AppGallery foydalanuvchi bilan kelishuvi
1. Biz haqimizda
AppGallery mobil lovasi hamda tegishli texnologiya va funksiyalar (birgalikda “Xizmatlar”) Huawei Services (Hong Kong) Co., Limited (bundan keyin “Huawei”, “biz”, “bizga” yoki “bizning” deb yuritiladi) tomonidan boshqariladi. Bu kompaniya Gonkong qonunlariga muvofiq ravishda tashkil qilingan hamda Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong manzilida 1451551 kompaniya raqami bilan roʻyxatga olingan. Mazkur Kelishuvda (quyida tavsiflanganidek) “siz” va “foydalanuvchi” soʻzlari ushbu Xizmatlardan foydalanuvchi va/yoki unga kiruvchi har qanday shaxsni bildiradi.
2. Mazkur kelishuvning maqsadi
Mazkur foydalanuvchi bilan kelishuv, bizning maxfiylik bayonnomamiz hamda ushbu Xizmatlar orqali nashr qilingan yoki taqdim etilgan boshqa siyosat va axborotlar (birgalikda ushbu “Kelishuv”) ushbu Xizmatlardan foydalanish, ularga kirishingizda sizga nisbatan tatbiq etiladigan shartlar va qoidalar hisoblanadi.
Maxfiylik bayonnomamiz bilan AppGallery ilovasida Men > Haqida > AppGallery ruknida tanishishingiz mumkin.
Mazkur Kelishuvda bizning kim ekanimiz, ushbu Xizmatlarni sizga qanday shaklda taqdim etishimiz, ushbu Xizmatlarga tegishli yoki unga aloqador qanday xatti-harakatlarga ruxsat berilishi yoki berilmasligi, xizmatlar borasida biror muammo yuz berganida nima qilish va boshqa muhim ma’lumotlar berilgan. Xizmatlarga kirish yoki ulardan foydalanish bilan siz biz bilan majburiy huquqiy shartnoma tuzasiz va ushbu Kelishuvga rozilik bildirasiz. Agar ushbu Kelishuvni qabul qilmasangiz va unga rozilik bermasangiz, Xizmatlarga kirmasligingiz yoki undan foydalanmasligingiz kerak.
3. Muvofiqlik
Shartnoma tuzish uchun siz oʻzingiz yashaydigan huquqiy yurisdiksiyada balogʻat yoshidan katta deb hisoblanishingiz kerak (bundan keyin “Shartnoma yoshi” deb yuritiladi). Shartnoma yoshiga yetmagan shaxslar Huawei xizmatlaridan foydalanishi mumkin, faqat buning uchun ularning ota-ona yoki qonuniy vasiysi farzand hisobini yaratishi va HUAWEI ID hisobi uchun Rozilik xatini qabul qilishlari kerak.
Agar yoshingiz Shartnoma yoshidan katta boʻlsa yoki farzand hisobi yaratilayotgan bolaning ota-onasi yoki qonuniy vasiyi boʻlsangiz, quyidagilarga rozilik berasiz:
(a) Kelishuvdagi barcha majburiyatlarning soʻzsiz va aniq bajarilishini kafolatlash;
(b) Kelishuv doirasida yoki unga muvofiq Huawei kompaniyasiga toʻlanadigan barcha pullarni toʻlash; va
(c) Alohida va asosiy majburiyat sifatida, ushbu shartlardagi majburiyatlarga amal qilmasligingiz yoki ulardagi bir yoki barcha moddalarni inkor qilishingiz oqibatida Huawei kompaniyasi koʻrgan har qanday zarar, chiqim, xarajat, shikastlanish, daʼvo yoki majburiyatlarni Huawei kompaniyasiga soʻzsiz toʻlashga rozilik berasiz.
Shuningdek, siz kafolatlovchi va kafillik beruvchi sifatidagi majburiyatlaringizning asosiy majburiyatlar ekani hamda ushbu Kelishuvning umumiy yoki qisman yaroqsizligi yoki amalga oshirib boʻlmasligiga qaramay, ularning saqlanib qolishiga rozilik berasiz.
Shuningdek, quyidagilarning hech biri sizning kafolatlovchi va kafillik beruvchi sifatidagi majburiyatlaringizga taʼsir qilmasligi va/yoki bekor qilmasligiga rozilik berasiz: (a) bu Kelishuvdagi har qanday huquq va/yoki majburiyatlarning hammasi yoki bir qismining biz tomonimizdan tugatilishi, oʻzgartirilishi, tayinlanishi, yangilanishi yoxud sub-pudrat qilinishi; (b) ushbu Kelishuv doirasida Huawei tomonidan vaqtning bekor qilinishi yoki berilishi; (c) toʻlovning Huawei tomonidan talab qilinishi yoki majburiy ravishda olinishi; (d) har qanday uchinchi tomon bilan ishlash; (e) ushbu Kelishuv yuzasidan majburiyatlaringizga taʼsir (qisman yoki butunlay) qiluvchi harakat yoki harakatsizlik; (f) qarzingizni toʻlashga qodir emasligingiz; (g) mazkur Kelishuv boʻyicha majburiyatlaringizning toʻliq yoki qisman bajarilishi yuzasidan Huawei tomonidan sizga yuborilgan har qanday bildirish yoki majburiyatlaringizning toʻliq yoki qisman bajarilishi yuzasidan sizga yuborilgan har qanday bildirish; va (h) vafotingiz.
4. Xizmatlardan foydalanish
Biz ushbu Kelishuvga muvofiq sizga mazkur Xizmatlarga kirish va undan foydalanish uchun chegaralangan, alohida istisno va imtiyozlarga ega bo‘lmagan, uchinchi tomonga oʻtkazilmaydigan, sub-litsenziya qilinmaydigan va bekor qilish mumkin bo‘lgan litsenziyani beramiz.
