የAppGallery የተጠቃሚ ስምምነት
1. ስለ እኛ
የ AppGallery ሞባይል መተግበሪያ እና ተያያዥ ቴክኖሎጂዎች እና ተግባሮች (በጥቅሉ "አግልግሎቶቹ") የሚከወኑት በሆንግ ኮንግ ሕጎች መሠረት በኩባንያ ቁጥር 1451551 በተመዘገበው በሁዋዌ አገልግሎቶች (ሆንግ ኮንግ) ኃ/የተወሰነ ኩባንያ (ከዚህ በኋላ "ሁዋዌ"፣ "እኛ" ወይም "የእኛ" በመባል የሚጠቀሰው) ኩባንያ ሲሆን የጽ/ቤቱ አድራሻም፦ Room 03, 9/F, Tower 6, the Gateway, No. 9 Canton Road, Tsim Sha Tsui, Kowloon, ሆንግ ኮንግ ነው። በዚህ ስምምነት (ከዚህ በታች በተተረጎመው መሰረት) "እርስዎ" እና "ተጠቃሚ" ማለት ማንኛውንም ይህንን አገልግሎት የሚጠቀም እና/ወይም የሚያገኝ ግለሰብን ያመለክታል።
2. የዚህ ስምምነት ዓላማ
ይህ የተጠቃሚ ስምምነት የግላዊነት መግለጫችን እና በአገልግሎቶቹ አማካኝነት የሚታተሙ ወይም የሚገኙ ወይም የሚገናኙ ሌሎች ፖሊሲዎች እና መረጃዎች (በጥቅሉ፣ "ስምምነቱ") አገልግሎቶቹን መጠቀምዎን እና መድረስዎን በተመለከተ በእርስዎ ላይ የሚተገበሩ ደንቦች እና ሁኔታዎች ናቸው።
በ AppGallery ውስጥ ወደ እኔ > ስለ በመሄድ የግላዊነት ማሳወቂያችንን ማየት ይችላሉ።
ስምምነቱ እኛ ማን እንደሆንን፣ አገልግሎቶቹን እንዴት እንደምናቀርብልዎ፣ በአገልግሎቶች ላይ ወይም ከእነሱ ጋር በተገናኘ ምን እንቅስቃሴዎች እንደሚፈቀዱ እና እንደማይፈቀዱ፣ የአገልግሎት ችግር ካለ ምን ማድረግ እንዳለብዎ እና ሌላ አስፈላጊ መረጃ ይነግረዎታል። አገልግሎቱን በመድረስ ወይም በመጠቀም ከእኛ ጋር አስገዳጅ ወደሆነ ህጋዊ ስምምነት ውስጥ እየገቡ እና ከዚህ ስምምነት ጋር እየተስማሙ ነዎት። በዚህ ስምምነት የማይስማሙ እና የማይቀበሉት ከሆነ አገልግሎቹን መድረስ ወይም መጠቀም የለብዎትም።
3. ብቁነት
በሚኖሩበት ሕግ መሠረት የኮንትራት ውል ውስጥ ለመግባት (ከዚህ በኋላ “የኮንትራት ውል እድሜ” በመባል የሚጠቀሰው) እድሜ በላይ መሆን አለብዎ። ከኮንትራት ውል እድሜ በታች የሆኑ ግለሰቦች የሁዋዌ አገልግሎቶችን መጠቀም የሚችሉት ወላጅ ወይም አሳዳጊ የልጅ መለያ በመፍጠር የ HUAWEI አይ.ዲ. መለያ የወላጅ/አሳዳጊ የፈቃድ ደብዳቤን ሲቀበሉ ብቻ ነው።
ከኮንትራት ውል እድሜ በላይ ከሆኑ ወይም እና የልጅ መለያ የፈጠሩለት ልጅ ወላጅ ወይም ሕጋዊ አሳዳጊ ከሆኑ፣ የሚከተሉትን ለማድረግ ይስማማሉ፦
(ሀ) በስምምነቱ ውስጥ ያሉትን ሁሉንም ግዴታዎችን ለመፈጸም ያለምንም ቅድመሁኔታ እና በማይገሰስ መልኩ ዋስትና መስጠት፤
(ለ) በስምምነቱ መሠረት ለሁዋዌ የሚገቡ ገንዘቦችን ሁሉ መክፈል፤ እና
(ሐ) እንደ የተለየ እና ዋና ግዴታ በማናቸውም ወይም ሁሉም ደንቦቹ ላይ የተቀመጡትን ግዴታዎችዎን ባለመወጣትዎ ወይም ማናቸውም ወይም ሁሉም ግዴታዎችዎን በመካድዎ የተነሳ ሁዋዌ ለሚደርሱበት ማናቸውም ጥፋቶች፣ ወጪዎች፣ ጉዳቶች፣ የይገባኛል ጥያቄዎች ወይም ተጠያቂነቶች ያለምንም ቅድመ ሁኔታ እና በማይገሰስ መልኩ መካስ።
በተጨማሪም ማንኛውም ጠቅላላ ወይም በከፊል ተቀባይነት ያለመኖር ሁኔታ ወይም የስምምነቱ ተፈፃሚነት ያለመኖር ሁኔታ ቢፈጠርም እንኳን፣ የእርስዎ የዋስትና ሰጪ እና የካሳ ከፋይነት ግዴታዎችዎ የተቀዳሚ ግዴታ እንደሆነ መስማማት።
በተጨማሪም እንደ ዋስትና ሰጪ ወይም ካሳ ከፋይ ያለብዎት ሃላፊነት በማንኛውም የሚከተሉት ጉዳዮች እንደማይነካ እና/ወይም እንደማይሻር ዋስትና ይሰጣሉ፦ (ሀ) በስምምነቱ መሠረት ሁሉንም ወይም ማንኛውም የእኛን መብቶች እና/ወይም ግዴታዎች በእኛ የተቋረጠ፣ የተቀየረ፣ ለሌላ የተላለፈ፣ የተለወጠ ወይም በኮንትራት የተሰጠ ከሆነ፥ (ለ) በስምምነቱ ስር በሁዋዌ የሚሰጥ የጊዜ ገደብ ማንሳት ወይም መስጠት፥ (ሐ) በሁዋዌ የሚደረግ የይገባኛል ጥያቄ ወይም ማስገደድ፥ (መ) ከማንኛውም ሦስተኛ ወገን ጋር መደራደር፥ (ሠ) በስምምነቱ ስር የተቀመጡትን የእርስዎን ሃላፊነቶች (ሙሉለሙሉ ሆነ በከፊል) የሚነካ ወይም የሚሽር ድርጊት ወይም የማስቀረት ሁኔታ፥ (ረ) በሚደርሱበት ሰዓት ዕዳዎን አለመክፈል መቻልዎ፥ (ሰ) ሙሉ ለሙሉ ሆነ በከፊል በስምምነት ውስጥ የእርስዎን ግዴታ መሳር ጋር በተያያዘ በሁዋዌ የሚደረግ ማንኛውም ውክልናን፣ ወይም ሙሉ ለሙሉ ሆነ በከፊል፣ ከማንኛውም የእርስዎ ሃላፊነቶች ጋር በተመለከተ ስምምነት ለማድረግ የሚደረግ ማንኛውም ውክልና፥ እና (ሸ) የእርስዎ ሞት።
4. አገልግሎቶቹን መድረስ
