កិច្ចព្រមព្រៀងអ្នកប្រើ AppGallery
1. អំពីយើង
កម្មវិធី AppGallery សម្រាប់ឧបករណ៍ចល័ត ក៏ដូចជាបច្ចេកវិទ្យា និងមុខងារពាក់ព័ន្ធ (រួមគ្នាហៅកាត់ថា “សេវាកម្ម”) ត្រូវបានធ្វើប្រតិបត្តិការដោយ Huawei Services (Hong Kong) Co., Limited (ចាប់ពីពេលនេះតទៅហៅកាត់ថា “Huawei”, “យើង” ឬ “របស់យើង”) ជាក្រុមហ៊ុនមួយដែលបានចុះឈ្មោះក្នុងបញ្ជីពាណិជ្ជកម្មក្រោមច្បាប់ហុងកុង ដែលមានការិយាល័យចុះបញ្ជីរបស់ខ្លួននៅRoom 03, 9/F, Tower 6, the Gateway, No. 9 Canton Road, Tsim Sha Tsui, Kowloon, Hong Kong និងមានលេខក្រុមហ៊ុន 1451551។ ក្នុងកិច្ចព្រមព្រៀងនេះ (ដូចបានកំណត់ខាងក្រោម) “អ្នក” និង “អ្នកប្រើ” សំដៅលើបុគ្គលទាំងឡាយដែលប្រើ និង/ឬចូលប្រើសេវាកម្មទាំងនេះ។
2. គោលបំណងនៃកិច្ចព្រមព្រៀងនេះ
កិច្ចព្រមព្រៀងអ្នកប្រើនេះ សេចក្ដីថ្លែងការណ៍អំពីឯកជនភាព និងគោលការណ៍ផ្សេងទៀតរបស់យើងដែលមានផ្ដល់ជូនតាមរយៈ ឬពាក់ព័ន្ធនឹងសេវាកម្មទាំងនេះ (រួមគ្នាហៅកាត់ថា “កិច្ចព្រមព្រៀង” នេះ) គឺជាលក្ខខណ្ឌដែលអនុវត្តចំពោះអ្នក សម្រាប់ការប្រើប្រាស់ និងការចូលប្រើសេវាកម្មទាំងនេះរបស់អ្នក។
អ្នកអាចមើលសេចក្ដីថ្លែងការណ៍អំពីឯកជនភាពរបស់យើងបានដោយចូលទៅកាន់ ខ្ញុំ > អំពី ក្នុង AppGallery។
កិច្ចព្រមព្រៀងនេះប្រាប់អ្នកអំពីថាតើយើងជានរណា របៀបដែលយើងផ្ដល់សេវាកម្មទាំងនេះដល់អ្នក សកម្មភាពអ្វីខ្លះដែលត្រូវបានអនុញ្ញាត ឬមិនត្រូវបានអនុញ្ញាតនៅលើ ឬទាក់ទងនឹងសេវាកម្មទាំងនេះ អ្វីដែលត្រូវធ្វើ ប្រសិនបើមានបញ្ហាសេវាកម្ម និងព័ត៌មានសំខាន់ៗផ្សេងទៀត។ តាមរយៈការចូលប្រើ ឬការប្រើសេវាកម្មទាំងនេះ អ្នកកំពុងធ្វើកិច្ចព្រមព្រៀងដែលភ្ជាប់កាតព្វកិច្ចច្បាប់ជាមួយយើង និងកំពុងយល់ព្រមតាមកិច្ចព្រមព្រៀងនេះ។ ប្រសិនបើអ្នកមិនទទួលយក និងយល់ព្រមតាមកិច្ចព្រមព្រៀងនេះទេ អ្នកមិនត្រូវចូលប្រើ ឬប្រើសេវាកម្មទាំងនេះឡើយ។
3. សិទ្ធិចូលរួម