Bu xizmatlarga kirish yoki ulardan foydalanishingiz uchun sizda HUAWEI ID bo‘lishi zarur. HUAWEI ID hisobingiz tafsilotlari uchun HUAWEI ID ilovasini oching va Sozlamalar > Haqida > HUAWEI ID foydalanuvchisi bilan kelishuv rukniga kiring.
5. Xizmatlar
Mazkur Xizmatlar AppGallery yordamida foydalanuvchiga Huawei yoki tashqi dasturchilar (“Dasturchilar”) tomonidan yaratilgan ilovalarni xarid qilish va/yoki yuklab olish imkonini beradi.
Huawei sizga ilovalarni bepul yuklab olishga ruxsat berishi yoki ular uchun haq olishi mumkin hamda ilovaning narxi AppGallery ichida uning yonida keltiriladi.
AppGallery orqali biror ilovani xarid qilganingizda va/yoki yuklab olganingizda, unga
(a) Huawei tomonidan ilovalar uchun bevosita Huawei orqali yoki
(b) Dasturchi litsenziyasini olasiz.
Siz Huawei va/yoki Dasturchilar bilan bizning/ularning AppGallery orqali taqdim qilgan ilovalarimizni yuklab olish va foydalanish uchun alohida kelishuvni (masalan, Yakuniy foydalanuvchi bilan litsenziya kelishuvi, “EULA” yoki boshqa kelishuvlar) qabul qilishingizni tasdiqlaysiz. Barcha ilovalar foydalanuvchilarga litsenziyalangan va sotilmaydi.
6. Tashqi xizmatlar
Mazkur Xizmatlar vositasida tashqi ilova va xizmatlardan foydalanish orqali siz tashqi ishlab chiquvchilar (bundan keyin “Dasturchi” deb yuritiladi) bilan ilovalarni yetkazib berish yuzasidan shartnoma tuzishingizni hamda Dasturchi tomonidan taqdim etilgan xizmat kelishuvi va/yoki yakuniy foydalanuvchi bilan litsenziya kelishuvi (“EULA”) shartlariga amal qilishingizni tasdiqlaysiz. Huawei siz va dasturchi o‘rtasidagi yakuniy foydalanuvchi bilan litsenziya kelishuvida tomonlardan biri bo‘lib hisoblanmaydi. Dasturchi kelishuvlari, yakuniy foydalanuvchi bilan litsenziya kelishuvlari va maxfiylik siyosatlarini o‘qib chiqishni qat’iyan maslahat beramiz. Huawei kompaniyasi Dasturchi ilova va xizmatlaridagi kontentni boshqarish va nazorat qilish huquqiga ega emas va bunga majbur emas, shu sababdan, bunday ilova va xizmatlardan foydalanishingiz oqibatida huquqlaringizning buzilishi holatlarida hech qanday javobgarlikni zimmasiga olmaydi.
Huawei kompaniyasi Dasturchilar taqdim etgan kontent yoki ilova va xizmatlarining mavjudligi uchun javobgar emas hamda Dasturchi taqdim etgan hech qanday kontent, reklama, mahsulot, xizmat va boshqa materiallarning mavjudligi uchun javobgar emas. Mazkur Kelishuv yoki Ishlab chiquvchi Yakuniy foydalanuvchi bilan litsenziya kelishuvlari (EULA lar), kelishuvlari va/yoki maxfiylik siyosatlariga rioya qilmasangiz, Ishlab chiquvchi sizga nisbatan qonuniy chora koʻrish huquqiga ega hamda Huawei kompaniyasidan sud jarayoni mobaynida Dasturchi va/yoki tegishli davlat organlariga yordam berish talab qilinishi mumkin. Siz bunday hollarda huquqiy javobgarlikni toʻliq zimmangizga olasiz va Huawei kompaniyasining har qanday yoʻqotish, zararlarini qoplaysiz va bizga nisbatan daʼvolardan xoli qilasiz.
Dasturchi ilovalarini yuklab olish, litsenziyalash va/yoki ishlatish yuzasidan har qanday nizolar Dasturchi tomonidan hal etiladi. Shundan kelib chiqib, Huawei hech qanday javobgarlikni zimmasiga olmaydi. Huawei uchinchi tomon dasturiy ta’minoti yoki texnologiyasi uchun hech qanday mijozlarga yordam xizmatini ko‘rsatmaydi. Agar yordam kerak bo‘lsa, Dasturchiga murojaat qiling.
Har bir Dasturchi ilovalar, ilova kontenti va taqdim etgan kafolati uchun javobgar hisoblanadi. Nizo hal qilingach, dasturchining kafolati yoki istalgan boshqa bir amaldagi EULA kelishuvi siz va Dasturchi orasida tasdiqlangan ushbu ilovaga tegishli savollarda ushbu Kelishuvdan ustuvor hisoblanadi.
7. Xarid haqida kelishuv
Mazkur boʻlim (Xarid qilish kelishuvi) bepul ilovalarga nisbatan tatbiq etilmaydi.
Bu Xizmatlar uchun amalga oshirilgan xaridlarning umumiy narxiga quyidagilar kiradi:
(a) Ilova, funksiya yoki yangilash narxi;
(b) Tatbiq etiladigan kredit karta haqlari; va
(c) Sotuv, foydalanish, tovar va xizmatlar (“GST”), qoʻshimcha qiymat (“QQS”), yoki boshqa shunday soliqlar, amaldagi qonunlar doirasida hamda xarid amalga oshirilgan paytda amalda boʻlgan soliq stavkasiga asosan. Xizmatlarda koʻrsatilgan barcha narxlar QQS qiymatini oʻz ichiga oladi. QQS istisno qilinishi (va mahalliy qonunlar tomonidan ruxsat berilgan) kabi holatlar bundan mustasno.
