AppGallery-ს მომხმარებლის შეთანხმება

1.    ჩვენ შესახებ

AppGallery-ს მობილურ აპსა და მასთან დაკავშირებულ ტექნოლოგიებსა და ფუნქციონალობებს (ერთად „სერვისები) მართავს Huawei Services (Hong Kong) Co., Limited (შემდგომში „Huawei“, „ჩვენ“, „ჩვენს“ ან „ჩვენი“), ჰონკონგის კანონმდებლობის საფუძველზე რეგისტრირებული კომპანია, რეგისტრაციის მისამართით: Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong და საიდენტიფიკაციო ნომრით 1451551. ამ შეთანხმებაში (განსაზღვრულია ქვემოთ) „თქვენ“ და „მომხმარებელი“ გულისხმობს ნებისმიერ პირს, რომელიც სარგებლობს სერვისებით და/ან მათზე წვდომა აქვს.

2.    მოცემული შეთანხმების მიზანი

ეს მომხმარებლის შეთანხმება, ჩვენი კონფიდენციალურობის დებულება და სხვა დებულებები, გამოქვეყნებული ან ხელმისაწვდომი „სერვისების“ მეშვეობით ან მასთან დაკავშირებით (ერთობლივად „შეთანხმება“), წარმოადგენს წესებსა და პირობებს, რომელთა საფუძველზეც ხდება თქვენ მიერ სერვისებით სარგებლობა ან მათზე წვდომა.

ჩვენი კონფიდენციალურობის დებულების ნახვა შეგიძლიათ AppGallery-ში მენიუში: მე > ინფო.

ამ შეთანხმებიდან შეიტყობთ, თუ ვინ ვართ ჩვენ, როგორ მოგაწვდით „სერვისებს“, რომელი აქტივობებია დაშვებული და რომელი — დაუშვებელი „სერვისებში“ ან მასთან დაკავშირებით, როგორ უნდა მოიქცეთ „სერვისების“ პრობლემის წარმოქმნის შემთხვევაში, ასევე სხვა მნიშვნელოვან ინფორმაციას. სერვისებზე წვდომით ან მათით სარგებლობით თქვენ სავალდებულო იურიდიული ძალის მქონე ხელშეკრულებას აფორმებთ ჩვენთან და თანხმდებით ამ შეთანხმებაზე. თუ თქვენ არ მიიღებთ და არ დაეთანხმებით ამ შეთანხმებას, არ უნდა ისარგებლოთსერვისებიდა არ უნდ განახორციელოთ მათზე წვდომა.

3.    გამოყენების უფლება

კონტრაქტის გასაფორმებლად უნდა იყოთ თქვენი საცხოვრებელი ქვეყნის იურისდიქციის მიხედვით სრულწლოვანების ასაკს მიღწეული (შემდეგში „საკონტრაქტო ასაკი“). პირებს, რომლებსაც არ მიუღწევიათ საკონტაქტო ასაკისთვის, Huawei-ს სერვისებით სარგებლობა მხოლოდ იმ შემთხვევაში შეუძლიათ, თუ მათი მშობლები ან კანონიერი მეურვეები შექმნიან ბავშვის ანგარიშს და დაეთანხმებიან თანხმობის წერილს HUAWEI ID ანგარიშისთვის.

თუ თქვენ ხართ საკონტრაქტო ასაკის პირი ან წარმოადგენთ იმ ბავშვის მშობელს ან კანონიერ მეურვეს, რომლისთვისაც შექმენით ბავშვის ანგარიში, თანხმდებით იმაზე, რომ თქვენ:

(ა)    უპირობო და შეუქცევად გარანტიას იძლევით, რომ შეასრულებთ ამ შეთანხმებაში წარმოდგენილ ყველა ვალდებულებას;

(ბ)    გადაუხდით Huawei-ს ყველანაირ გადასახადს, რომელიც წარმოიშობა შეთანხმების საფუძველზე; და

(გ)    ცალკე და ძირითადი ვალდებულების ფარგლებში, თქვენ ასევე ეთანხმებით იმას, რომ უპირობოდ და სამუდამოდ ათავისუფლებთ Huawei-ს პასუხისმგებლობისგან ნებისმიერი ზიანის, ღირებულების, ხარჯის, ზარალის, პრეტენზიის ან ვალდებულების შემთხვევაში, რომელიც წარმოეშობა Huawei-ს, თუ არ შეასრულებთ თქვენს ვალდებულებებს რომელიმე ან ყველა პირობის შესაბამისად, ან თუ უარს იტყვით რომელიმე ან ყველა პირობის შესრულებაზე.

თქვენ ასევე ეთანხმებით იმას, რომ თქვენი, როგორც გარანტორის და პასუხისმგებლობისგან გამათავისუფლებელი პირის ვალდებულებები წარმოადგენს ძირითადი ვალდებულებების მქონე პირის ვალდებულებებს, რომლებიც იარსებებს მაშინაც კი, თუ შეთანხმება სრულად ან ნაწილობრივ დაკარგავს ძალას ან შეუსრულებადი გახდება.

თქვენ ასევე ეთანხმებით იმას, რომ არცერთი შემდეგი გარემოება გავლენას არ მოახდენს და/ან არ გააუქმებს თქვენს, როგორც გარანტორის ან პასუხისმგებლობისგან გამათავისუფლებელი პირის ვალდებულებებს: (ა) ჩვენ მიერ ამ შეთანხმებით გათვალისწინებული ყველა ჩვენი უფლების და/ან ვალდებულების ან მათი ნაწილის შეწყვეტა, შეცვლა, სხვა პირზე გადაცემა, დათმობა ან ქვეკონტრაქტით გადაცემა; (ბ) Huawei-ს უარი ან მის მიერ დამატებითი დროის მიცემა ამ შეთანხმების საფუძველზე; (გ) Huawei-ს მიერ გადახდის მოთხოვნა ან შესრულება; (დ) მესამე მხარესთან გარიგება; (ე) მოქმედება ან უმოქმედობა, რომელმაც სხვაგვარად შეიძლება იმოქმედოს ისე, რომ გავლენა მოახდინოს და/ან გააუქმოს (მთლიანად ან ნაწილობრივ) თქვენი ვალდებულებები ამ შეთანხმების საფუძველზე; (ვ) თქვენი უუნარობა, დროზე გადაიხადოთ დავალიანებები; (ზ) Huawei-ს მიერ თქვენთვის გაკეთებული განცხადება ამ შეთანხმებით გათვალისწინებული თქვენი ვალდებულებების მთლიანად ან ნაწილობრივ გაუქმებასთან დაკავშირებით, ან თქვენთვის გაკეთებული განცხადება თქვენი ვალდებულებების მთლიანად ან ნაწილობრივ დაძლევის შესახებ; და (თ) თქვენი გარდაცვალება.