በዚህ ስምምነት መሠረት አገልግሎቶቹን እንዲደርሱና እንዲጠቀሙ የተወሰነ፣ የግል ያልሆነ፣ ሊተላለፍ የማይችል፣ ለሌላ በፈቃድ የማይሰጥ እና ሊሰረዝ የሚችል ፈቃድ እንሰጣለን።
አገልግሎቶቹን ለመድረስ ወይም ለመጠቀም የHUAWEI መታወቂያ ሊኖረዎት ይገባል። ስለ HUAWEI አይ.ዲዎ ተጨማሪ መረጃን ለማግኘት HUAWEI አይ.ዲን ይክፈቱ እና ወደ ቅንብሮች > ስለ > HUAWEI አይ.ዲ. የተጠቃሚ ስምምነት ይሂዱ።
5. አገልግሎቶች
አገልግሎቶቹ አንድ ተጠቃሚ AppGallery ን በመጠቀም በሁዋዌ ወይም በሶስተኛ ወገን አልሚዎች ("አልሚዎች") የተፈጠሩ መተግበሪያዎችን እዲያወርድ እና/ወይም እንዲገዛ ያስችሉታል።
ሁዋዌ መተግበሪያዎችን በነጻ እንዲያወርዱ ሊፈቅድልዎ ወይም ለመተግበሪያው ሊያስከፍልዎ ይችላል፣ እናም የማንኛውም መተግበሪያ ዋጋ በ AppGallery ውስጥ ከመተግበሪያው አጠገብ ይገለጻል።
አንድን መተግበሪያ ከ AppGallery ሲያወርዱ እና/ወይም ሲገዙ የሚያገኙት (ፈቃድ የሚያገኙለት)
(ሀ) በቀጥታ ከሁዋዌ በሁዋዌ ለተፈጠሩ መተግበሪያዎች ብቻ፣ ወይም
(ለ) ከአልሚ
በ AppGallery ላይ ያለ የእኛ/የአልሚ መተግበሪያዎችን ለማውረድና ለመጠቀም ከሁዋዌ እና/ወይም ከአልሚዎች ጋር የተለያዩ ወደሆኑ ስምምነቶች (እንደ የዋና ተጠቃሚ የፈቃድ ስምምነት፣ "EULA" ወይም ሌሎች ስምምነቶች ያሉ) መግባት እንደሚፈለግብዎ ይቀበላሉ። ሁሉም መተግበሪያዎች ለተጠቃሚዎች ፈቃድ ይሰጥባቸዋል እንጂ አይሸጡም።
6. የሶስተኛ ወገን አገልግሎቶች
በአገልግሎቶቹ መሰረት ሦስተኛ-ወገን መተግበሪያዎች እና አገልግሎቶችን በመጠቀም፣ መተግበሪያዎቹን ለማቅረብ ከሦስተኛ-ወገን አልሚዎች (ከዚህ በኋላ “አልሚ” በመባል ይጠቀሳል) ጋር የውል ስምምነት ላይ እንደሚገቡ፣ እና የአገልግሎት ስምምነት ላይ እንደሚገዙ እና/ወይም በአልሚው የተቀመጡትን የመጨረሻ ተጠቃሚ የፈቃድ ስምምነት ("EULA") እንደሚያከብሩ ያሳውቃሉ። ሁዋዌ በእርስዎ እና በአልሚው መካከል የ EULA ወገን አይደለም። የአልሚ ስምምነቱን፣ የ EULA እና የግላዊነት ፖሊሲዎች ይዘትን በጥንቃቄ ያነብቡ ዘንድ አጥብቀን እንመክራለን። ሁዋዌ የአልሚዎችን መተግበሪያዎች እና አገልግሎቶች ይዘትን የመቆጣጠር ወይም የማረም መብት ሆነ ግዴታ የለውም፣ ስለዚህ፣ እንደዚህ ዓይነት መተግበሪያዎች እና አገልግሎቶች በመጠቀም የተነሳ መብትዎ የተጣሰ ጊዜ ሁዋዌ ሃላፊነቱን አይወስድም።
ሁዋዌ የማንኛውም አልሚ መተግበሪያዎች ወይም አገልግሎቶች ይዘት ወይም መገኘት ላይ ሃላፊነት የለበትም እና እያጸድቅም እና ለማንኛውም ይዘት፣ ማስታወቂያ፣ ምርቶች፣ አገልግሎቶች፣ ወይም በአልሚው ሌሎች ዕቃዎችን መገኘት ላይ ሃላፊነቱን አይወስድም። ይህንን ስምምነት ወይም የአልሚው EULA፣ ስምምነቶች እና/ወይም የግላዊነት ፖሊሲዎች በማያከብሩበት ጊዜ አልሚው በእርስዎ ላይ እርምጃ ሊወስድ ይችላል። በእንደዚህ ዓይነት ዝግጅቶች መላውን የሕግ ሃላፊነት ይወስዳሉ እና ከማንኛውም ዓይነት ኪሳራ፣ ጉዳቶች፣ ወይም እኛ ላይ የሚነሱ የይገባኛል ጥያቄዎች ላይ ለ ሁዋዌ ካሳ ይክፈላሉ ተጠያቂም አያደርጉም።
በማውረድ፣ ፈቃድ በመስጠት፣ እና/ወይም የአልሚዎች መተግበሪያዎች አጠቃቀም የተነሳ የሚነሱ ማንኛውም ግጭቶች በአልሚው መፈታት አለበት፣ ሁዋዌ ምንም ሃላፊነት አይወስድም። ስለሆነም ሁዋዌ ምንም ኃላፊንተን አይወስድም። ሁዋዌ ለሶስተኛ ወገን ሶፍትዌር ወይም ቴክኖሎጂ ምንም ዓይነት የደንበኛዎች ድጋፍ አይሰጥም። ድጋፍ የሚያስፈልገዎት እንደሆነ እባክዎ አልሚውን ያነጋግሩት።
እያንዳንዱ አልሚ ለመተግበሪያዎቻቸው፣ የመተግበሪያ ይዘት እና ማንኛውም የሚሰጧቸውን ዋስትናዎች ሙሉ ኃላፊነት ይወስዳሉ። ግጭት በሚነሳበት ጊዜ የአልሚው ዋስትና ወይም ጥያቄ የተነሳበት መተግበሪያን የሚመለከታቸው ሌሎች ማናቸውም EULA ወይም ሌላ እርስዎ እና አልሚው የተስማማችሁበት ስምምነት ከዚህ ስምምት ይልቅ የበላይነት ይኖረዋል።
7. የግዢ ስምምነት
ይህ አንቀጽ (የግዢ ስምምነት) በነጻ የሚገኙ መተግበሪያዎችን አይመለከተውም።
ለአገልግሎቶቹ የተደረጉ ግዢዎች ድምር ዋጋ የሚከተሉትን ያካትታል፦
(ሀ) የመተግበሪያው፣ ባሕሪ ወይም ማሻሻያ ዋጋ፣
(ለ) ማንኛውም የሚተገበሩ የክሬዲት ካርድ ክፍያዎች፣ እና
(ሐ) ማንኛውም ሽያጭ፣ አጠቃቀም፣ እቃዎች እና አገልግሎቶች (“GST”)፣ ተጨማሪ እሴት (“VAT”)፣ ወይም ሌላ ተመሳሳይ ግብር ሥራ ላይ ባለ ሕግ መሠረት እና ግዢ በፈጸሙበት ወቅት ሥራ ላይ ባለ የግብር ተመን መሠረት። በሁዋዌ ድረገጽ ላይ የሚታዩት ዋጋዎች በሙሉ VAT ን እንደማያካትቱ በግልጽ እስታልገለጸ (እና በአካባቢ ሕግ የተፈቀደ እስካልሆነ) ድረስ VAT የሚያካትቱ ዋጋዎች ናቸው።