Siz Huawei va/yoki Dasturchilarning ilova hamda ilova ichidagi xarid uchun narx belgilash huquqini oʻzida saqlab qolishi hamda bunday narx belgilashlar haqida maqsadga muvofiq muddat ichida ilova xaridlaridan oldin sizga xabar berishini tan olasiz va tasdiqlaysiz. Belgilangan narx amal qila boshlagach, ilovadan foydalanishda davom etish uchun ushbu yangi narxni qabul qilishingiz kerak. O‘zgarishdan keyingi yangi bahoni qabul qilmasangiz, tegishli xizmatdan foydalanishni to‘xtatish huquqiga egasiz.
Bekor qilish huquqi:
Agar Yaponiyada yashasangiz, buyurtmangiz qabul qilingani haqidagi tasdiqlash xabarini olganingizdan keyin 14 (oʻn toʻrt) kun ichida hech qanday sababsiz xaridingizni bekor qilishingiz mumkin.
Bekor qilish muddatiga rioya qilish uchun siz 14 kunlik muddat tugashidan oldin bekor qilish xabaringizni bizga yuborishingiz kerak. Agar xaridingizni bekor qilishni xohlasangiz, tasdiqlash xatidagi aloqa maʼlumotidan foydalanib Huawei mijozlarga xizmat markaziga murojaat qiling. Shuningdek, veb-saytimizdagi bekor qilish shakli yordamida ham bekor qilish uchun murojaat qilishingiz mumkin.
Bekor qilish amalga oshirilgach, siz xarid qilgan ilova xizmatini toʻxtatamiz va bekor qilish haqidagi xabaringiz olinganidan keyin 14 (oʻn toʻrt) kun ichida pulingizni qaytaramiz. Bu muddat mobaynida ilovadan foydalana olmaysiz. Agar siz va biz boshqacha shartlarga kelishmagan bo‘lsak, to‘lovni qoplash uchun biz siz dastlabki buyurtma uchun foydalangan to’lov vositasidan foydalanamiz. Agar Huawei firibgarlik, qaytarib olish imkoniyatining suiisteʼmol qilinishi yoki Huawei uchun tegishli qarshi daʼvo huquqini beruvchi boshqa manipulyativ xatti-harakatlar haqida dalil topsa, Huawei vaqti-vaqti bilan pulni qaytarish haqidagi talablarni rad etishi mumkin.
Agar Rossiya Federatsiyasida yashasangiz, buyurtmangiz qabul qilingani haqidagi tasdiqlash xabarini olganingizdan keyin 7 (yetti) kun ichida hech qanday sababsiz xaridingizni bekor qilishingiz mumkin.
Bekor qilish muddatiga rioya qilish uchun siz 7 kunlik muddat tugashidan oldin bekor qilish xabaringizni bizga yuborishingiz kerak. Agar xaridingizni bekor qilishni xohlasangiz, tasdiqlash xatidagi aloqa maʼlumotidan foydalanib Huawei mijozlarga xizmat markaziga murojaat qiling. Shuningdek, veb-saytimizdagi bekor qilish shakli yordamida ham bekor qilish uchun murojaat qilishingiz mumkin.
Bekor qilish amalga oshirilgach, siz xarid qilgan ilova xizmatini toʻxtatamiz va bekor qilish haqidagi xabaringiz olinganidan keyin 10 (oʻn) kun ichida pulingizni qaytaramiz. Bu muddat mobaynida ilovadan foydalana olmaysiz. Agar siz va biz boshqacha shartlarga kelishmagan bo‘lsak, to‘lovni qoplash uchun biz siz dastlabki buyurtma uchun foydalangan to’lov vositasidan foydalanamiz. Agar Huawei firibgarlik, qaytarib olish imkoniyatining suiisteʼmol qilinishi yoki Huawei uchun tegishli qarshi daʼvo huquqini beruvchi boshqa manipulyativ xatti-harakatlar haqida dalil topsa, Huawei vaqti-vaqti bilan pulni qaytarish haqidagi talablarni rad etishi mumkin.
AppGallery ilovasida Men > Yordam > Savol-javob rukniga kirib, Qaytarish siyosati bilan tanishishingiz mumkin.
8. Hisob xavfsizligi
Siz HUAWEI ID foydalanuvchi nomi va parolingizni maxfiy ma’lumot deb bilishingiz hamda ularni boshqalarga oshkor qilmasligingiz kerak. Murakkab parol tanlash va uni xavfsiz joyda saqlashingizni tavsiya qilamiz. Siz parolingizni xavfsiz saqlash uchun javobgarsiz hamda HUAWEI ID maʼlumotlaringizni uchinchi tomonga berishingiz oqibatida yuz bergan har qanday turdagi yoʻqotish, zarar, majburiyat yoki daʼvolar uchun biz javobgar emasligimizni tasdiqlaysiz.
Agar HUAWEI ID hisobingizga tegishli axborotlardan boshqa birov foydalanishi mumkinligidan shubhalansangiz, ushbu Kelishuvda keltirilgan quyidagi ma’lumotlardan foydalanib bizga darhol xabar berishingiz va parolingizni almashtirishingiz lozim. Xizmatlardan foydalanish uchun siz boshqa shaxsning HUAWEI ID ma’lumotlaridan foydalanmasligingiz zarur. Siz HUAWEI ID hisobi haqidagi axborot va tranzaksiya axborotingizdan uchinchi tomonlar ruxsatsiz foydalanishining oldini olish uchun tegishli himoya choralarini koʻrishingiz kerak.