4.    სერვისებზე წვდომა

ჩვენ განიჭებთ შეზღუდულ, არაექსკლუზიურ, არაგადაცემად, არაქველიცენზირებად და გაუქმებად ლიცენზიას სერვისებით სარგებლობისთვის და მათზე წვდომის მისაღებად, რომელიც ექვემდებარება და შეესაბამება ამ შეთანხმებას.

სერვისებით სარგებლობისთვის ან მათზე წვდომის მისაღებად თქვენ უნდა გქონდეთ HUAWEI ID. დამატებითი დეტალებისთვის თქვენი HUAWEI ID-ს შესახებ გახსენით HUAWEI ID და შემდეგ გადადით მენიუში: პარამეტრები (Settings) > ინფო (About) > HUAWEI ID- მომხმარებლის შეთანხმება (HUAWEI ID User Agreement).

5.    სერვისები

სერვისები საშუალებას აძლევს მომხმარებელს, AppGallery-ის გამოყენებით შეიძინოს და/ან ჩამოტვირთოს Huawei-ს ან მესამე მხარის დეველოპერების მიერ („დეველოპერები“) შექმნილი აპლიკაციები.

Huawei-ს შეუძლია მოგცეთ აპლიკაციების უფასოდ ჩამოტვირთვის უფლება ან დააწესოს ფასი, რომელიც იქნება მითითებული AppGallery-ში, აპლიკაციის გვერდით.

AppGallery-ში აპის შეძენისას და/ან ჩამოტვირთვისას თქვენ შეძლებთ (ლიცენზიის) შეძენას

(ა)    უშუალოდ Huawei-სგან, მხოლოდ Huawei-ს მიერ შემქმნელი აპებისთვის, ან

(ბ)    დეველოპერისგან.

თქვენ ეთანხმებით იმას, რომ დაგჭირდებათ ცალკე შეთანხმებების დადება (როგორიცაა საბოლოო მომხმარებლის სალიცენზიო შეთანხმება, „EULA“ ან სხვა შეთანხმებები) Huawei-სთან და/ან დეველოპერებთან, რათა ჩამოტვირთოთ და გამოიყენოთ ჩვენი/სხვების აპლიკაციები, რომლებიც ხელმისაწვდომი გახდება AppGallery-ში. ყველა აპი ლიცენზირებულია მომხმარებლებისთვის და არ იყიდება.

6.    მესამე მხარის სერვისები

მესამე მხარის პროგრამებისა და მომსახურებების გამოყენებისას სერვისების მეშვეობით, თქვენ ადასტურებთ, რომ დებთ მესამე მხარის დეველოპერებთან (შემდგომში „დეველოპერი“) ხელშეკრულებას აპების მოწოდებაზე, მომსახურების შეთანხმების და/ან საბოლოო მომხმარებლის სალიცენზიო შეთანხმების ("EULA") საფუძველზე, რომელიც გათვალისწინებულია დეველოპერის მიერ. Huawei არ არის თქვენსა და დეველოპერს შორის დადებული საბოლოო მომხმარებლის სალიცენზიო შეთანხმების (EULA) მონაწილე მხარე. ჩვენ დაბეჯითებით გირჩევთ, ყურადღებით წაიკითხოთ დეველოპერის შეთანხმებები, საბოლოო მომხმარებლის სალიცენზიო შეთანხმებები (EULA) და კონფიდენციალურობის დებულებები. Huawei-ს არ გააჩნია არც უფლება და არც ვალდებულება, ცენზურაში გაატაროს დეველოპერის აპები და სერვისები და, მაშასადამე, Huawei არ გაიზიარებს სამართლებრივ პასუხისმგებლობას იმ შემთხვევაში, თუ თქვენი უფლებები დაირღვა მათი გამოყენებისას.

Huawei არ არის პასუხისმგებელი დეველოპერის აპების ან სერვისების შიგთავსსა თუ ხელმისაწვდომობაზე, ხელს არ აწერს და არ არის პასუხისმგებელი ნებისმიერ შიგთავსზე, რეკლამაზე, პროდუქტზე, მომსახურებაზე ან სხვა მასალაზე, რომელიც დეველოპერების მეშვეობით ხელმისაწვდომი ხდება. იმ შემთხვევაში, თუ თქვენ არ დაიცავთ ამ შეთანხმებას ან დეველოპერის საბოლოო მომხმარებლის სალიცენზიო შეთანხმებებს (EULA), სხვა შეთანხმებებს და/ან კონფიდენციალურობის დებულებებს, დეველოპერს შეუძლია თქვენ წინააღმდეგ ზომების განხორციელება და Huawei-ს შესაძლოა მოუწიოს დეველოპერისთვის და /ან შესაბამისი სახელმწიფო ორგანოებისთვის დახმარების გაწევა. ასეთ შემთხვევებში თქვენ დაგეკისრებათ სრული იურიდიული პასუხისმგებლობა და გაათავისუფლებთ Huawei-ს ყოველგვარი დანაკარგის, ზიანისა და ჩვენ წინააღმდეგ წამოყენებული პრეტენზიისგან.

ნებისმიერი დავა, რომელიც დაკავშირებულია დეველოპერის აპების ჩამოტვირთვასთან, ლიცენზირებასთან და/ან გამოყენებასთან, გადაწყდება დეველოპერის მიერ. ამასთან დაკავშირებით Huawei პასუხისმგებლობას არ იღებს. Huawei არ უზრუნველყოფს მესამე მხარის პროგრამული უზრუნველყოფის ან ტექნოლოგიების მომხმარებელთა მხარდაჭერას. თუ გჭირდებათ დახმარება, მიმართეთ დეველოპერს.

ყოველი დეველოპერი იღებს პასუხისმგებლობას თავის აპებზე, აპების შიგთავსზე და ნებისმიერ გარანტიაზე, რომელსაც ის შემოგთავაზებთ. დავის წარმოშობის შემთხვევაში, მწარმოებლის გარანტიას, ან სადავო აპთან დაკავშირებით რომელიმე მხარესთან დადებულ საბოლოო მომხმარებლის სხვა მოქმედ სალიცენზიო შეთანხმებას, ან სხვა შეთანხმებებს გააჩნიათ უპირატესი ძალა, წინამდებარე ხელშეკრულებასთან შედარებით.

7.    შეთანხმება შესყიდვის შესახებ

ეს ნაწილი (შეთანხმება შესყიდვის შესახებ) არ ვრცელდება უფასო აპებზე.

სერვისებისთვის განხორციელებული ნებისმიერი შენაძენის მთლიანი თანხა შეიცავს:

(ა)    აპის, ფუნქციისა თუ განახლების საფასურს;

(ბ)    საკრედიტო ბარათის ნებისმიერ მოქმედ საკომისიოს; და

(გ)    გაყიდვის, გამოყენების, სასაქონლო თუ მომსახურების („GST“), დამატებითი ღირებულების („დღგ“) ან მსგავს გადასახადს მოქმედი კანონმდებლობით ან შეძენის დროისთვის არსებული საგადასახადო განაკვეთით. სერვისებში ნაჩვენები ყველა ფასი შეიცავს დღგ-ს, თუ პირდაპირ არ არის მითითებული (და სადაც ადგილობრივი კანონით დაშვებულია), როგორც ფასი დღგ-ს გარეშე.