ሁዋዌ እና/ወይም አልሚዎች የማንኛውም መተግበሪያ ወይም የውስጠ-መተግበሪያ ግዢ ዋጋን የማስተካከል መብታቸው የተጠበቀ እንደሆነ እውቅና ይሰጣሉ፣ እና እንዲህ ያለ የዋጋ ለውጥ ማናቸውም የመተግበሪያ ግዢዎችን ከማድረግዎ በፊት አግባብ በሆነ ጊዜ ላይ ያሳውቁዎታል። የዋጋ ለውጥ ሲተገበር መተግበሪያውን መጠቀሙን መቀጠል እንዲችሉ አዲሱን ዋጋ መቀበል አለብዎት። ከማስተካከያው በኋላ ያለውን አዲሱን ዋጋ የማይቀበሉ ከሆነ ግንኙነት ያላቸውን አገልግሎቶች ያለመጠቀም መብት አለዎት።
የመሰረዝ መብቶች፦
ጃፓን ውስጥ የሚኖሩ እንደሆነ፣ ትእዛዝዎትን እንደተቀበልን ማረገጋጫ ከላክንልዎ በኋላ በአሥራ አራት (14) ቀናት ውስጥ ይህን ግዢ ያለምንም ምክንያት ሊሰርዙ ይችላሉ።
የስረዛውን ቀነገደብ ላለማለፍ የ14 ቀናት አገልግሎት ማበቂያው ከማለቁ በፊት የመሰረዝ ተግባቦትዎን ለእኛ መላክ አለብዎት። ግዢዎን ለመሰረዝ ከፈለጉ እባክዎ በማረጋገጫ ኢሜይልዎ ውስጥ የቀረበውን የእውቂያ መረጃ ተጠቅመው የሁዋዌ የደንበኛ አገልግሎትን ያነጋግሩ። እንዲሁም በድር ጣቢያችን ላይ የስረዛ ቅጹን በመሙላት ለስረዛ የማመልከት መብት አለዎት።
ስረዛው ከተሳካ በኋላ የገዙትን የመተግበሪያ አገልግሎት እናቋርጠውና የስረዛ ማሳወቂያዎን ባገኘን በአሥራ አራት (14) ቀናት ውስጥ ገንዘብዎን ተመላሽ እናደርጋለን። በዚህ ጊዜ ውስጥ መተግበሪያውን መጠቀም አይችሉም። ገንዘብ ተመላሽ ለማድረግ እርስዎ ለመጀመሪያው ትእዛዝ የተጠቀሙበትን ተመሳሳይ የመክፈያ መንገድ ነው የምንጠቀመው። አንዳንድ ጊዜ ሁዋዌ የማጭበርበር፣ አላግባብ የገንዘብ ማስመለስ ወይም ሌላ ሁዋዌ ተጓዳኝ አጸፋ የመስጠት መብት የሚያሰጥበት የአታላይ ባህሪ ማስረጃ ያገኘ እንደሆነ የተመላሽ ገንዘብ ጥያቄውን ውድቅ ሊያደርግ ይችላል።
በሩሲያ ፌዴሬሽን ውስጥ የሚኖሩ ከሆነ ግዢዎን እንደተቀበልን ማረገጋጫ ከላክንልዎት በኋላ ባሉት ሰባት (7) ቀናት ውስጥ ይህን ግዢ ያለምንም ምክንያት መሰረዝ ይችላሉ።
የስረዛውን ቀነገደብ ላለማለፍ የ7 ቀናት አገልግሎት ማበቂያው ከማለቁ በፊት የመሰረዝ ተግባቦትዎን ለእኛ መላክ አለብዎት። ግዢዎን ለመሰረዝ ከፈለጉ እባክዎ በማረጋገጫ ኢሜይልዎ ውስጥ የቀረበውን የእውቂያ መረጃ ተጠቅመው የሁዋዌ የደንበኛ አገልግሎትን ያነጋግሩ። እንዲሁም በድር ጣቢያችን ላይ የስረዛ ቅጹን በመሙላት ለስረዛ የማመልከት መብት አለዎት።
ስረዛው ከተሳካ በኋላ የገዙትን የመተግበሪያ አገልግሎት እናቋርጠውና የስረዛ ማሳወቂያዎን ባገኘን በአሥር (10) ቀናት ውስጥ ገንዘብዎ ተመላሽ እናደርጋለን። በዚህ ጊዜ ውስጥ መተግበሪያውን መጠቀም አይችሉም። ገንዘብ ተመላሽ ለማድረግ እርስዎ ለመጀመሪያው ትእዛዝ የተጠቀሙበትን ተመሳሳይ የመክፈያ መንገድ ነው የምንጠቀመው። አንዳንድ ጊዜ ሁዋዌ የማጭበርበር፣ አላግባብ የገንዘብ ማስመለስ ወይም ሌላ ሁዋዌ ተጓዳኝ አጸፋ የመስጠት መብት የሚያሰጥበት የአታላይ ባህሪ ማስረጃ ያገኘ እንደሆነ የተመላሽ ገንዘብ ጥያቄውን ውድቅ ሊያደርግ ይችላል።
በAppGallery ውስጥ ወደ እኔ > እገዛ > ተደጋጋሚ ጥያቄዎች በመሄድ የተመላሽ ገንዘብ ፖሊሲያችንን ማግኘት ይችላሉ።
8. የመለያ ደህንነት
የእርስዎን የHUAWEI መታወቂያ የተጠቃሚ ስም እና የይለፍ ቃል እንደ ሚስጥር አድርገው መያዝ አለብዎት፣ እና ለማንም ሰው ማጋራት የለብዎትም። ጠንካራ የይለፍ ቃል መርጠው አስተማማኝ በሆነ ቦታ እንዲያስቀምጡት እንመክርዎታለን። የይለፍ ቃልዎን ደህንነት የመጠበቅ ኃላፊነት አለብዎ እንዲሁም የእርስዎን HUAWEI አይ.ዲዎን ለሦስተኛ ወገን በመስጠትዎ የተነሳ ለሚከሰቱ ማንኛውም ኪሳራዎች፣ ጉዳቶች፣ ዕዳዎች ወይም ማንኛውም ዓይነት የይገባኛል ጥያቄዎች ምንም ኃላፊነት የማንወስድ ስለመሆናችን ይስማማሉ።
የሆነ ሰው የ HUAWEI አይ.ዲ. መረጃዎን እየተጠቀመበት ነው ብለው ካሰቡ በዚህ ስምምነት ውስጥ ከታች የቀረበውን የእውቂያ መረጃን በመጠቀም ወዲያውኑ ለእኛ ማሳወቅ አለብዎ። አገልግሎቶቹን ለመድረስ የሌላ ሰው HUAWEI መታወቂያ መጠቀም የለብዎትም። የHUAWEI አይ.ዲ. መለያ መረጃን እና የግብይት መረጃዎን ያለፈቃድ ሦስተኛ ወገኖች እንዳይጠቀሙ ለመከላከል ተገቢ የጥበቃ እርምጃዎችን መውሰድ አለብዎ።
9. የአገልግሎት ውል
አገልግሎቶቹን በመድረስና በመጠቀም ህጋዊ እና ግብረገባዊ በሆነ ረገድ እና በዚህ ስምምት መሰረት ለማድረግ ይስማማሉ።