9. Foydalanish shartlari
Xizmatlarga kirish va ulardan foydalanishda siz ularni qonuniy va axloqiy jihatdan to‘g‘ri bajarishga va ushbu Kelishuvga muvofiq amalga oshirasiz va bunga rozilik berasiz.
Siz ushbu bilan Xizmatlardan materiallarni tarqatish faoliyati bilan shug‘ullanmaslik va Xizmatlardan foydalanishingiz sababli faoliyatingizda noto‘g’ri, haqoratli, tahqirli, zararli, odobsiz, noqonuniy, tajovuzkor, shafqatsiz, shilqimlik qiluvchi, janjalli, nafratlanadigan, ig‘vo tarqatuvchi, tahdid qiluvchi, pornografik, maxfiylikka tahdid qiluvchi yoki boshqacha tarzdagi nojo‘ya usullardan foydalanmaslikni tan olasiz va qabul qilasiz, shuningdek, cheklanmagan tarzda, noqonuniy faoliyatga ko‘maklashuvchi, pornografik tasvirlarni ko‘rsatuvchi, zo‘ravonlikni targ‘ib etuvchi, kamsituvchi, noqonuniy yoki har qanday shaxs yoki mulkka zarar yoki shikast yetkazishni ko‘zlovchi holatlar amaldagi qonunchilikka binoan biron bir fuqarolik yoki jinoiy javobgarlikka sabab bo‘lishi mumkinligini qabul qilasiz, shu jumladan, cheklamagan holda, siz e’lon qilish yoki yuborish huquqiga ega bo‘lmagan har qanday materiallarni e’lon qilishingiz yoki yuborishingiz maxfiylik va/yoki uchinchi shaxslarning intellektual mulk huquqlarini buzishi mumkinligini bilasiz va bunga rozilik berasiz.
Mazkur kelishuvda yaqqol ko‘rsatilgan holatlar yoki amaldagi qonunchilik ruxsat etadigan holatlardan tashqari siz quyidagilarga rozilik berasiz va o‘z zimmangizga olasiz:
(a) Mazkur Xizmatlarning hech qanday qismidan mualliflik huquqi, savdo belgisi yoki boshqa mulkiy bildirishnomalarni olib tashlamaslik;
(b) Mazkur Xizmatlarni butunlay yoki qisman koʻpaytirmaslik, oʻzgartirmaslik yoki tahrirlamaslik yoxud ushbu Xizmatlar yoki ularning biror qismini boshqa ilova yoki dasturlar bilan birlashtirmaslik yoki birga ishlatmaslik;
(c) Ruxsatsiz kirmaslik yoki kirishga urinmaslik yoxud ushbu Xizmatlarning biror qismini yoki ularning tegishli tizim yoki tarmoqlarini buzmaslik;
(d) Mazkur Xizmatlarning to‘liq yoki har qanday qismiga asoslangan holda ularni qismlarga ajratish, bo‘lish, hosila yaratish yoki hosilaviy ishlarni yaratish yoki shunday harakatlarni amalga oshirishga urinish, bunday harakatlar amaldagi qonunchilik bilan taqiqlanmaydigan holatlar bundan mustasno;
(e) Mazkur Xizmatlardan tarqatish, litsenziyalash, ijaraga berish, sotish, qayta sotish, uzatish, omma oldida namoyish qilish, ijro etish, yuborish, translatsiya qilish, striming yoki boshqa maqsadlarda foydalanmaslik;
(f) Bizning oldindan berilgan yozma roziligimizsiz hech qanday shaklda ushbu Xizmatni to‘liq yoki qisman (shu jumladan, obyekt va manba kodini) taqdim etmaslik yoki boshqa shaklda yetkazmaslik;
(g) Oʻzingizni boshqa shaxs sifatida tanitmaslik yoki aldov yoxud boshqa bir shaklda oʻzingizni biror shaxsga aloqador qilib koʻrsatmaslik;
(h) Mazkur Xizmatlarni (yoki ularning biror qismini) har qanday noqonuniy yo‘l bilan, noqonuniy maqsadlarda yoki ushbu Kelishuvga zid ravishda ishlatmaslik, shuningdek, cheklamagan holda, zararli xizmatlarga (yoki Xizmatlarga bog‘langan veb-saytlarga) yoki biror operatsion tizimga virus, jumladan, zararli ma‘lumotlarni joylashtirish uchun foydalanmaslik;
(i) Bu Xizmatlarga kirish va/yoki foydalanishingiz yuzasidan biz yoki uchinchi tomonlarning intellektual mulk huquqini buzmaslik;
(j) Avtomatlashtirilgan vositalardan (masalan, botnetdan) foydalanib Xizmatlar foydalanuvchilarining ma’lumotlarini olmaslik yoki boshqa bir shaklda Xizmatlar yoki tizimlarimizdan foydalanmaslik, yoki ushbu Xizmatlar ishlayotgan serverlar bilan ma’lumot almashish jarayonida tranzaksiyalar shifrini yechmaslik;
(k) Dastur, qurilma, skriptlar, robotlar yoki boshqa narsalarni ishlab chiqarmaslik yoki qayta ishlamaslik (jumladan, indeksatorlar, brauzer plagin va kengaytmalari yoki boshqa biror texnologik yoki oddiy usulda bajariladigan ish) Xizmatlardan maʼlumot olish yoki boshqa shaklda profillardan nusxa olish va Xizmatlardan boshqa maʼlumotlarni olish;
(l) Bizning oldindan berilgan yozma shakldagi roziligimizsiz ushbu Xizmatlardan tijoriy maqsadlarda foydalanmaslik;
(m) Bu Xizmatlardan oʻtochar qurol, narkotik modda, noqonuniy moddalar, qaroqchilik bilan olingan dastur yoki boshqa taqiqlangan narsalar oldi-sotdisi kabi biror noqonuniy biznes tranzaksiya uchun foydalanmaslik;
(n) Qimor oʻyinlariga qiziqish uygʻotmaslik uchun boshqalarga hech qanday usulda qimorbozlikka oid axborotlarni taqdim qilmaslik;
(o) Boshqa birovga tegishli registratsiya yoki hisob maʼlumotini olmaslik;
(p) Pul mablagʻlarini noqonuniy ravishda muomalaga kiritish, noqonuniy daromadlarni legallashtirish yoki piramida sotuv sxemalarini yaratish uchun ishlatmaslik;
(q) Mazkur Kelishuvni (yoki uning biror qismi (qismlari)ni) buzmaslik, uni yengillatmaslik yoki moslashtirmaslik; hamda
(r) Mazkur Xizmatlardan ushbu Xizmatlarga, bizning tizim yoki xavfsizligimizga zarar yetkazuvchi, ishdan chiqaruvchi, ishlashini qiyinlashtiruvchi va buzuvchi shaklda foydalanmaslik, boshqa foydalanuvchi yoki istalgan uchinchi tomonning kompyuter tizimlari faoliyatiga aralashmaslik yoki ushbu Xizmat yoxud Bizning kontent (quyida tavsiflangan) yoki maʼlumotlarga xakerlik yoʻli bilan ruxsatsiz kirmaslik.
