྱེད་པའི་ཆེད་བཏང་མི་སྣ་)བསྐོ་འཇོག་བྱས་ཡོད། ཁྱེད་ཀྱིས་སྒེར་གསང་གནད་དོན་(https://consumer.huawei.com/ cn/legal/privacy-questions/) ལ་ལྟ་སྤྱོད་བྱེད་པ་བརྒྱུད་ནས་དེ་དང་འབྲེལ་བ་བྱེད་ཆོག ང་ཚོས་གང་མགྱོགས་ཀྱིས་ལན་སློག་ངེས་ཡིན།

གལ་ཏེ་ང་ཚོས་ལན་བཏབ་པ་དེ་ལ་ཁྱེད་རང་མ་འཐད་པའམ། ལྷག་པར་དུ་ང་ཚོས་མི་སྒེར་གྱི་ཆ་འཕྲིན་ཐག་གཅོད་པའི་བྱ་སྤྱོད་ཀྱིས་ཁྱེད་ཀྱི་ཁྲིམས་མཐུན་ཁེ་དབང་ལ་གནོད་འཚེ་བཏང་བ་ཡིན་ཚེ། ཁྱེད་ཀྱིས་དོ་དམ་དབང་ཆ་ཡོད་པའི་མི་དམངས་ཁྲིམས་ཁང་ལ་ཞུ་གཏུག་རྒྱག་པ། ལས་རིགས་རང་བདག་མཐུན་ཚོགས་སམ་སྲིད་གཞུང་འབྲེལ་ཡོད་དོ་དམ་ལས་ཁུངས་ལ་ཞུ་གཏུག་རྒྱག་པ་སོགས་ཀྱི་ཕྱི་རོལ་ཐབས་ལམ་བརྒྱུད་ནས་ཐག་གཅོད་བྱ་ཆོག ཁྱེད་ཀྱིས་ཀྱང་ང་ཚོ་ནས་སྤྱོད་གོ་ཆོད་པའི་འབྲེལ་ཡོད་ཞུ་གཏུག་ཐབས་ལམ་གྱི་ཆ་འཕྲིན་རྒྱུས་ལོན་བྱས་ཆོག

ཧྭ་ཝེ་ཡིས་ཐོག་མཐའ་བར་གསུམ་དུ་ང་ཚོའི་གསང་རྒྱའི་སྲིད་ཇུས་ལ་བརྩི་སྲུང་བྱས་ནས་ཁྱེད་ཀྱི་ཆ་འཕྲིན་འཚོལ་སྡུད་དང་བེད་སྤྱོད་བྱ་སྲིད། ང་ཚོའི་སྒེར་གསང་སྲིད་ཇུས་སྐོར་ལ། ཧྭ་ཝེའི་འཛད་སྤྱོད་པའི་ལས་སྒོའི་གསང་དོན་གསལ་བསྒྲགས་(https://consumer.huawei.com/ cn/legal/privacy-policy/) ཞེས་པར་དཔྱད་ཀློག་བྱས་ཆོག

དེ་ལས་མང་བར་བལྟ་བ།