አገልግሎቶቹን የሐሰት፣ ስም አጥፊ፣ ሕገ-ወጥ፣ ጎጂ፣ አጸያፊ፣ መብት የሚጥስ፣ አስከፊ፣ ትንኮሳ፣ ቅሌት የተሞላበትና አዋራጅ፣ የጥላቻ፣ ነገር ቆስቋሽ፣ አስፈራሪ፣ ሕጋዊ ያልሆነ፣ ብልግና፣ ልቅ ወሲብ፣ ግላዊነትን የሚጥስ የሆኑ ነግሮችን ማስተላለፍ ወይም መሳተፍ እንደሌለብዎ፤ ወይም በሚከተሉት ሳይገደብ ማንኛውም ህገወጥ እንቅስቃሴዎችን የሚያመቻች፣ ግልጽ ወሲባዊ ምስሎችን የሚያሳይ፣ ጥቃትን የሚያበረታታ፣ አግላይ የሆነ፣ ህገ-ወጥ ወይም በማንኛውም ሰው ወይም ንብረት ላይ ጉዳት የሚያስከትል፣ እርስዎ የመለጠፍ ወይም የማስተላለፍ መብት የሌልዎት ይዘት ወይም እንዲህ ያለ መለጠፍ ወይም ማስተላለፍ እንደሌለብዎ፤ የማንኛውም የሚስጥራዊነት ግዴታ እና/ወይም የሦስተኛ ወገን የአዕምሯዊ ንብረት መብቶች የሚጥስ የሆነበት እና በእነዚህ ሳይገደብ በሚመለከተው ሕግ መሠረት ማንኛውም የፍትሐ-ብሔር ወይም የወንጀል ተጠያቂነትን ሊያስከትል የሚችል ማንኛውም ከአገልግሎቶቹ አጠቃቀምዎ ጋር በተዛመደ ተቃውሞ ሊያስነሳ የሚችል ይዘት ለማስተላለፍ ወይም እንዲህ ላለ እንቅስቃሴ የማይጠቀሙ መሆኑን መቀበልዎን አሳውቀዋል እንዲሁም ተስማምተዋል።
በዚህ ስምምነት በግልጽ ከተቀመጠው ወይም በሚመለከታቸው ሕጎች ከተፈቀደው በስተቀር የሚተከሉትን ለማድረግ ተስማምተዋል፦
(ሀ) ከማንኛውም የአገልግሎቹ ክፍል የቅጂ መብት፣ የንግድ ምልክት ወይም ሌላ ማንኛውንም የአዕምሯዊ ንብረት ማስታወቂያዎችን ላለማስወገድ፤
(ለ) አገልግሎቶቹን በሙሉ ወይም በከፊል ላለማባዛት ወይም ላለመቀየር፣ ወይም አገልግሎቶቹ ወይም ማንኛውም ክፍላቸው ከማናቸውም ሌሎች መተግበሪያዎች ወይም ሶፍትዌር ጋር እንዲጣመሩ ወይም በእነሱ እንዲጠቃለሉ ላለመፍቀድ፤
(ሐ) አገልግሎቶቹን ወይም ተዛማጅ ስርዓቶቻቸውን ወይም አውታረ መረቦቻቸውን ፈቃድ የሌለው ደረሳ ላለማግኘት ወይም ለማግኘት ላለመሞከር ወይም ማንኛውም የአገልግሎቶቹ ክፍልን ማሰናከል፤
(መ) በአገልግሎቶቹ ሙሉ ወይም ከፊል ክፍል ላይ በመመስረት ላለመበተን፣ ዳግም ላለማጠናቀር፣ በኋሊዮሽ ምሕንድስና ላለመፍታት ወይም ከእሱ የመነጩ ስራዎችን ላለመፍጠር፣ ወይም አግባብነት ባላቸው ሕጎች ከተፈቀደው ባለፈ እንዲህ ያሉ ተግባሮችን ላለመሞከር፤
(ሠ) አገልግሎቱን ላለማሰራጨት፣ ፈቃድ ላለመስጠት፣ ላለማከራየት፣ ላለመሸጥ፣ ዳግም ላለመሸጥ፣ ላለማስተላለፍ፣ በይፋ ላለማሳየት፣ በይፋ ላለማከናወን፣ በዥረት ላለመልቀቅ፣ ላለማሰራጨት ወይም አገልግሎቶቹን ላለመበዝበዝ፤
(ረ) አገልግሎቶቹን በሙሉ ወይም በከፊል (የሚታየውን ምርት እና ምንጭ ኮዱን ጨምሮ) በማንኛውም ሁኔታ ለማንኛውም ሰው ቀድሞ የጽሑፍ ፈቃዳችን ሳይገኝ ከማቅረብ ወይም በሌላ መንገድ እንዲገኙ ከማድረግ ለመቆጠብ፤
(ሰ) ማንኛውም ዓይነት ግለሰብ አለማስመሰል ወይም ከግልሰብ ወይም ተቋም ጋር ያለዎትን ዝምድና በውሸት መጥቀስ ወይም ሆን ብሎ አለመወከል፦
(ሸ) አገልግሎቶቹን (ወይም ማንኛውም ክፍሉን/ሎችን) ለማንኛውም ህገወጥ ዓላማ ህገወጥ በሆነ ምንም ዓይነት መንገድ፣ ወይም ከዚህ ስምምነት ጋር በሚጻረር መልኩ፣ ወይም በማጭበርበር ወይም ተንኮል-አዘል በሆነ መልኩ፣ በሚከተሉት ሳይገደብ ጥሶ በመግባት ወይም ቫይረሶችን ወይም ጎጂ ውሂብን ጨምሮ ተንኮል-አዘል ኮድ ወደ አገልግሎቶቹ (ወይም ከአገልግሎቶቹ ጋር ወደተገናኙ ድር ጣቢያዎች) ወይም ወደ ማንኛውም ስርዓተ-ክወና ለማስገባት ላለመጠቀም፤
(ቀ) ከአገልግሎቶቹ መዳረሻዎ እና/ወይም አጠቃቀምዎ ጋር በተያያዘ የእኛን ወይም የሶስተኛ ወገኖች የአዕምሯዊ ንብረት መብቶች ላለመጣስ፤
(በ) የአገልግሎት ተጠቃሚዎች መረጃን ላለመሰብሰብ፣ ወይም አገልግሎታችንን ወይም ስርዓቶቻችን ራስ-ሰር መንገዶችን በመጠቀም ላለመድረስ (ለምሳሌ፦ ሰብሳቢ ቦቶች) ወይም አገልግሎቶቹን ወደሚያሄዱ አገልጋዮች የሚሄዱ ወይም ከእነሱ የመጣ ማንኛውም ትልልፍን ለመፍታት ላለመሞከር፤
(ተ) አገልግሎቶቹን ወይም የአገልግሎቶቹን መገለጫዎች እና ሌላ ውሂብ የሚቀዱ ሶፍትዌርን፣ መሳሪያዎችን፣ ሮቦቶችን ወይም ሌሎች ማናቸውም መንገዶች ወይም ሂደቶችን (ጎብኚዎች፣ የአሳሽ ተሰኪዎች እና ቅጥያዎች ወይም ሌላ ማንኛውም የቴክኖሎጂ ወይም በእጅ የሚሠራ ቴክኒክ) ላላመገንባት፣ ላለመደገፍ ወይም ላለመጠቀም፤
(ቸ) የእኛን ፈቃድ አስቀድመው በጽሑፍ ሳያገኙ አገልግሎቶቹን ለንግድ ዓላማ ላለመጠቀም፤
(ኅ) እንደ የጦር መሳሪያዎችን፣ እጾችን፣ ህገወጥ እጾችን፣ የተሰረቀ ሶፍትዌር እና ሌሎች የተከለከሉ ንጥሎችን መሸጥ ባሉ ማናቸውም ሌላ ህገወጥ የንግድ ግብይቶች ላይ ለመሳተፍ አገልግሎቶቹን ላለመጠቀም፤