(s) Yuqorida keltirilganlarni oʻz ichiga oluvchi hech qanday xatti-harakatlarni amalga oshirmang.
10. Kontentimizdan foydalanish
Biz va/yoki bizning litsenziarlarimiz Xizmatlarda yoki ular orqali foydalanish mumkin boʻlgan maʼlumotlar (har qanday koʻrinishda, jumladan, matn, grafik, video va audio shakldagi), tasvirlar, belgilar, ta ilova, dizaynlar, dasturiy taʼminot, skript, dasturlar, mualliflik huquqlari, savdo belgilari, savdo nomlari, logotiplar hamda boshqa materiallar va xizmatlar, jumladan, ularning koʻrinish va his qilinishi (birgalikda “Kontentimiz”) yuzasidan barcha huquqlar, maqomlar va manfaatlarni oʻzimizda saqlab qolamiz. Kontentimiz mualliflik huquqi, savdo belgisi, maʼlumotlar bazasi huquqlari, favqulodda huquqlar hamda boshqa tegishli intellektual va sanoat mulki huquqlari, milliy qonunlar va xalqaro shartnomalar bilan himoyalanganini tasdiqlaysiz. Mazkur Kelishuvda buning aksi keltirilmagan hollarda, Xizmatlarga kirishingiz va/yoki ulardan foydalanishingiz siz yoki boshqa bir shaxsga Xizmatlar yoki undagi kontentlarga nisbatan hech qanday egalik yoki boshqa huquqlarni bermaydi.
Bizning Kontentimizda o‘zgartirishlar qilish, nusxalash, ajratib olish, tahrirlashlar yoki qo‘shimchalar kiritish yoki sotish, nusxa ko‘chirish, tarqatish yoki litsenziyalashni amalga oshirishingiz yoki bizning Kontentni noto‘g‘ri ishlatish mumkin emas. Agar Kontentimizni qayta nashr qilish, ajratib olish, qayta ishlab chiqarish, tarqatish yoki boshqa bir shaklda foydalanishni xohlasangiz, Kelishuvda buning aksi keltirilmagan hollarda bizga oldindan murojaat qilishingiz va yozma shaklda roziligimizni olishingiz lozim. Bu amaldagi majburiy qonunlarga muvofiq bo‘lgan hech qanday huquqlaringizga ziyon yetkazmaydi.
Agar Xizmatlar yoki uning istalgan qismi har qanday mualliflik huquqi, savdo belgisi, patent, tijorat siri yoki boshqa intellektual mulk huquqini buzsa yoki sizda Xizmatlar yuzasidan boshqa muammolar boʻlsa, quyida ushbu Kelishuvdagi aloqa maʼlumoti orqali bizni ogohlantiring.
11. Kontentingiz
Biz sizning Xizmatlar orqali yuboradigan matn, fayl, rasm, suratlar, mualliflik huquqi bilan himoyalangan asarlar va boshqa turdagi kontentga (birgalikda “Kontentingiz”) egalik huquqlari uchun da’vogarlik qilmaymiz. Siz Kontentingizga egalik huquqini saqlab qolishda davom etasiz va unga toʻliq javobgarsiz.
12. Xizmatlarning nazorat qilinishi
Siz bizning istalgan payt, oʻz ixtiyorimizga koʻra va sizni ogohlantirmasdan, mazkur Kelishuv hamda amaldagi qonunlar, sud hukmlari yoki sud koʻrsatmalari hamda davlat organlari, ijro hokimiyati organlari yoki muvofiqlashturivchi organlarning buyruq va talablarini bajarishingiz va ularga amal qilishingizni taʼminlash uchun ushbu Xizmatlarni boshqarish va rivojlantirish maqsadlari uchun zarur deb hisoblagan choralarni koʻrishimizga rozilik berasiz va tasdiqlaysiz. Bularga, ushbu bilan cheklanmagan holda, firibgarlikning oldini olish, xavf-xatarni baholash, tekshirish hamda mijozlarga yordam xizmati maqsadlari kabilar kiradi.