თქვენ აღიარებთ და ეთანხმებით, რომ Huawei და/ან დეველოპერები იტოვებენ უფლებას, შეიტანონ კორექტირება ნებისმიერი აპის ან აპის შიდა შესყიდვის ფასში და ამ კორექტირების შესახებ შეგატყობინონ შესაბამის დროს, ნებისმიერი აპის შეძენამდე. როდესაც ფასის კორექტირება შედის ძალაში, თქვენ უნდა დათანხმდეთ ახალ ფასზე, რათა გააგრძელოთ აპის გამოყენება. თქვენ გაქვთ შესაბამისი მომსახურების გამოყენების შეჩერების უფლება, თუკი არ ეთანხმებით ახალ კორექტირებულ ფასს.

გაუქმების უფლებები:

თუ თქვენ ცხოვრობთ იაპონიაში, შეძენის უმიზეზოდ გაუქმება შეგიძლიათ ჩვენ მიერ თქვენი შეკვეთის მიღების დადასტურებიდან თოთხმეტი (14) დღის განმავლობაში.

გაუქმების ბოლო ვადის დაკმაყოფილებისთვის, უნდა გააგზავნოთ თქვენი შეტყობინება გაუქმების შესახებ 14-დღიანი ვადის ამოწურვამდე. თუ გსურთ შეძენის გაუქმება, გთხოვთ, დაუკავშირდეთ Huawei-ს მომხმარებელთა სერვისს საკონტაქტო ინფორმაციის გამოყენებით, რომელიც მითითებულია თქვენს დადასტურების ელწერილში. თქვენ ასევე უფლება გაქვთ, მოითხოვოთ გაუქმება ჩვენს ვებსაიტზე გაუქმების ფორმის შევსების გზით.

წარმატებით გაუქმების შემდეგ ჩვენ შევწყვეტთ თქვენ მიერ შეძენილი აპის მომსახურებას და გაუქმების შესახებ თქვენი შეტყობინების მიღებიდან თოთხმეტი (14) დღის ვადაში აგინაზღაურებთ გაწეულ ხარჯებს. ამ პერიოდის განმავლობაში თქვენ ვერ შეძლებთ აპის გამოყენებას. ხარჯების ანაზღაურებისთვის ჩვენ ვიყენებთ იმავე გადახდის საშუალებას, რომელიც იყო გამოყენებული თავდაპირველი შეკვეთისას, გარდა იმ შემთხვევისა, როცა თქვენ და ჩვენ სხვაგვარად შევთანხმდებით. დროდადრო Huawei-მ შეიძლება უარი თქვას თანხის დაბრუნებაზე, თუ Huawei აღმოაჩენს თაღლითობის, დაბრუნებული თანხის ბოროტად გამოყენების ან სხვა მანიპულაციური ქცევის მტკიცებულებას, რომელიც ანიჭებს Huawei-ს შესაბამისი შეგებებული საჩივრის უფლებას.

თუ თქვენ რუსეთის ფედერაციაში ცხოვრობთ, შეძენის უმიზეზოდ გაუქმება შეგიძლიათ ჩვენ მიერ თქვენი შეკვეთის მიღების დადასტურებიდან შვიდი (7) დღის განმავლობაში.

გაუქმების ბოლო ვადის დაკმაყოფილებისთვის, უნდა გააგზავნოთ თქვენი შეტყობინება გაუქმების შესახებ 7-დღიანი ვადის ამოწურვამდე. თუ გსურთ შეძენის გაუქმება, გთხოვთ, დაუკავშირდეთ Huawei-ს მომხმარებელთა სერვისს საკონტაქტო ინფორმაციის გამოყენებით, რომელიც მითითებულია თქვენს დადასტურების ელწერილში. თქვენ ასევე უფლება გაქვთ, მოითხოვოთ გაუქმება ჩვენს ვებსაიტზე გაუქმების ფორმის შევსების გზით.

წარმატებით გაუქმების შემდეგ ჩვენ შევწყვეტთ თქვენ მიერ შეძენილი აპის მომსახურებას და გაუქმების შესახებ თქვენი შეტყობინების მიღებიდან ათი (10) დღის ვადაში აგინაზღაურებთ გაწეულ ხარჯებს. ამ პერიოდის განმავლობაში თქვენ ვერ შეძლებთ აპის გამოყენებას. ხარჯების ანაზღაურებისთვის ჩვენ ვიყენებთ იმავე გადახდის საშუალებას, რომელიც იყო გამოყენებული თავდაპირველი შეკვეთისას, გარდა იმ შემთხვევისა, როცა თქვენ და ჩვენ სხვაგვარად შევთანხმდებით. დროდადრო Huawei-მ შეიძლება უარი თქვას თანხის დაბრუნებაზე, თუ Huawei აღმოაჩენს თაღლითობის, დაბრუნებული თანხის ბოროტად გამოყენების ან სხვა მანიპულაციური ქცევის მტკიცებულებას, რომელიც ანიჭებს Huawei-ს შესაბამისი შეგებებული საჩივრის უფლებას.

თანხის დაბრუნების პოლიტიკის ნახვა შეგიძლიათ მენიუში: მე > დახმარება > ხშირად დასმული კითხვები AppGallery-ში.

8.    ანგარიშის უსაფრთხოებ

თქვენი HUAWEI ID-ის მომხმარებლის სახელი და პაროლი საიდუმლოდ და კონფიდენციალურად უნდა შეინახოთ და არავის გაუზიაროთ ისინი. გირჩევთ, აირჩიოთ ძლიერი პაროლი და შეინახოთ ის უსაფრთხო ადგილას. თქვენ ხართ პასუხისმგებელი თქვენი პაროლის უსაფრთხოდ შენახვაზე და თქვენ თანხმობას აცხადებთ იმაზე, რომ ჩვენ არ გვეკისრება პასუხისმგებლობა ნებისმიერ ზარალზე, ზიანზე, ვალდებულებაზე ან პრეტენზიაზე, რომელიც წარმოიქმნა თქვენ მიერ თქვენი HUAWEI ID-ს დეტალების მესამე მხარისთვის გადაცემის შედეგად.

თუ ფიქრობთ, რომ თქვენი HUAWEI IDს ინფორმაციას შეიძლება სხვა პირი იყენებდეს, დაუყოვნებლივ უნდა გვაცნობოთ ამის შესახებ საკონტაქტო ინფორმაციის საშუალებით, რომელიც ამ შეთანხმებაში ქვემოთ არის მოცემული. სერვისებზე წვდომისთვის არ უნდა გამოიყენოთ სხვა პირის HUAWEI ID. თქვენ უნდა მიიღოთ შესაბამისი ზომები თქვენი HUAWEI ID-ს ანგარიშისა და ტრანსაქციების შესახებ ინფორმაციის მესამე მხარეების მიერ არასანქცირებული გამოყენებისგან დასაცავად.