(ነ) የቁማር መረጃ ላለመስጠት ወይም ሌሎችን በማናቸውም መንገዶች እንዲቆምሩ ላለማበረታታት፤
(ኘ) የሌላ ሰው የመግቢያ መረጃን ለማግኘት ላለመንቀሳቀስ ወይም የሌላን ሰው መለያን ላለመድረስ፤
(አ) ገንዘብን በማሸሽ፣ በህገወጥ ገንዘብ ማበደር ወይም የፒራሚድ ማጭበርበሪያ እንቅስቃሴዎች ውስጥ ላለመሳተፍ፤
(ከ) ይህን ስምምነት (ወይም ማናቸውም ክፍሉን/ሎቹን) ጥሰት ላለመሞከር፣ ላለማመቻቸት ወይም ላለማበረታታት፤ እና
(ኸ) አገልግሎቶቹን፣ ስርዓቶቻችን ወይም ደህንነትን ሊጎዳ፣ ስራውን ሊያስቆም፣ ሊያጨናንቅ፣ ሊያሰናክል ወይም ከጥቅም ውጭ ሊያደርግ በሚችል መልኩ፣ ወይም በሌሎች የተጠቃሚዎች ወይም በሌላኛው የወገን ኮምፒውተር ስርዓቶች ላይ ጣልቃ በሚገባ፣ ጥሶ በሚገባ ወይም ፈቃድ የሌለው ደረሳ የአገልግሎቶቻችን ወይም የይዘታችን (ከታች የተገለጸ) ወይም የውሂብ መድረሻ በሚያገኝ ማንኛውም መንገድ አገልግሎቶቹን ላለመጠቀም፤
(ወ) ከላይ የተገለጹ ድርጊቶችን ሊመሰርት የሚችል ምንም ዓይነት ነገር አያድርጉ።
10. የይዘታችን አጠቃቀም
እኛ እና/ወይም ፈቃድ ሰጪዎቻችን ሁሉንም የመረጃ (ሳይገደብ በጽሑፍ፣ ግራፊክስ፣ ቪዲዮ እና ኦዲዮ ጨምሮ)፣ ምስሎች፣ አዶዎች፣ መተግበሪያዎች፣ ንድፎች፣ ሶፍትዌር፣ ስክሪፕቶች፣ ፕሮግራሞች፣ የቅጂ መብቶች፣ የንግድ ምልክቶች፣ የንግድ ስሞች፣ አርማዎች እና ሌሎች ይዘቶችና አገልግሎቶች፣ መልካቸው እና ስሜታቸው ጨምሮ (በአንድ ላይ "የእኛ ይዘት") መብት፣ ማዕረግ እና ባለቤትን እንይዛለን። ይዘታችን በቅጂ መብት፣ ንግድ ምልክት፣ የዳታቤዝ መብት፣ ሱዊ ጀነሪስ መብቶች እና ሌሎች በሥራ ላይ ያሉ የአእምሮ ንብረት እና ኢንዱስትሪያዊ ንብረት ሕግ፣ በብሄራዊ ሕጎች እና አለምአቀፍ ሕጎች ጥበቃ እንደሚደረግለት ይቀበላሉ። በዚህ ስምምነቱ ላይ በግልጽ ካልተቀመጠ በስተቀር፣ አገልግሎቶቹ፣ ወይም ይዘቶቻቸው ውስጥ ወይም ላይ ማንኛውም ባለቤትነት ወይም ሌሎች መብቶች ለእርስዎ ወይም ለሌላ ማንኛውም ግለሰብ የእርስዎን መዳረስ እና/ወይም ማንኛውም አገልግሎቶች አጠቃቀም አያስተላልፍም።
በእኛ ይዘት ላይ ለውጦችን፣ ቅጂዎችን፣ ቆርጦ ማውጣቶችን፣ ማስተካከያዎችን ወይም ጭማሪዎችን ማድረግ፣ ወይም የእኛን ይዘት መሸጥ፣ መቅዳት፣ ማሰራጨት ወይም ፈቃድ ሊሰጡበት ወይም በየትኛውም መንገድ ትክክለኛ ባልሆነ መንገድ መጠቀም አይችሉም። ማንኛውም ይዘታችንን እንደገና ዳግም ለማተም፣ ለማውጣት፣ ለማባዛት፣ ለማሰራጨት ወይም በሌላ መንገድ ጥቅም ላይ ለማዋል ከፈለጉ በዚህ ስምምነት በግልጽ ካልተቀመጠ በስተቀር እርስዎ እኛን አስቀድመው አግኝተው ስምምነታችን በጽሑፍ ማግኘት አለብዎት። ይህም ተግባራዊ በሚደረግ አስገዳጅ ሕግ ስር ባለዎት የትኛውም መብቶች ላይ መጥሌ ሳይደረግ ነው።
አገልግሎቶቹ ወይም ማንኛውም የአገልግሎቶቹ ክፍል ማንኛውም የቅጂ መብትን፣ የንግድ ምልክትን፣ ፓተንትን፣ የንግድ ሚስጥርን ወይም ሌላ የአእምሯዊ ንብረት መብትን ይጥሳል ብለው ካመኑ፣ ወይም ከአገልግሎቶቹ ጋር በተገናኝ ሌሎች ስጋቶች ካለዎ እባክዎ በዚህ ስምምነት ውስጥ ከዚህ በታች የተሰጠውን የእውቂያ መረጃ ተጠቅመው ያሳውቁን።
11. የእርስዎ ይዘት
እርስዎ ወደ አገልግሎቶቹ ወይም በአገልግሎቶቹ በኩል የሚሰቅሏቸው፣ የሚለጥፏቸው ወይም በሌላ መልኩ የሚያስተላልፏቸው የጽሑፍ፣ ውሂብ፣ ፋይሎች፣ ምስሎች፣ ፎቶዎች፣ የደራሲነት ስራዎች ወይም ሌላ ማናቸውም ይዘቶች (በአንድ ላይ "የእርስዎ ይዘት" የሚባሉ) ላይ ማናቸውንም የአዕምሯዊ ንብረት መብቶች አንጠይቅም። ባለቤትነትዎን እንደያዙ ይቀጥላሉ፤ ለይዘትዎም ሙሉ ኃላፊነትን ይወስዳሉ።
12. አገልግሎቶቹን መቆጣጠር
ከስምምነቱ ጋር ያለዎትን የሕግ ማክበር ሁኔታ ለማረጋገጥ፣ እና ተግባራዊ የሚደረጉ ሕጎችን፣ የፍርድ ቤት ትዕዛዞችን ወይም የማንኛውም ፍርድ ቤት ውሳኔ ለማክበር፣ ወይም የማንኛውም የመንግስት መምሪያዎች፣ የሕግ አስከባሪዎችን፣ ወይም ተቆጣጣሪ አካላትን ትዕዛዝ ወይም መስፈርቶችን ለማክበር፦ ዓላማ አስፈላጊ ናቸው ብለን ስንወስን ጊዜ፣ በራሳችን ፈቃድ እና እርስዎን ሳናሳውቅ በማንኛውም ጊዜ ላይ እንደዚህ ዓይነት እርምጃዎችን እንደምንወስድ ያውቃሉ እና ይስማማሉ። እነዚህ የሚያካትቱት ሆኖም ግን በዚህ ብቻ አይወሰኑም፦ ማጭበርበር ክልክል፣ የአደጋ ምዘና፣ ምርመራ፣ እና የደንበኛ ድጋፍ ዓላማዎች ናቸው።
13. ግላዊነት እና የውሂብ መሰብሰብ