13. Maxfiylik va ma’lumot to‘plash
Sizga xizmatlarni yanada ishonchli shaklda taqdim etish va tranzaksiyalaringiz xavfsizligini taʼminlashga yordam berish uchun biz maxfiylik eslatmamizga muvofiq sizga tegishli axborot va texnik maʼlumotlarni olamiz va qayta ishlaymiz.
14. Majburiyatdan voz kechish
Xizmatlar faqat siz foydalanishingiz uchun mo‘ljallangan va ularda uchinchi tomon foydalanmasligi kerak. Siz bizning va ta’sischilarimiz, shoʻba korxonalarimiz, filiallar, mas’ul shaxslar, rahbarlar, xodimlar, pudratchilar, agentlarimiz, tashqi to‘lov provayderlari, sheriklar, litsenziarlar va distribyutorlarimiz (birgalikda “Huawei tomonlar”) Xizmatlardan har qanday ruxsatsiz foydalanishingiz oqibatlari uchun javobgar emasligiga rozilik berasiz.
Huawei tomonlari Xizmatlar uchun texnik xizmat yoki boshqa yordam xizmatlari uchun javobgar emas. Sizning ushbu Xizmatlardan foydalanishingiz bizning nazoratimizdan tashqaridagi sabablar tufayli nomaʼlum muddatga uzilishi, kechikishi yoki buzilishi mumkin. Huawei Tomonlari uzilish, kechiktirilish, to‘xtalish yoki shu kabi nosozliklar sababli yuzaga keladigan har qanday shikoyatlar uchun mas’uliyatni o‘z zimmasiga olmaydi.
Quyidagi sabablarga koʻra siz Xizmatlarga kira olmasangiz yoki ulardan foydalana olmasangiz, siz yoki boshqa shaxslarning har qanday javobgarligi, zararlari, ziyonlari yo badallar uchun Huawei Tomonlari yurisdiksiyangizdagi amal qiladigan qonunlar tomonidan ruxsat etilgan maksimal darajada javobgar bo‘lmaydi:
(a) Tizim, dastur yoki apparat qismida profilaktika yoki yangilash ishlarini amalga oshirish uchun ushbu Xizmatlarning Huawei tomonidan toʻxtatib turilishi yoki toʻxtatilishi;
(b) Bizdan boshqa tomonlar egalik qiladigan yoki boshqaradigan tizim yoki tarmoq aloqasidagi har qanday kechikish yoki uzilish;
(c) Xizmatlarga taʼsir qiluvchi, biz va har qanday tashqi toʻlov provayderlari orasidagi shartnoma yoki kelishuvlarning toʻxtatib turilishi, bekor qilinishi yoki toʻxtatilishi;
(d) Xakerlik hujumlari yoki shunga oʻxshash xavfsizlik muammolari tufayli yuzaga keladigan har qanday xato yoki uzilish; yoki
(e) Nazoratimizdan tashqaridagi boshqa har qanday hodisa yoki voqea.
Xizmatlar “qanday bo‘lsa shunday” va “mavjud holati” tarzida, biror vakolat yoki har qanday turdagi tasdiqlashsiz taqdim etiladi. Amaldagi qonunchilik tomonidan ruxsat etilgan maksimal darajada, Huawei tomonlar barcha kafolat, holat, kelishuvlar yoxud ochiq yoki nazarda tutilgan kafolatlarni rad etadi va hech qanday quyidagi majburiyat, kafillik yoki kafolatlarni bermaydi:
(a) Xizmatlardagi yoki u orqali taqdim etilgan kontentning toʻliqligi, aniqligi, ishonchliligi yoki kontentning oʻz vaqtidaligi bilan bogʻliq holda;
(b) Xizmatlar yoki ular joylashtirilgan server(lar)ning kamchilik, xato, virus, dasturiy xato yoki boshqa zararli kontentlardan xoli ekani;
(c) Xizmat operatsiya yoki funksiyalaridagi har qanday kamchiliklarning tuzatilishi;
(d) Bu Xizmatlarning muayyan funksiyalari bilan bogʻliq holda, ushbu Xizmatlardan foydalanishingiz natijasi sifatida siz tomoningizdan olingan axborotlarning ishonchliligi, sifati yoki aniqligi;
(e) Xizmatlarning xatoliklardan xolilik xususiyati; va
(f) Xizmatlarning ishonchliligi, sifati, aniqligi, mavjudligi yoki ehtiyojlaringizga javob berishi, muayyan natijalar bilan taʼminlash yoki natijalarga erishishi.
Huawei tomonlari sizning (yoki boshqa biror shaxsning) ushbu Xizmatlardan foydalanish va/yoki ularga kirish orqali olingan ma’lumotlarga asoslanib to‘liq yoki qisman yetkazilgan zarar yoki zararlar uchun javobgar emas.
Ayrim mamlakatlarning qonunlari muayyan kafolatnoma, kafillik, vakillik yoki kafolatlarning shartnomadan olib tashlanishi yoki cheklanishiga yo‘l qo‘ymaydi. Agar bunday qonunlar siz uchun ham amal qilsa, yuqoridagi istisnolar va cheklovlarning ba’zilari yoki hammasi sizga tegishli bo‘lmasligi va sizning qo‘shimcha huquqlaringiz bo‘lishi mumkin. Mazkur Kelishuvdagi hech narsa sizning mijoz sifatidagi huquqlaringiz va shartnomani oʻzgartirish yoxud bekor qilishga rozilik bera olmasligingizga taʼsir qilmaydi.