9.    გამოყენების პირობები

სერვისებზე წვდომითა და მათი გამოყენებით თქვენ ვალდებულებას იღებთ და თანხმდებით, ეს გააკეთოთ კანონიერად, ეთიკური პრინციპების დაცვით და ამ შეთანხმების შესაბამისად.

მოცემულით თქვენ აღიარებთ და ეთანხმებით, რომ არ გამოიყენებთ სერვისებს ისეთი მასალების გადაგზავნის ან საქმიანობისთვის, რომელიც არის არაკეთილსინდისიერი, ცილისმწამებლური, მავნე, საზიანო, უხამსი, უფლების შემლახველი, დამამცირებელი, შეურაცხმყოფელი, დევნასთან დაკავშირებული, სკანდალური, სიძულვილის აღმძვრელი, წამქეზებელი, მუქარის შემცველი, არაკანონიერი, არაკორექტული, პორნოგრაფიული, კონფიდენციალურობის დამრღვევი ან სხვაგვარად შეურაცხმყოფელი თქვენ მიერ სერვისების გამოყენებასთან დაკავშირებით, მათ შორის, მაგრამ არა მარტო, რაც ხელს უწყობს უკანონო საქმიანობებს, ასახავს სქესობრივი ხასიათის სურათებს, ხელს უწყობს ძალადობას, ატარებს დისკრიმინაციულ ხასიათს, არის უკანონო და შეუძლია მიაყენოს ან აყენებს ზიანს ნებისმიერ პირს ან ქონებას, შეიძლება წარმოშვას რაიმე სახის სამოქალაქო ან სისხლის სამართლის პასუხისმგებლობა მოქმედი კანონების შესაბამისად, მათ შორის, მაგრამ არა მარტო, ნებისმიერი მასალა, რომელიც თქვენ არ გაქვთ უფლება გამოაქვეყნოთ ან გაავრცელოთ, ან სადაც ასეთი გამოქვეყნება ან გავრცელება არღვევს კონფიდენციალურობის ვალდებულებებს და/ან მესამე მხარის ინტელექტუალური საკუთრების უფლებებს.

გარდა იმ შემთხვევებისა, როდესაც ეს მოცემულ შეთანხმებაში პირდაპირ არის მითითებული ან დაშვებულია მოქმედი კანონებით, თქვენ თანხმდებით და იღებთ ვალდებულებას:

(ა)    არ წაშალოთ საავტორო უფლება, სავაჭრო ნიშანი ან სხვა საფირმო შეტყობინება სერვისების რომელიმე ნაწილში;

(ბ)    არ განახორციელოთ სერვისების სრული ან ნაწილობრივი კვლავწარმოება, ცვლილებების შეტანა ან მოდიფიკაცია და არ დართოთ სერვისების ან მისი ნაწილის გაერთიანების ან ნებისმიერ სხვა აპსა თუ პროგრამულ უზრუნველყოფაში ჩართვის უფლება.

(გ)    არ მიიღოთ ან არ ეცადოთ მიიღოთ არაავტორიზებული წვდომა, ან არ დაარღვიოთ სერვისების ნებისმიერი ასპექტი ან მასთან დაკავშირებული სისტემები და ქსელები;

(დ)    არ დაშალოთ, არ განახორციელოთ დეკომპილირება, რეკონსტრუქცია ან დერივაციული სამუშაოების წარმოება სრულ სერვისებზე ან მის ნაწილზე, ან არ შეეცადოთ მსგავსი ქმედებების განხორციელებას მოქმედი კანონმდებლობით ნებადართულ ფარგლებს გარეთ;

(ე)    არ გაავრცელოთ, არ განახორციელოთ ლიცენზირება, იჯარით გაცემა, გაყიდვა, გადაყიდვა, ტრანსლირება, საჯაროდ ჩვენება, საჯაროდ შესრულება, გადაგზავნა, სტრიმინგი, გადაცემა ან სერვისების სხვაგვარად გამოყენება;

(ვ)    არ უზრუნველყოთ სერვისების სრულად ან ნაწილობრივ (მათ შორის ობიექტი და წყაროს კოდი) მიწოდება ან სხვაგვარად ხელმისაწვდომობა ნებისმიერი პირისთვის ჩვენი წინასწარი წერილობითი თანხმობის გარეშე;

(ზ)    არ დაუშვათ სხვისი სახელით მოქმედება ან მოტყუება ან საკუთარი პიროვნების ან იურიდიული პირის სხვაგვარად არასწორი წარმოდგენა;

(თ)    არ გამოიყენოთ სერვისები (ან მისი რომელიმე ნაწილი) ნებისმიერი უკანონო ხერხით, ნებისმიერი უკანონო მიზნისათვის, ან ამ შეთანხმების შეუსაბამოდ, ან არ იმოქმედოთ თაღლითურად ან ბოროტად, მათ შორის და არა მარტო, ჰაკერობის ან მავნე კოდის, მათ შორის ვირუსების ან მავნე მონაცემების ჩასმის გზით სერვისებში (ან სერვისებთან დაკავშირებულ საიტებზე) ან ოპერაციულ სისტემაში;

(ი)    არ დაარღვიოთ ჩვენი ან ნებისმიერი მესამე მხარის ინტელექტუალური საკუთრების უფლებები თქვენ მიერ სერვისების ხელმისაწვდომობასთან ან/და გამოყენებასთან დაკავშირებით;

(კ)    არ განახორციელოთ მომხმარებელთა ინფორმაციის შეგროვება, ან სხვაგვარად წვდომა მომსახურებაზე ან სისტემებზე, ავტომატური საშუალებების გამოყენებით (მაგ. შემგროვებელი ბოტების) ან განახორციელოთ იმ სერვერებიდან ნებისმიერი გადაცემების გაშიფვრა, რომლებზეც გაშვებულია სერვისები;

(ლ)    არ შეიმუშაოთ, არ განახორციელოთ მხარდაჭერა და არ გამოიყენოთ პროგრამები, მოწყობილობები, სკრიპტები, რობოტები ან სხვა საშუალებები ან პროცესები (მათ შორის, შემგროვებლები, ბრაუზერის დამატებითი მოდულები და დანამატები, ან სხვა ტექნოლოგია ან ხელით მუშაობა) სერვისების გასაწმენდად ან პროფილებისა და სერვისების სხვა მონაცემების დასაკოპირებლად;

(მ)    არ გამოიყენოთ სერვისები კომერციულად ჩვენი წინასწარი წერილობითი თანხმობის გარეშე;

(ნ)    არ გამოიყენოთ სერვისები ნებისმიერი უკანონო საქმიანი გარიგებების შესრულებისთვის, როგორიცაა ცეცხლსასროლი იარაღის, ნარკოტიკების, უკანონო ნივთიერებების, პირატული პროგრამული უზრუნველყოფის ან სხვა აკრძალული ნივთების გაყიდვა;