ይበልጥ ጠንካራ የሆኑ አገልግሎቶች ለእርስዎ ለመስጠት እና የግብይቶችዎን ደህንነት ለማረጋገጥ፣ መረጃዎትን አንሰበስብ እና ቴክኒካዊ ውሂብን በ ግለንነት ማሳወቂያችን መሰረት እናብላላለን።
14. ማሳሰቢያ
አገልግሎቶቹ እርስዎ ጥቅም ብቻ ናቸው እናም በማንኛውም ሦስተኛ ወገን ጥቅም ላይ ሊውሉ አይገባም። ባልተፈቀደ የአገልግሎቶቹ አጠቃቀም አማካኝነት ለሚደርሱ ማንኛውም ዓይነት ኪሳራዎች እኛ እና የእኛ እናት ድርጅቶች፣ አባል ድርጅቶች፣ ተባባሪዎች፣ ሰራተኛዎች፣ ስራ ተቋራጮች፣ ወኪሎች፣ ሶስተኛ ወገን ክፍያ አቅራቢዎች፣ አጋሮች፣ ፈቃድ ሰጪዎችና አከፋፋዮች (በጥቅሉ "የሁዋዌ ወገኖች") ተጠያቂ እንደማንሆን ይስማማሉ።
የሁዋዌ ወገኖች ለአገልግሎቶቹ ጥገና ወይም ሌላ የድጋፍ አገልግሎቶች ኃላፊነት የለባቸውም። የአገልግሎቶ መቆራረጥ፣ መዘግየት ወይም ጣልቃ ገብነት ችግር ሊያገጥምዎ ይችላል ይህም ለማይታወቅ ጊዜ ወይም ከቁጥጥርችን ውጪ በሆነ ምክንያት ነው። ከእነዚህ መቆራረጦች፣ መዘግየቶች እና ጣልቃገብነቶች ጋር በተያያዘ የ ሁዋዌ ወገኖች ለማንኛውም ይገባኛል ሀላፊነት አይወስዱም።
በእርስዎ ግዛት ላይ በሚተገበሩ ሕጎች እስከሚፈቅደው ድረስ፣ ወይም በሚከተሉት የተነሳ አገልግሎቶቹን ለመድረስ ወይም ለመጠቀም የማይችሉ ከሆነ በማንኛውም ተጠያቂነት፣ ኪሰራ፣ ጉዳቶች ወይም ካሣ ላይ የ HUAWEI ወገኖች እርስዎ ላይ ሆነ ማንኛውም ሰው ላይ ተጠያቂ አይሆኑም፦
(ሀ) የጥገና ሥራ ለመስራት ወይም ስርዓቶቻችንን፣ ሶፍትዌር፣ ወይም የሚጠገን ሃርድዌር ለማዘመን እንዲያስችለን አገልግሎቶቻችንን የማቋረጥ ወይም ማገድ፦
(ለ) ከእኛ ሌላ በሆነ ሰው ባለቤትነት የተያዘ ወይም ቁጥጥር የሚደረግበት የስርዓት ወይም አውታረ መረብ ላይ መዘግየት ወይም ውድቀት፤
(ሐ) አገልግሎቶቹ ላይ ተጽዕኖ ሊያደርጉ የሚችሉ ምንም ዓይነት እግድ ወይም የማንኛውም ውል ማቆም ወይም በእኛ እና በማንኛውም ሶስተኛ ወገን የክፍያ አገልግሎት ሰጭዎች መካከል ያሉ ሌሎች ስምምነቶች፤
(መ) በሃከሮች ጥቃት ምክንያት ወይም ተመሳሳይ የሆነ የደህንነት ላይ ጥቃት ምክንያት የሚደርስ ማንኛውም ስህተት ወይም ስመቋረጥ፣ ወይም
(ሠ) ከምክንያታዊ ቁጥጥራችን በላይ የሆነ ማንኛውም ሌላ ክስተት።
አገልግሎቶቹ ያለምንም ውክልና ወይም ማረጋገጫ ድጋፍ “እንዳሉ” እና “እንደተገኙ” የሚሰጡ ናቸው። እርስዎ ባሉበት የሕግ ክልል ውስጥ የሚመለከታቸው ሕጎች ተፈፃሚ እንዲሆን እስከሚፈቀደው ከፍተኛ መጠን ድረስ የሁዋዌ ወገኖች ለሚከተሉት ሁሉንም ዋስትናዎች፣ ሁኔታዎች ወይም በግልጽ ወይም በተዘዋዋሪ የተጠቀሰ ሌላ ስምምነትን አይቀበሉም፦
(ሀ) በአገልግሎቱ ላይ ወይም በአገልግሎቶቹ በኩል የሚገኝ የተደረገ የማንኛውም ይዘት ሙሉዕነት፣ አስተማማኝነት ወይም ወቅታዊነት፤
(ለ) አገልግሎቶቹ ወይም የሚስተናገዱባቸው አገልጋዮች ከጉዳት፣ ከስህተት፣ ከቫይረሶች፣ ከተውሳኮች ወይም ከሌሎች ጎጂ ይዘቶች ነፃ ናቸው፤
(ሐ) በማናቸውም አገልግሎቶች ውስጥ ያሉ የክወና ወይም ተግባር ጉድለቶች ይስተካከላሉ፤
(መ) የአገልግሎቶቹ ዝርዝር ተግባሮች አስተማማኝነት፣ ጥራት፣ ወይም ትክክለኛነት እና ማንኛውም እርስዎ አገልግሎቶቹን በመጠቀምዎ ወይም በመድረስዎ ምክንያት የተገኘ መረጃ፤
(ሠ) የአገልግሎቶቹ ደህንነት ወይም ከስህተት ነፃ የመሆን ባሕሪ፣ እና
(ረ) የአገልግሎቶቹ አስተማማኝነት፣ ጥራት፣ ትክክለኛነት፣ ተገኝነት ወይም ፍላጎትዎን የማሟላት፣ የተወሰኑ ውጤቶችን የመስጠት፣ ወይም የተወሰኑ ውጤቶችን የማስገኘት አቅም።
በሙሉም ሆነ በከፊል አገልግሎቶቹን እርስዎ (ወይም ሌላ ማንኛውም ሰው) አገልግሎቶቹን በሙሉም ሆነ በከፊል በመድረስ እና/ወይም በመጠቀም በሚገኘው መረጃ ላይ በመተማመን፣ በመጠቀም ወይም በመተርጎም በእርስዎ ላይ ለሚከሰት ማንኛውም ጥፋት ወይም ጉዳት የሁዋዌ ወገኖች ተጠያቂ አይደሉም።
የአንዳንድ ሀገር ሕጎች አንዳንድ ዓይነት ዋስትናዎች፣ ሃላፊነት መውሰዶችን፣ ውክልናዎችን ወይም ማስተማመኛ መስጠቶች በውል ስምምነት እንዲወሰኑ ወይም በከፊል እንዲወጡ አይፈቅዱም። እነዚህ ሕጎች በእርስዎ ላይ ተግባራዊ የሚደረጉ ከሆነ ከላይ ያሉት አንዳንድ ወይም ሁሉም ክልከላዎች ወይም ገደቦች እርስዎ ላይ ተግባራዊ የማይደረጉ ሲሆን ተጨማሪ መብቶች ሊኖረዎት ይችላል። በዚህ ስምምነት ውስጥ ያለ ምንም ነገር እንደ ደንበኛ በህጋዊነት ባሉዎት ወይም በውል ስምምነት ለመቀየር ወይም መተው ወይም ማስቀረት በማይችሏቸው ህጋዊ መብቶች ላይ ተጽዕኖ አያሳርፉም።
15. የተጠያቂነት ውሱንነት