15. Javobgarlikni cheklash
Sizning yurisdiksiyangizdagi amaldagi qonunlar tomonidan ruxsat etilgan maksimal darajada, Xizmatlarga kirish va undan foydalanishingiz mutlaqo oʻz ixtiyoringizda hamda Huawei tomonlar shartnoma, huquqbuzarlik (jumladan, eʼtiborsizlik) yoki istalgan boshqa tarzda boʻlsin, siz yoxud boshqa biror shaxs tomonidan yetkazilgan quyidagi barcha qarzdorlik, yoʻqotish yoki zararlar uchun javobgarlikni ochiqchasiga oʻzidan soqit qiladi:
(a) Foydaning yoʻqotilishi, daromadning yoʻqotilishi, kirimning yoʻqotilishi, maʼlumotning yoʻqotilishi yoki manfaatga zarar yetishi; va
(b) Atay yetkazilgan, bevosita yoki bilvosita yoʻqotish yoki zarar.
Mazkur Kelishuvdagi cheklovlar va istisnolar biz ma’lumot berganimiz yoki bermaganimiz, qandaydir zarar kelib chiqishi ehtimoli haqida xabardor qilishimiz kerakligi yoki yo‘qligidan qat’i nazar qo‘llaniladi.
Siz istalgan vaqtda Xizmatlarning har qanday jihatlaridan norozi bo‘lsangiz, Xizmatlarga kirish yoki ulardan foydalanishni to‘xtatish o‘zingizning shaxsiy va mutlaq huquqingizdir. Sizning yurisdiksiyangizdagi amaldagi qonunchilik tomonidan ruxsat etilgan va oldingi cheklovlarga zarar yetkazmagan holda, Huawei Tomonlarning sizga yoki boshqa shaxsga da’vo, sud jarayoni, majburiyatlar, zarar, shikastlanishlar, nizolar (shu jumladan, beparvolik) yoki boshqa nazariyalar natijasidagi majburiyati 500,00 Gonkong (Xitoy) dollaridan (HKD) oshmaydi. Ushbu Kelishuvda ko‘rsatilgan ogohlantirishlar va mas’uliyat cheklovlarini adolatli va oqilona deb bilasiz va bunga rozilik berasiz.
Ayrim mamlakatlarning qonunlari bu yerda keltirilgan cheklov va istisnolarning ayrimlari yoki barchasiga ruxsat bermaydi. Agar ushbu qonunlar siz uchun amal qilsa, yuqorida tavsiflangan cheklov va istisnolarning ayrimlari yoki barchasi sizga nisbatan tatbiq qilinmasligi hamda siz qo‘shimcha huquqlarga ega bo‘lishingiz mumkin. Mazkur Kelishuvdagi hech narsa sizning mijoz sifatidagi huquqlaringiz va shartnomani oʻzgartirish yoxud bekor qilishga rozilik bera olmasligingizga taʼsir qilmaydi.
16. Siz tomondan tugatish
Hisobingizni hisob sozlamalari orqali yoki ushbu Xizmatdan foydalanishni to‘xtatish yo‘li bilan yopishingiz mumkin.
17. Biz tomonimizdan tugatish yoki to‘xtatish
Amaldagi qonunlarga muvofiq biz biror shaxs yoki uchinchi tomon uchun javobgarlikni zimmamizga olmagan holda, sizning Xizmatlar yoki uning qismlariga kirishingizni vaqtincha yoki doimiy ravishda toʻxtatish, bekor qilish yoki cheklashimiz mumkin. Buni qilishdan oldin biz sizga bildirishnoma yuborishga harakat qilamiz. Lekin biz quyidagi, lekin bular bilan cheklanmagan holda, sizga oldindan xabar berish majburiyatini olmaganmiz hamda ushbu Xizmatlardan qisman yoki toʻliq foydalanishingizni doimiy yoki vaqtincha to‘xtatib qo‘yish yoki chegaralash yoxud cheklashimiz mumkin:
(a) Agar siz ushbu Kelishuvni, jumladan, har qanday qoʻshma bitim, siyosat yoki yoʻriqnomani buzsangiz, yoki biz ularni buziladi, deb hisoblasak;
(b) Agar siz yoki sizning nomingizdan xatti-harakatlarni amalga oshiruvchi har qanday shaxs firibgarlik yoki boshqa turdagi noqonuniy xatti-harakatlarni amalga oshirsa yoki bizga har qanday yolg‘on va chalg‘ituvchi ma’lumotni taqdim etsa;
(c) Huquqni muhofaza qilish organlari yoki boshqa davlat muassasalarining amaldagi huquqiy jarayon yuzasidan qilingan talablariga javoban;
(d) Tizim yoki apparat qismida zudlik bilan bajarilishi lozim boʻlgan profilaktika ishlari yoki muhim yangilanishlarni amalga oshirish holatlarida; yoki
(e) Kutilmagan texnik, himoya, biznes yoki xavfsizlik sabablariga binoan;
Bu Kelishuvning toʻxtatilishi yoki faolsizlantirilishi ushbu Kelishuvning u faolsizlantirilganidan yoki toʻxtatilganidan keyin amal qilishi yoki oʻz kuchida qolishi ochiq bayon qilingan hamda faolsizlantirish yoki toʻxtatish kabi holatlar ulardagi huquq va majburiyatlarga taʼsir qilmaydigan moddalariga taʼsir qilmaydi.
Mazkur Kelishuvdagi tabiati yoki maqsadiga koʻra ushbu Kelishuv tugatilganidan keyin ham oʻz kuchida qoluvchi har qanday modda toʻliq amal qiladi hamda xarakteri yoki maqsadiga koʻra bunday moddalar shartlari qondirilmagunicha amal qilishda davom etadi.