(ო)    არ წარმოადგინოთ ინფორმაცია აზარტული თამაშების შესახებ ან სხვა პირები წააქეზოთ ნებისმიერი საშულებით თამაშისაკენ;

(პ)    არ მოითხოვოთ შესვლის ინფორმაცია ან სხვისი კუთვნილი ანგარიშის წვდომა;

(ჟ)    არ მიიღოთ მონაწილეობა ფულის გათეთრებაში, უკანონო ფულადი კრედიტების გაცემაში, ან პირამიდული გაყიდვების სქემებში;

(რ)    არ შეეცადოთ, ხელი შეუწყოთ ან წაახალისოთ ამ შეთანხმების (ან მისი რომელიმე ნაწილის) ნებისმიერი დარღვევა; და

(ს)    არ გამოიყენოთ სერვისები, რომელიმე ისეთი ფორმით, რამაც შეიძლება დააზიანოს, გამორთოს, გადატვირთოს, დაარღვიოს სერვისები, ჩვენი სისტემები ან უსაფრთხოება, განახორციელოს მათი კომპრომეტირება, ან ხელი შეუშალოს სხვა მომხმარებლებს ან სხვა მხარის კომპიუტერულ სისტემებს, ან მიიღოს არაავტორიზებული წვდომა სერვისებზე, ჩვენს შიგთავსზე (განსაზღვრულია ქვემოთ) ან მონაცემებზე.

(ტ)     არ შეასრულოთ ქმედება, რომელიც შეიძლება ჩაითვალოს ზემოაღნიშნულ მოქმედებებად.

10.    ჩვენი შიგთავსის გამოყენება

ჩვენ და/ან ჩვენი ლიცენზიარები ვიტოვებთ ყველა უფლებას, საკუთრების უფლებასა და ინტერესს ინფორმაციაზე (ნებისმიერი ფორმით, მათ შორის და არა მარტო ტექსტური, გრაფიკული, ვიდეო და აუდიო), სურათებზე, გამოსახულებებზე, აპებზე, დიზაინებზე, პროგრამულ უზრუნველყოფაზე, სკრიპტებზე, პროგრამებზე, საავტორო უფლებებზე, სავაჭრო ნიშნებზე, სავაჭრო დასახელებებზე, ლოგოებზე და სხვა მასალებსა და მომსახურებებზე, რომლებიც ხელმისაწვდომია სერვისებში თუ მათი საშუალებით, მისი გარეგნული მხარისა და ფუნქციების ჩათვლით (ერთობლივად „ჩვენი შიგთავსი“). თქვენ აღიარებთ, რომ ჩვენი შიგთავსი დაცულია საავტორო უფლებით, სავაჭრო ნიშნით, მონაცემთა ბაზის უფლებებით, sui generis უფლებებით და ინტელექტუალური და სამეწარმეო საკუთრების შესახებ სხვა მოქმედი კანონებით ქვეყნის კანონებისა და საერთაშორისო ხელშეკრულებების საფუძველზე. თქვენ მიერ რომელიმე სერვისით სარგებლობა და/ან მასზე წვდომა არ განიჭებთ თქვენ ან სხვა პირს საკუთრების ან სხვა უფლებებს სერვისზე ან მის შიგთავსებზე, თუ ამ შეთანხმებაში სხვაგვარად არ არის მითითებული.

დაუშვებელია ჩვენს შიგთავსში ცვლილებების შეტანა, მისი ასლების გაკეთება, ამონარიდების ამოღება, მისი შეცვლა ან რამის დამატება, ასევე მისი გაყიდვა, კოპირება, გავრცელება ან მასზე ლიცენზიის გაცემა, ან ჩვენი შიგთავსის რაიმე სახით არასწორად გამოყენება. თუ გსურთ, ხელახლა გამოაქვეყნოთ, ამოიღოთ, კვლავ აწარმოოთ, გაავრცელოთ ან სხვაგვარად გამოიყენოთ რამე ჩვენი შიგთავსიდან, წინასწარ უნდა დაგვიკავშირდეთ და მიიღოთ ჩვენი წერილობითი თანხმობა, გარდა იმ შემთხვევისა, როდესაც წინამდებარე შეთანხმებაში ცალსახად სხვაგვარად არის მითითებული. ეს არ უნდა ლახავდეს თქვენს რომელიმე უფლებას, რომელსაც მოქმედი სავალდებულო კანონების საფუძველზე ფლობთ.

თუ თვლით, რომ სერვისები ან სერვისების რომელიმე ნაწილი არღვევს საავტორო უფლებას, სავაჭრო ნიშანს, პატენტს, სავაჭრო საიდუმლოს ან ინტელექტუალური საკუთრების სხვა უფლებას, ან თუ სერვისებთან დაკავშირებით სხვა პრეტენზიები გაქვთ, გთხოვთ, ამის შესახებ შეგვატყობინოთ ამ შეთანხმებაში ქვემოთ მითითებული საკონტაქტო ინფორმაციის მეშვეობით.

11.    თქვენი შიგთავსი

ჩვენ არ ვაცხადებთ არანაირ პრეტენზიას იმ ტექსტების, ნახატების, ფოტოების, საავტორო ნამუშევრებისა თუ სხვა მასალების საკუთრების უფლებაზე, რომლებსაც თქვენ ატვირთავთ, გამოაქვეყნებთ ან სხვაგვარად გადასცემთ სერვისებში ან მათი მეშვეობით (ერთობლივად „თქვენი შიგთავსი“). თქვენ ინარჩუნებთ საკუთრების უფლებას და სრულ პასუხისმგებლობას თქვენს შიგთავსზე.

12.    სერვისების მონიტორინგი

თქვენ ადასტურებთ და ეთანხმებით იმას, რომ ჩვენ ნებისმიერ დროს შეგვიძლია, ჩვენი შეხედულებისამებრ და შეტყობინების გარეშე, მივიღოთ ისეთი ზომები, რომლებიც, ჩვენი აზრით, აუცილებელია შემდეგი მიზნებისთვის: სერვისების სამართავად და გასაუმჯობესებლად თქვენ მიერ ამ შეთანხმების მოთხოვნების დაცვის უზრუნველსაყოფად, მოქმედი კანონმდებლობის, სასამართლო ბრძანებებისა და დადგენილებების შესასრულებლად, სამთავრობო უწყებების, სამართალდამცავი ან მარეგულირებელი ორგანოების მითითებების ან მოთხოვნების შესასრულებლად. ეს მოიცავს, მაგრამ ამით არ შემოიფარგლება, ზომებს, რომლებიც მიიღება თაღლითობის თავიდან ასაცილებლად, რისკების შესაფასებლად, საკითხების გამოსაძიებლად და კლიენტთა მხარდაჭერისთვის.