የእርስዎ ግዛት ላይ ተግባራዊ የሚደረጉ ሕጎች በሚፈቀደው መሰረት፣ የእርስዎ አገልግሎቶቹን የመድረስ እና መጠቀም በራስዎ ብቸኛ ሃላፊነት ላይ ይመሰረታል እና ለሚከተሉት ማንኛውም ነገሮች፣ በኮንትራትም፣ ውለታ (ቸልተኝነትን ጨምሮ) ወይም በሌላ ማንኛውም ጽንሰ ሐሳብ መሰረት Huawei ወገኖች በእርስዎ ላይ ሆነ ወይም በሌላ ማንኛውም ሰው ላይ ለሚፈጠር ኪሳራ ወይም ጉዳት ተጠያቂነት የለበትም።
(ሀ) የትርፍ፣ ገቢ፣ ውሂብ፣ መልካም ዝና ማጣት፣ እና
(ለ) ልዩ፣ ቀጥተኛ ያልሆነ ወይም የሌላ ነገር ውጤት የሆነ መቀነስ ወይም ጉዳት።
በዚህ ስምምነት ውስጥ ያሉት ገደቦች እና ክልከላዎች ሊፈጠር ስለሚችል ኪሳራ ተነግሮንም ሆነ ልናውቀው የተገባን ቢሆንም ተግባራዊ ይሆናሉ።
በማንኛውም ጊዜ በማንኛውም የአገልግሎቶቹ ክፍል ካልተደሰቱ ብቸኛው መፍትሔዎ አገልግሎቶቹን መድረስና መጠቀም ማቆም ብቻ ነው። በቀዳሚዎቹ ገደቦች ላይ መጥሌ ሳይኖር እና እርስዎ ባሉበት የሕግ ክልል ውስጥ ያሉት የሚመለከታቸው ሕጎች ተፈፃሚ እንዲሆን እስከሚፈቀዱት ከፍተኛ መጠን ድረስ፣ በማንኛውም ሁኔታ በውል ስምምነትም ሆነ ከውል ውጭ ጉዳት ማድረስ (ቸልተኝነትን ጨምሮ) ወይም በሌላ ማንኛውም መርህ፣ ለማናቸውም ጥያቄዎች፣ አካሄዶች፣ ተጠያቂነቶች፣ ግዴታዎች፣ ጉዳቶች፣ ጥፋቶቸ እና ወጪዎች ለእርስዎም ሆነ ለሌላ ለማናቸውም ሰው የHuawei ወገኖች ጠቅላላ የተጠያቂነት ክፍያ ከ HKD 500.00 አይበልጥም። በዚህ ስምምነት ላይ የተጠቀሱት ያለመጠየቅ መብት እና ገደቦች ፍትሐዊ እና ምክንያታዊ እንደሆኑ ያረጋግጣሉ።
የአንዳንድ አገሮች ሕጎች ከላይ የተገለጹትን አንዳንድ ወይም ሁሉንም ገደቦችና ክልከላዎች አይፈቅዱም። እነዚህ ሕጎች እርስዎን የሚመለከቱ ከሆነ ከላይ ያሉት አንዳንድ ወይም ሁሉም ገደቦቹ እርስዎ ላይ ተግባራዊ ላይደረጉ ይችላሉ፣ እና ተጨማሪ መብቶች ሊኖረዎት ይችላል። በዚህ ስምምነት ውስጥ ያለ ምንም ነገር እንደ ደንበኛ በህጋዊነት ባሉዎት ወይም በውል ስምምነት ለመቀየር ወይም መተው ወይም ማስቀረት በማይችሏቸው ህጋዊ መብቶች ላይ ተጽዕኖ አያሳርፉም።
16. በእርስዎ መቋረጥ
በመለያ ቅንብሮችዎ በኩል ወይም ይህንን አገልገሎት መጠቀም በማቆም መለያዎን ማቋረጥ ይችላሉ።
17. በእኛ መቋረጥ እና መታገድ
አግባብነት ባላቸው ሕጎች የሚሆሰን ሆኖ፣ የአገልግሎቶቹ ተደራሽነቶችዎን በሙሉ ወይም በከፊል ለማንኛውም ግለሰብ ወይም ሦስተኛ ወገን ምንም ተጠያቂነት ሳይኖርብን ለጊዜው ወይም በቋሚነት ልናግድ፣ ልንሰርዝ ወይም ገደቦች ልንጥል ወይም ልንወስን እንችላለን። ይህን ከማድረጋችን በፊት እርስዎን ለማሳወቅ እንጥራለን። ይሁንና፣ አስቀድመን ማሳወቂያ ለእርስዎ ማቅረብ ግዴታ የለብንም፣ እና የሚከተሉት ጨምሮ ነገር ግን በእነሱ ብቻ ሳይወሰን በሚከተሉት ሁኔታዎች የአገልግሎቶቹ መዳረሻዎን ወዲያውኑ በከፊል ወይም በሙሉ ለተወሰነ ጊዜ ወይም በቋሚነት ልንሰርዝ፣ ልናግድ ወይም ልንገድብ እንችላለን፦
(ሀ) ይህንን ስምምነት ከጣሱ ወይም ሊጥሱ ነው ብለን የምናስብ ከሆነ፣ ይህም ተጨማሪ ስምምነቶች ፖሊሲዎች ወይም መመሪያዎች ጨምሮ ማለት ነው፤
(ለ) እርስዎ ወይም እርስዎን የሚወክል ሰው የማጭበርበር ወይም ሕገ ወጥ ድርጊት ከፈጸሙ፣ ወይም ማንኛውም የሐሰት ወይም የሚያሳስት መረጃ ያቀረባችሁልን ከሆነ፦
(ሐ) ትክክለኛ ህጋዊ በሆነ ሂደት ከሕግ አስከባሪዎች ወይም ሌላ የመንግስት ወኪሎች ለሚመጣ ጥያቄ ምላሽ ለመስጠት፤
(መ) በስርዓቶች ወይም ሃርድዌር ላይ አስቸኳይ የጥገና ስራን ለማከናወን ወይም ለማዘመን በሚያስፈልግበት ሁኔታ፤ ወይም
(ሠ) ባልተጠበቀ የቴክኒክ፣ የደህንነት፣ የንግድ ወይም የማህበራዊ ምክንያቶች የተነሳ፤
የዚህ ስምምነት ሥራ ላይ እንዳይውል መደረግ ወይም መቋረጥ ሥራ ላይ እንዳይውል ከተደረገ ወይም ከተቋረጠ በኋላ መስራታቸው እንደሚቀጥሉ ወይም እንደሚተገበሩ የተገለጹት የዚህ ስምምነት አንቀጾችን አይመለከትም፣ እንዲሁም የተጨመሩ መብቶችን ወይም ግዴታዎችን ወይም ይህን ሥራ ላይ እንዳይውል መደረግን ወይም መቋረጥን አልፈው እንደሚዘልቁ የታሰቡ ማናቸውም መብቶችን ወይም ግዴታዎችን አይነካም።
በባሕሪያቸው ከተቋረጠ በኋላ የሚቀጥሉ ወይም በግልጽ የሚተላለፉ ማንኛውም የዚህ ስምምነት ድንጋጌዎች፣ እና እንደዚህ ዓይነት ድንጋጌዎች እስከሚሟሉ ወይም በራሳቸው ባሕሪ ጊዜያቸው እስከሚያበቃ ድረስ እንደዚህ ዓይነት መቋረጥ ቢኖርም በሙሉ ኃይል እና ጉልበት ይቀጥላሉ።
18. በዚህ ስምምነት ላይ የሚደረጉ ለውጦች