18. Mazkur kelishuvga kiritiladigan o‘zgartirishlar
Biz Xizmatlarni doimiy ravishda yangilab, o‘zgartirib va takomillashtirib boramiz. Biz Xizmatlarga funksiya va xususiyatlar qo‘shish yoki olib tashlashimiz, yangi cheklovlar kiritishimiz yoki Xizmatlarni vaqtincha yoki butunlay to‘xtatishimiz mumkin. Biz istalgan paytda ushbu Kelishuvga o‘zgartirishlar kirita olamiz va Xizmatlarimizning ma’lum qismi, qismlari yoki barchasini tartibga soluvchi qo‘shimcha maxsus shartlar, axloq kodekslari yoki ko‘rsatmalarni joylashtirishimiz mumkin.
Xizmatlar yoki ushbu Kelishuvga kiritilgan, foydalanuvchilarimizga moddiy jihatdan salbiy taʼsir qiladigan yoki ularning Xizmatlarga kirish yoki foydalanishini cheklaydigan har qanday o‘zgartirishlar haqida sizga maqsadga muvofiq muddat ichida xabar beramiz. Bu Kelishuvga kiritiladigan o‘zgarishlar yoki foydalanuvchilarga moddiy jihatdan taʼsir qilmaydigan yoki noqulayliklar keltirib chiqarmaydigan yoxud Xizmatlarga kirish yoki ulardan foydalanishni amalda cheklamaydigan Xizmatlardagi o‘zgarishlar haqida sizga oldindan xabar bermasligimiz mumkin. Xavfsizlik, qonun yoki muvofiqlashtirish talablariga javob berishi uchun Xizmatlarga kiritiladigan oʻzgarishlarni amalga oshirar ekan, biz yuqorida keltirilgan vaqt ichida sizga xabar berishga ulgurmasligimiz mumkin va ushbu oʻzgarishlar haqida sizni imkon qadar tez ogohlantirishga harakat qilamiz.
19. Umumiy shartlar
Xizmatlar yoki uchinchi tomonlar boshqa veb-saytlar yoki manbalarga havolalar keltirishi mumkin. Bunday tashqi veb-sayt yoki manbalarning mavjudligi uchun biz javobgar emasligimiz va bunday saytlar yoki manbalarning har qanday kontenti, reklama, mahsulotlar yoki boshqa materiallari uchun masʼuliyatni zimmamizga olmasligimizni tan olasiz va bunga rozilik berasiz. Shuningdek, biz bunday veb-sayt yoki manbalardagi har qanday kontent, mahsulot yoki xizmatlardan foydalanish yoki ularni qoʻllash natijasidagi yoki ularga aloqador har qanday zarar yoki yoʻqotish uchun bevosita yoki bilvosita masʼuliyat yoki javobgarlikni zimmamizga olmasligimizni tan olasiz va bunga rozilik berasiz.
Ushbu Kelishuvda hech narsa siz va bizning oramizda sherikchilik yoki vositachilik munosabatlarini yaratmasligi lozim va hech qaysi tomon boshqasining nomidan biror majburiyat olishi yoki xarajatlar qilishi yoxud biror kelishuv yoki bitimlarga kirishish huquqiga yoki vakolatga ega emas.
Biz ushbu Kelishuv doirasida bizning huquq va/yoki majburiyatlarimizni tayinlash, sub-shartnoma tuzish yoki taqdim etishimiz mumkin va siz bunday maqsad uchun zarur yoki kerakli barcha hujjatlarni darhol taqdim etishga rozilik berasiz.
Agar ushbu Kelishuvning biror moddasi (yoki moddaning bir qismi) sud yoki vakolatli yurisdiksiya yoki organ tomonidan yaroqsiz, xato yoki bajarib boʻlmaydigan deb topilsa, u ushbu Kelishuvdan olib tashlangan deb hisoblanadi va ushbu Kelishuvning boshqa barcha moddalari butunlay oʻz kuchida qoladi va amal qiladi hamda qolgan moddalar yaroqsiz deb topilgan moddadan alohida mavjud boʻlish qobiliyatiga ega hisoblanadi.
Bu Kelishuv Xizmatlar yuzasidan tuzilgan oramizdagi toʻliq kelishuvdir va siz ushbu Kelishuvni mazkur Kelishuvda mavjud boʻlmagan vakolat, kafolat yoki kafillikka asoslangan holda yoki majburan imzolamaganingizni tasdiqlaysiz va bunga rozilik berasiz.
20. Muvofiqlashtiruvchi qonunlar va yurisdiksiya
Mazkur Kelishuvning shakllantirilishi, talqin qilinishi va amalga oshirilishi hamda u bilan bogʻliq yoki unga aloqador boʻlgan har qanday nizo yoki daʼvo (jumladan, shartnomaga kirmaydigan nizo yoki talablar) Gonkong qonunlariga muvofiq boshqariladi va talqin qilinadi. Amaldagi qonunlar tomonidan buning aksi talab qilinmagan hollarda, siz va biz Gonkong sudlarining ushbu Kelishuv bilan bogʻliq boʻlmagan yoki kelib chiqishi mumkin boʻlgan har qanday nizo, daʼvo, xatti-harakat yoki sud muhokamasini tinglash va hukm chiqarishda ekskluziv huquqqa ega ekanini tasdiqlaymiz. Lekin, bu Gonkong hududidan tashqarida sud ishlarini qoʻzgʻashimizga xalaqit bermaydi.
21. Biz bilan aloqa
Mazkur Kelishuvga oid biror savolingiz bo‘lsa, quyidagi ma’lumotdan foydalanib bizga murojaat qiling:
Email: developer@huawei.com
Oxirgi yangilanish: 2019-yil, Avgust