13.    კონფიდენციალურობა და მონაცემთა შეგროვება

იმისათვის, რომ უფრო ჯანსაღი სერვისები მოგაწოდოთ და თქვენი ტრანსაქციების უსაფრთხოება უზრუნველვყოთ, ჩვენ შევაგროვებთ და დავამუშავებთ თქვენს ინფორმაციასა და ტექნიკურ მონაცემებს ჩვენი კონფიდენციალურობის შეტყობინების შესაბამისად.

14.    პასუხისმგებლობის უარყოფა

სერვისები განკუთვნილია მხოლოდ თქვენთვის და მესამე მხარემ არ უნდა გამოიყენოს ისინი. თქვენ თანახმა ხართ, რომ ჩვენ და ჩვენი დამფუძნებელი კომპანიები, შვილობილი კომპანიები, ქვეგანაყოფები, თანამდებობის პირები, დირექტორები, თანამშრომლები, კონტრაქტორები, აგენტები, გადახდების გარე პროვაიდერები, პარტნიორები, ლიცენზიარები და დისტრიბუტორები (ერთობლივად, „Huawei- მხარეები“) არ ვაგებთ პასუხს არანაირ ზარალზე, რომელიც გამოწვეული იქნება სერვისების ნებისმიერი არაავტორიზებული გამოყენებით.

Huawei-ს მხარეები არ არიან პასუხისმგებელი სერვისების ტექმომსახურებაზე ან სხვა სახის მხარდაჭერის მომსახურებაზე. თქვენ მიერ სერვისების გამოყენება შეიძლება გაურკვეველი პერიოდით შეწყდეს, დაყოვნდეს ან შეფერხდეს, ჩვენი კონტროლის მიღმა არსებული მიზეზების გამო. Huawei-ის მხარეები არ იქნებიან პასუხისმგებელნი არანაირი პრეტენზიის შემთხვევაში, რომელიც წარმოიშობა ამგვარი შეწყვეტის, დაყოვნების, შეფერხების ან მსგავსი გაუმართაობის გამო ან მასთან დაკავშირებით.

თქვენს იურისდიქციაში მოქმედი კანონმდებლობით მაქსიმალურად დაშვებულ ფარგლებში, Huawei-ს მხარეები არ არიან პასუხისმგებელნი თქვენ ან სხვა პირის წინაშე არანაირ ვალდებულებაზე, დანაკარგზე, ზიანზე ან კომპენსაციაზე, თუ თქვენ ვერ ახერხებთ სერვისებით სარგებლობას ან მათზე წვდომას შემდეგი მიზეზით:

(ა)    ჩვენ მიერ სერვისების შეჩერება ან შეწყვეტა ტექნიკური სამუშაოების ჩატარების ან სისტემის, პროგრამული უზრუნველყოფის ან აპარატურის განახლების მიზნით;

(ბ)    ისეთი სისტემის ან ქსელური კომუნიკაციის შეფერხება ან გაუმართაობა, რომელსაც ჩვენ არ ვფლობთ ან არ ვაკონტროლებთ;

(გ)    ჩვენსა და მესამე მხარის გადახდის სერვისის ჩვენს რომელიმე პროვაიდერს შორის ნებისმიერი კონტრაქტის ან სხვა შეთანხმების შეჩერება, გაუქმება ან დასრულება, რაც აზარალებს სერვისებს;

(დ)    ნებისმიერი შეცდომა ან წყვეტა ჰაკერობის მცდელობების ან უსაფრთხოების მსგავსი დარღვევის გამო; ან

(ე)    ნებისმიერი სხვა მოვლენა ან შემთხვევა, რომელიც ჩვენი გონივრული კონტროლის ფარგლებს სცდება.

სერვისები მოწოდებულია „როგორც არის“ და პრინციპით „რამდენადაც ხელმისაწვდომია“, რაიმე სახის თავდებობის ან დამოწმების გარეშე. თქვენს იურისდიქციაში მოქმედი კანონმდებლობით მაქსიმალურად დაშვებულ ფარგლებში, Huawei-ს მხარეები უარს ამბობენ ყოველგვარ გარანტიაზე, პირობაზე თუ სხვა შეთანხმებაზე, იქნება ის გამოხატული თუ ნაგულისხმევი და არ იღებენ არანაირ თავდებობას, ვალდებულებას და არ იძლევიან დაპირებას ან გარანტიას შემდეგზე:

(ა)    სერვისებში ან სერვისების მეშვეობით ხელმისაწვდომი რომელიმე შიგთავსის სისრულე, სიზუსტე, საიმედოობა ან დროულობა.

(ბ)    სერვისებზე ან სერვერებზე, რომლებზეც განთავსებულნი არიან, არ არის რაიმე სახის დაზიანება, შეცდომა, ვირუსი, ხარვეზი ან სხვა საზიანო ელემენტი;

(გ)    სერვისების მუშაობის ან ფუნქციონირების ნებისმიერი დეფექტი გამოსწორებული იქნება;

(დ)    სერვისების სპეციფიკური ფუნქციებისა და სერვისების გამოყენებისა და მასზე წვდომის შედეგად თქვენ მიერ მიღებული ნებისმიერი ინფორმაციის საიმედოობა, ხარისხი და სიზუსტე;

(ე)    სერვისების უსაფრთხოება და უშეცდომობა; და

(ვ)    სერვისების საიმედოობა, ხარისხი, სიზუსტე, ხელმისაწვდომობა ან თქვენი საჭიროებების დაკმაყოფილება, გარკვეული პროდუქციის მოწოდება ან გარკვეული შედეგების მიღწევა.

Huawei-ს მხარეები არ არიან პასუხისმგებელნი თქვენდამი მოყენებულ რაიმე დანაკარგზე ან ზიანზე, რომელიც მთლიანად ან ნაწილობრივ არის გამოწვეული სერვისების ან თქვენ (ან სხვა პირის) მიერ სერვისების გამოყენების და/ან მათზე წვდომის საშუალებით მიღებულ ინფორმაციაზე დაყრდნობის, მისი გამოყენების ან ინტერპრეტაციის შედეგად.

ზოგიერთი ქვეყნის კანონმდებლობა არ იძლევა უფლებას, კონტრაქტის საფუძველზე გამოირიცხოს ან შეიზღუდოს გარკვეული სახის გარანტიები, თავდებობები ან პასუხისმგებლობები. თუ ეს კანონები გეხებათ, შეიძლება ზემოაღნიშნული გამორიცხვებიდან და შეზღუდვებიდან ზოგიერთი ან არცერთი არ გეხებოდეთ და თქვენ დამატებითი უფლებები გქონდეთ. ამ შეთანხმებაში არაფერია ისეთი, რაც გავლენას მოახდენდა უფლებებზე, რომლებიც თქვენ, როგორც მომხმარებელს, კანონიერად გაქვთ და რომელთა შეცვლას ან თავიდან აცილებასაც შეუძლებელია ხელშეკრულების მეშვეობით შეთანხმებით.