አገልግሎቶቹን በየጊዜው አዲስ ሃሳብ እየጨመርንባቸው፣ እየለወጥናቸውና እያሻሻልናቸው ነው። ተግባራትን ወይም ባህሪያትን ልንጨምር ወይም ልናስወግድ፣ በአገልግሎቶቹ ላይ አዲስ ገደቦችን ልንፈጥር፣ ወይም አንድን አገልግሎት ለተወሰነ ጊዜ ወይም በቋሚነት ልናግድ ወይም ልናቆም እንችላለን። በማንኛውም ጊዜ በዚህ ስምምነት ላይ ለውጦችን ልናደርግ እና በአገልግሎቶቹ አንድ የተወሰነ ክፍል፣ የተወሰኑ ክፍሎች ወይም ሙሉው ላይ ተጨማሪ ደንቦችን፣ የስነምግባር ደንቦችን ወይም መመሪያዎን ልንለጥፍ እንችላለን።
የእኛን ተጠቃሚዎች በተጨባጭ ሊጎዱ ወይም የአገልግሎቶቹን ተደራሽነት ወይም ጠቀሜታ በተጨባጭ ሊገድቡ የሚችሉ በአገልግሎቶቹ ወይም በስምምነቱ ላይ የሚደረጉ ለውጦችን ተቀባይነት ባለው የጊዜ ርዝመት ውስጥ እናሳውቅዎታለን። በዚህ ስምምነት ላይ ስለ አሉ ማሻሻያዎች እና የእኛን ተጠቃሚዎች በጉልህ የማይጎዱ ገልግሎቶች ለውጦችን ወይም የእኛን አገልግሎቶቻችን ለመድረስ ወይም አጠቃቀሙን በጉልህ የማይገድብ ከሆነ አስቀድመን ላናሳውቅዎ እንችላለን። የደህንነት፣ የጥንቃቄ፣ የህጋዊ ወይም የደንባዊ መስፈርቶችን ለማሟላት በአገልግሎቶቹ ላይ ለሚደረጉ ለውጦች ከላይ የተገለጸውን የጊዜ ገደብ ላናሟላ እንችላለን፣ እና ስለእነዚህ ለውጦች በቻልነው ፍጥነት እናሳውቀዎታለን።
19. አጠቃላይደንቦች
አገልግሎቶቹ ወይም ሶስተኛ ወገኖቹ ወደ ሌሎች ድህረ ገጾች ወይም ንብረቶች የሚወስዱ አያያዦችን ሊያቀርቡ ይችላሉ። እንደነዚህ ያሉ ውጫዊ ድር ጣቢያዎች ወይም ግብዓቶች ስለመኖራቸው እኛ ኃላፊነት እንደማንወስድ፣ ለማንኛውም ይዘት፣ ማስታወቂያ፣ ምርቶች ወይም ሌሎች እንደነዚህ ካሉ ውጫዊ ድር ጣቢያዎች ወይም ግብዓቶች ላይ ለሚገኙ ነገሮች ድጋፍ እንደማናደርግ እና ኃላፊነት እንደማንወስድ ወይም ተጠያቂ እንደማንሆን እውቅና ይሰጣሉ እና ይስማማሉ። ከዚህ አልፈውም እንዲህ ባለ ድር ጣቢያ ወይም ግብዓት ላይ ወይም በእሱ በኩል የሚገኙ ማናቸውም ይዘት፣ ምርቶችን ወይም አገልግሎቶችን መጠቀም ጋር በተገናኘ የተከሰተ ወይም በዚህ ምክንያት ተከሰተ ለተባለ ማንኛውም ጉዳት ወይም ጥፋት፣ በቀጥታም ሆነ በተዘዋዋሪ፣ ኃላፊነት እንደማንወስድ ወይም ተጠያቂ እንደማንሆን ያረጋግጡልናል እና ይስማማሉ።
በዚህ ስምምነት ውስጥ ያለ ማንኛውም ነገር በእርስዎና በእኛ መካከል ሽርክና ወይም የወኪል ዝምድና እንደሚፈጥር መተርጎም የለበትም፣ እናም አንደኛው አካል ሌላኛውን የተጠያቂነት እዳ ወይም ኪሳራ ውስጥ መክተት ወይም አንደኛው በሌላኛው ስም የውል ስምምነት ወይም ድርድር ማድረግ አይችልም።
በዚህ ስምምነት ስር ያሉን ማናቸውም መብቶቻችን እና/ወይም ግዴታዎች ልንመድብ፣ ለሌላ በውል ልንሰጥ ወይም ልንተካ እንችላለን፣ እና ለእንዲህ ዓይነቱ ዓላማ የሚያስፈልጉትን ማናቸውም እና ሁሉም አስፈላጊ ሰነዶች ወዲያውኑ ለማስፈጸም ተስማምተዋል።
የዚህ ስምምነት ማንኛውም ድንጋጌ (የድንጋጌዎቹ ክፍል) ብቁ በሆነ ፍርድ ቤት ወይም ማንኛውም ተወዳዳሪ ባለስልጣን በኩል ተቀባይነት እንደሌላቸው፣ ሕጋዊ እንዳልሆኑ፣ ወይም የማይተገበሩ ከሆኑ፣ ከዚህ ስምምነት ላይ እንደሚሰረዙ ይቆጠራል እና የተቀሩት ሁሉም የዚህ ስምምነት ድንጋጌዎች ሙሉ ለሙሉ ይተገበራሉ እና የተሻረው፣ ህገ ወጥ የተባለው ወይም የማይተገበረው ድንጋጌ ውጪ የቀሩት ድንጋጌዎች በራሳቸው የሚቆሙ እስከሆነ ድረስ በተግባር ላይ ይውላሉ።
ይህ ስምምነት አገልግሎቶቹን በተመለከተ በእርስዎ እና በእኛ መካከል የተደረገ አጠቃላይ መግባባትን የያዘ ነው እና በዚህ ስምምነት ውስጥ የሌለ ከማንኛውም ውክልና፣ ዋስትና ወይም ኃላፊነት መውሰድ ጋር በመንተራስ ወይም በመገፋፋት ወደዚህ ስምምነት እንዳልገቡ ያሳወቃሉ እንዲሁም ይስማማሉ።
20. ገዢ ሕጎችና የሕግ ክልል
የዚህ ስምምነት ምስረታ፣ አተረጓጎምና አፈጻጸም እና ከእሱ ጋር በተያያዘ የሚነሳ ማንኛውም ክርክር ወይም የይገባኛል ጥያቄ (ከውል ውጭ የሆኑ ክርክሮችን ወይም ጥያቄዎችን ጨምሮ) የሚተዳደሩትና የሚተረጎሙት በሆንግ ኮንግ ሕጎች መሠረት ነው። በሚመለከታቸው ሕጎች የተለየ ትዕዛዝ ካልተሰጠ በስተቀር እርስዎ እና እኛ የሆንግ ኮንግ ፍርድ ቤቶች ከዚህ ስምምነት ጋር በተያያዘ ሊነሱ የሚችሉ ማናቸውም ግጭቶች፣ የይገባኛል ጥያቄዎች፣ እርምጃዎች ወይም ሂደቶች የመዳኘት ብቸኛ ስልጣን እንዳላቸው ተስማምተናል። ይሁንና፣ ይህ ችሎቶችን ከሆንግ ኮንግ ውጪ ከማስቻል አያግደንም።
21. እኛን ለማግኘት
ይህን ስምምነት በተመለከተ ማንኛውም ዓይነት ጥያቄዎች ካለዎት እባክዎ የሚከተለውን መረጃ በመጠቀም እኛን ያግኙን፦
ኢሜይል፦ developer@huawei.com
መጨረሻ የተዘመነው፦ ኦገስት 2019