15.    პასუხისმგებლობის შეზღუდვა

იმდენად, რამდენადაც თქვენი იურისდიქციის მოქმედი კანონმდებლობა უშვებს, თქვენ მიერ სერვისებით სარგებლობა და მათზე წვდომა მხოლოდ თქვენი პასუხისმგებლობით ხდება და Huawei-ს მხარეები ცალსახად გამორიცხავენ ყველა სახის პასუხისმგებლობას, დანაკარგს ან ზიანს, რომელიც თქვენ ან სხვა პირმა განიცადეთ, იქნება ეს ხელშეკრულების, დელიქტის (დაუდევრობის ჩათვლით) თუ სხვა თეორიის საფუძველზე, ქვემოთ მოცემულთაგან რომელიმე შემთხვევაში:

(ა)    მოგების, შემოსავლის, მონაცემების ან რეპუტაციის დანაკარგი; და

(b)    განსაკუთრებული, არაპირდაპირი ან თანმხლები დანაკარგი ან ზარალი.

ამ შეთანხმების შეზღუდვები და გამორიცხვები იმოქმედებს იმისგან დამოუკიდებლად, გვეცნობა თუ არა ან უნდა გვცოდნოდა თუ არა შესაძლო დანაკარგის შესახებ.

თუ უკმაყოფილო დარჩებით სერვისების რომელიმე ასპექტით, თქვენ მხოლოდ ის შეგიძლიათ, რომ შეწყვიტოთ სერვისებით სარგებლობა და მათზე წვდომა. ზემოაღნიშნულ შეზღუდვებთან წინააღმდეგობის გარეშე და თქვენს იურისდიქციაში მოქმედი კანონმდებლობით მაქსიმალურად დაშვებულ ფარგლებში, Huawei-ს მხარეების პასუხისმგებლობის საერთო ჯამი თქვენ ან სხვა პირის წინაშე ნებისმიერი პრეტენზიის, საჩივრის, პასუხისმგებლობის, ვალდებულების, ზარალის, დანაკარგის და ხარჯისთვის, იქნება ეს ხელშეკრულების, დელიქტის (დაუდევრობის ჩათვლით) თუ სხვა თეორიის საფუძველზე, არავითარ შემთხვევაში არ გადააჭარბებს 500,00 HKD-ს. თქვენ აღიარებთ და ეთანხმებით, რომ ამ შეთანხმებაში გამოთქმული პასუხისმგებლობის უარყოფა და უფლებების შეზღუდვები სამართლიანი და გონივრულია.

ზოგიერთი ქვეყნის კანონმდებლობა არ იძლევა ზოგიერთი ან ყველა ზემოთ აღწერილი გამორიცხვის ან შეზღუდვის გამოყენების საშუალებას. თუ ეს კანონები გეხებათ, შეიძლება ზემოაღნიშნული შეზღუდვებიდან ზოგიერთი ან არცერთი არ გეხებოდეთ და თქვენ დამატებითი უფლებები გქონდეთ. ამ შეთანხმებაში არაფერია ისეთი, რაც გავლენას მოახდენდა უფლებებზე, რომლებიც თქვენ, როგორც მომხმარებელს, კანონიერად გაქვთ და რომელთა შეცვლას ან თავიდან აცილებასაც შეუძლებელია ხელშეკრულების მეშვეობით შეთანხმებით.

16.    ხელშეკრულების შეწყვეტა თქვენი მხრიდან

შეგიძლიათ შეწყვიტოთ თქვენი ანგარიში ანგარიშის პარამეტრებიდან ან ამ სერვისის გამოყენების შეწყვეტის გზით.

17.    ხელშეკრულების შეწყვეტა ან შეჩერება ჩვენი მხრიდან

მოქმედი კანონმდებლობის შესაბამისად, ჩვენ შეგვიძლია, ნებისმიერ დროს, დროებით ან სამუდამოდ შეგიჩეროთ, გაგიუქმოთ ან შეგიზღუდოთ წვდომა სერვისებზე ან მათ ნაწილზე, რომელიმე ინდივიდუალურ ან მესამე მხარეზე პასუხისმგებლობის აღების გარეშე. ჩვენ ვეცდებით, შეგატყობინოთ, სანამ ამას გავაკეთებთ. თუმცა, ჩვენ არ ვართ ვალდებულნი, წინასწარ შეგატყობინოთ და შეიძლება დაუყოვნებლივ, სამუდამოდ ან დროებით შეგიზღუდოთ, გაგიუქმოთ, ან შეგიჩეროთ წვდომა სერვისებზე ან მის ნაწილზე, შემდეგ გარემოებებში, მათ შორის და არა მხოლოდ:

(ა)    თუ თქვენ დაარღვევთ, ან ჩვენ ჩავთვლით, რომ აპირებთ დაარღვიოთ შეთანხმება, მათ შორის ნებისმიერი ინკორპორირებული ხელშეკრულება, დებულება ან სახელმძღვანელო მითითება;

(ბ)    თუ თქვენ ან თქვენი სახელით მოქმედი სხვა პირი თაღლითურ ან უკანონო ქმედებებს ახორციელებს, ან გვაწვდის ყალბ ან შეცდომაში შემყვან ინფორმაციას;

(გ)    სამართალდამცავი ან სხვა სამთავრობო ორგანოების მოთხოვნის საპასუხოდ, მოქმედი სამართლებრივი პროცესის საფუძველზე;

(დ)    გადაუდებელი სარემონტო სამუშაოს ან სისტემების ან აპარატურის გადაუდებელი განახლების შემთხვევაში; ან

(ე)    მოულოდნელად წარმოშობილი ტექნიკური, დაცვის, საქმიანი ან უსაფრთხოების მიზეზების გამო.

წინამდებარე შეთანხმების დეაქტივაცია ან შეწყვეტა არ ახდენს გავლენას მის იმ დებულებებზე, რომელთა შესახებაც აღნიშნულია, რომ უნდა განაგრძონ მოქმედება დეაქტივაციის ან შეწყვეტის შემდეგაც და არ ეწინააღმდეგება რომელიმე შეძენილ უფლებას ან მოვალეობას, ან რომელიმე უფლებებს ან მოვალეობას, რომელიც უნდა შენარჩუნდეს ამგვარი დეაქტივაციის ან შეწყვეტის შემდეგ.

ამ შეთანხმების ნებისმიერი დებულება, რომელიც პირდაპირ ან თავისი ხასიათიდან გამომდინარე ძალაში რჩება შეთანხმების მოქმედების შეწყვეტის შემდეგაც, ძალაში დარჩება შეთანხმების მოქმედების შეწყვეტის შემდეგ შესაბამისი დებულებების შესრულებამდე ან მათი მოქმედების ვადის გასვლამდე.

18.    ამ შეთანხმების ცვლილებები

ჩვენ მუდმივად ვაახლებთ, ვცვლით და ვაუმჯობესებთ სერვისებს. შესაძლოა დავამატოთ ან ამოვშალოთ ფუნქციები ან კომპონენტები, შევქმნათ ახალი საზღვრები სერვისებისთვის, ან დროებით ან სამუდამოდ შევაჩეროთ ან შევწყვიტოთ სერვისი. ჩვენ ნებისმიერ დროს შეგვიძლია შევიტანოთ ცვლილებები წინამდებარე შეთანხმებაში და გამოვაქვეყნოთ დამატებითი სპეციალური პირობები, ქცევის კოდექსები ან სახელმძღვანელო მითითებები, რომლებიც დაარეგულირებს ჩვენს ყველა სერვისს, მათ კონკრეტულ ნაწილს ან ნაწილებს.

ჩვენ გონივრული დროით ადრე შეგატყობინებთ სერვისებში ან ამ შეთანხმებაში განხორციელებული ნებისმიერი ცვლილების შესახებ, რომელიც ჩვენს მომხმარებლებს არსებითად არახელსაყრელ მდგომარეობაში ჩააყენებს ან არსებითად შეუზღუდავს მათ სერვისებზე წვდომას ან მათ გამოყენებას. ჩვენ შეიძლება წინასწარ არ შეგატყობინოთ ამ შეთანხმებაში ან სერვისებში განხორციელებული ისეთი ცვლილებების შესახებ, რომლებიც ჩვენს მომხმარებლებზე არსებითად გავლენას არ ახდენს, ან არახელსაყრელ მდგომარეობაში არ აყენებს მათ, ან არსებითად არ უზღუდავს სერვისებზე წვდომას ან მათ გამოყენებას. სერვისებში ისეთი ცვლილებების შემთხვევაში, რომელთა შეტანაც უსაფრთხოების, დაცულობის, სამართლებრივი ან სარეგულაციო მოთხოვნების დასაკმაყოფილებლად არის საჭირო, შეიძლება ვერ მოვახერხოთ ზემოაღნიშნული ვადების დაცვა და ამ ცვლილებების შესახებ გაცნობებთ, როგორც კი ეს შესაძლებელი იქნება.

19.    ზოგადი პირობები

სერვისებმა ან მესამე მხარეებმა შეიძლება მოგაწოდოთ სხვა ვებსაიტების ან რესურსების ბმულები. თქვენ აღიარებთ და ეთანხმებით, რომ ჩვენ არ ვართ პასუხისმგებელი ამგვარი გარე ვებსაიტების ან რესურსების ხელმისაწვდომობაზე და არ ვიწონებთ და არ ვართ პასუხისმგებელი ამგვარ ვებსაიტებზე ან რესურსებზე არსებულ ან მათგან ხელმისაწვდომ რაიმე შიგთავსზე, რეკლამაზე, პროდუქტზე ან სხვა მასალაზე. გარდა ამისა, თქვენ აღიარებთ და ეთანხმებით, რომ ჩვენ არ ვართ პასუხისმგებელნი, პირდაპირ თუ ირიბად, არანაირ ზიანზე ან დანაკარგზე, რომელიც გამოწვეულია ან სავარაუდოდ გამოწვეულია ამგვარ ვებსაიტზე ან რესურსებზე არსებული ან მათი საშუალებით ხელმისაწვდომი შიგთავსის, საქონლის ან სერვისების გამოყენებით ან მათი მეშვეობით.

წინამდებარე შეთანხმებაში არაფერი არ უნდა იყოს ინტერპრეტირებული ისე, რომ მყარდება პარტნიორობის ან სააგენტოს ურთიერთობა თქვენსა და ჩვენ შორის და არცერთ მხარეს არ უნდა ჰქონდეს უფლება ან უფლებამოსილება, აიღოს რაიმე სავალო პასუხისმგებლობა ან ხარჯი, ან გააფორმოს კონტრაქტი ან სხვა სახის გარიგება, მეორის სახელით.

ჩვენ შესაძლოა მივანიჭოთ, ქვეკონტრაქტით გადავცეთ ან გადავაფორმოთ ჩვენი რომელიმე უფლება და/ან ვალდებულება, რომელიც წინამდებარე შეთანხმების საფუძველზე გვაქვს, ხოლო თქვენ თანახმა ხართ, რომ დაუყოვნებლივ მოაწეროთ ხელი ყველა დოკუმენტს, რომელიც მსგავსი მიზნით იქნება საჭირო ან სასურველი.

თუ წინამდებარე შეთანხმების რომელიმე დებულებას (ან დებულების ნაწილს) კომპეტენტური იურისდიქციის სასამართლო ან სხვა კომპეტენტური ორგანო მიიჩნევს იურიდიული ძალის არმქონედ, უმოქმედოდ ან შეუსრულებლად, ის უნდა წაიშალოს შეთანხმებიდან, ხოლო ამ შეთანხმების ყველა დანარჩენი დებულება სრულად დარჩეს ძალაში იმ პირობით, თუ დანარჩენი დებულებები იურიდიული ძალის არმქონე, უმოქმედო ან შეუსრულებელი დებულების გარეშეც მოქმედი იქნება.

წინამდებარე შეთანხმება წარმოადგენს მთლიან შეთანხმებას თქვენსა და ჩვენს შორის სერვისებთან დაკავშირებით და თქვენ ადასტურებთ და ეთანხმებით იმას, რომ თქვენ არ დებთ ამ შეთანხმებას რაიმე განცხადების, გარანტიის ან ვალდებულების იმედით, რომელიც არ არის გათვალისწინებული ამ შეთანხმებით და რომ არავინ გაიძულებთ ამას.

20.    მარეგულირებელი კანონმდებლობა და იურისდიქცია

ამ შეთანხმების ჩამოყალიბება, ინტერპრეტაცია და მოქმედება, ასევე მათგან ან მათთან დაკავშირებით წარმოშობილი ნებისმიერი დავა ან პრეტენზია (მათ შორის არასახელშეკრულებო დავები ან პრეტენზიები) რეგულირდება და ინტერპრეტირდება ჰონკონგის კანონების შესაბამისად. თუ მოქმედი კანონმდებლობით სხვაგვარად არ არის განსაზღვრული, თქვენ და ჩვენ ვთანხმდით, რომ ჰონკონგის სასამართლოს აქვს ექსკლუზიური იურისდიქცია, მოისმინოს და გადაწყვიტოს ყველა დავა, პრეტენზია, სარჩელი ან სასამართლო წარმოება, რომელიც შეიძლება ამ შეთანხმებისგან ან მასთან დაკავშირებით წარმოიშვას. თუმცა, ეს ხელს არ გვიშლის, საქმე აღვძრათ ჰონკონგის ფარგლებს გარეთ.

21.    ჩვენთან დაკავშირება

თუ გაქვთ კითხვები წინამდებარე შეთანხმებასთან დაკავშირებით, გთხოვთ, დაგვიკავშირდეთ შემდეგი ინფორმაციის გამოყენებით:

ელფოსტა: developer@huawei.com

ბოლო გაახლება: 2019 წლის აგვისტო