អ្នកត្រូវមានអាយុលើសពីអាយុអនីតិជនសម្រាប់ដែនយុត្តាធិការច្បាប់ដែលអ្នករស់នៅ ដើម្បីចុះកិច្ចសន្យានេះ (ចាប់ពីពេលនេះតទៅហៅកាត់ថា “អាយុចុះកិច្ចសន្យា”)។ បុគ្គលដែលមិនទាន់ឈានដល់អាយុចុះកិច្ចសន្យា ត្រូវបានអនុញ្ញាតឱ្យប្រើសេវាកម្ម Huawei លុះត្រាតែឪពុកម្ដាយ ឬអាណាព្យាបាលស្របច្បាប់របស់ពួកគេបង្កើតគណនីកុមារឱ្យពួកគេ និងទទួលយកលិខិតផ្ដល់ការយល់ព្រមសម្រាប់គណនី HUAWEI ID តែប៉ុណ្ណោះ។
ប្រសិនបើអ្នកមានអាយុលើសពីអាយុចុះកិច្ចសន្យា ឬប្រសិនបើអ្នកជាឪពុកម្ដាយ ឬអាណាព្យាបាលស្របច្បាប់របស់កុមារដែលអ្នកកំពុងបង្កើតគណនីកុមារឱ្យ អ្នកយល់ព្រមថា អ្នកនឹង៖
(a) ធានាអនុវត្តកាតព្វកិច្ចទាំងអស់ក្នុងកិច្ចព្រមព្រៀងនេះដោយគ្មានលក្ខខណ្ឌ និងមិនអាចកែប្រែបាន
(b) បង់ប្រាក់ទាំងអស់ដែលត្រូវសងទៅ Huawei នៅក្រោម ឬទាក់ទងនឹងកិច្ចព្រមព្រៀងនេះ និង
(c) ជាកាតព្វកិច្ចដោយឡែក និងចម្បងមួយ អ្នកក៏យល់ព្រមថា អ្នកនឹងផ្ដល់សំណងដល់ Huawei ដោយឥតលក្ខខណ្ឌ និងមិនអាចកែប្រែបានសម្រាប់ការខាតបង់ បន្ទុក ចំណាយ ការខូចខាត ការទាមទារ ឬការទទួលខុសត្រូវទាំងឡាយមកលើ Huawei ដែលកើតឡើងដោយសារការមិនអនុលោមតាមកាតព្វកិច្ចរបស់អ្នកក្រោមលក្ខខណ្ឌទាំងឡាយ ឬទាំងអស់ ឬការមិនយល់ព្រមចំពោះលក្ខខណ្ឌទាំងនេះ។
អ្នកយល់ព្រមបន្ថែមទៀតថា កាតព្វកិច្ចរបស់អ្នកជាអ្នកធានា និងជាអ្នកផ្ដល់សំណង គឺជាកាតព្វកិច្ចរបស់អ្នកជាប់កាតព្វកិច្ចចម្បង ហើយថា កាតព្វកិច្ចទាំងនេះនៅតែមាន ដោយមិនគិតពីភាពគ្មានសុពលភាព ឬការមិនអាចអនុវត្តបានទាំងស្រុង ឬផ្នែកណាមួយនៃកិច្ចព្រមព្រៀងនេះឡើយ។
អ្នកយល់ព្រមបន្ថែមទៀតថា ការទទួលខុសត្រូវរបស់អ្នកជាអ្នកធានា និងអ្នកផ្ដល់សំណងមិនត្រូវរងការប៉ះពាល់ និង/ឬអនុវត្តដោយសារកត្តាណាមួយខាងក្រោមឡើយ៖ (a) ការបញ្ចប់ ការប្រែប្រួល ការចាត់តាំង នវកម្ម ឬការធ្វើកិច្ចសន្យាបន្តដោយយើងចំពោះសិទ្ធិ និង/ឬកាតព្វកិច្ចរបស់យើងទាំងអស់ ឬណាមួយនៅក្រោមកិច្ចព្រមព្រៀងនេះ (b) ការបោះបង់ ឬការផ្ដល់ពេលវេលាដោយ Huawei ក្រោមកិច្ចព្រមព្រៀងនេះ (c) ការទាមទារ ឬការអនុវត្តការទូទាត់ដោយ Huawei (d) ការដោះស្រាយជាមួយភាគីទីបីណាមួយ (e) ការធ្វើ ឬការលុបដែលអាចធ្វើប្រតិបត្តិការផ្សេងពីនេះ ដើម្បីប៉ះពាល់ និង/ឬអនុវត្តកាតព្វកិច្ច (មិនថាទាំងមូល ឬដោយផ្នែក) ក្រោមកិច្ចព្រមព្រៀងនេះ (f) ភាពអសមត្ថភាពរបស់អ្នកក្នុងការសងបំណុលរបស់អ្នកឱ្យបានទាន់ពេលវេលា (g) ភាពជាតំណាងទាំងឡាយដែលធ្វើឡើងមកលើអ្នកដោយ Huawei ពាក់ព័ន្ធនឹងការអនុវត្តកាតព្វកិច្ចរបស់អ្នកក្រោមកិច្ចព្រមព្រៀងនេះមិនថាទាំងមូល ឬដោយផ្នែក ឬភាពជាតំណាងទាំងឡាយដែលធ្វើឡើងមកលើអ្នកពាក់ព័ន្ធនឹងការសម្រុះសម្រួលទាក់ទងនឹងការទទួលខុសត្រូវរបស់អ្នក មិនថាទាំងមូល ឬដោយផ្នែក និង (h) មរណភាពរបស់អ្នក។
4. ការចូលប្រើសេវាកម្ម
យើងផ្តល់ឱ្យអ្នកនូវអាជ្ញាប័ណ្ណដែលមានកំណត់ មិនផ្តាច់មុខ មិនអាចផ្ទេរបាន មិនអាចផ្ដល់អាជ្ញាប័ណ្ណបន្តបាន និងអាចដកហូតបាន ដើម្បីចូលប្រើ និងប្រើសេវាកម្មទាំងនេះ ដោយស្ថិតនៅក្រោម និងស្របតាមកិច្ចព្រមព្រៀងនេះ។
ដើម្បីចូលប្រើ ឬប្រើប្រាស់សេវាកម្មទាំងនេះ អ្នកត្រូវមាន HUAWEI ID។ សម្រាប់ព័ត៌មានលម្អិតបន្ថែមអំពី HUAWEI ID របស់អ្នក សូមបើក HUAWEI ID រួចចូលទៅកាន់ ការកំណត់ > អំពី > កិច្ចព្រមព្រៀងអ្នកប្រើ HUAWEI ID។
5. សេវាកម្ម
សេវាកម្មទាំងនេះអនុញ្ញាតឱ្យអ្នកប្រើធ្វើការប្រើ AppGallery ដើម្បីទិញ និង/ឬទាញយកកម្មវិធីដែលបង្កើតឡើងដោយ Huawei ឬអ្នកអភិវឌ្ឍន៍ជាភាគីទីបី (“អ្នកអភិវឌ្ឍន៍”)។
Huawei អាចអនុញ្ញាតឱ្យអ្នកទាញយកកម្មវិធីនានាដោយឥតគិតថ្លៃ ឬអាចគិតថ្លៃសម្រាប់កម្មវិធីនោះ ហើយតម្លៃសម្រាប់កម្មវិធីទាំងឡាយ ត្រូវបានបញ្ជាក់នៅក្បែរកម្មវិធីនោះនៅក្នុង AppGallery។
នៅពេលអ្នកទិញ និង/ឬទាញយកកម្មវិធីមួយចេញពី AppGallery អ្នកនឹងទទួលបានវា (អាជ្ញាប័ណ្ណ)
(a) ដោយផ្ទាល់ពី Huawei សម្រាប់កម្មវិធីដែលបង្កើតឡើងដោយ Huawei តែប៉ុណ្ណោះ ឬ
(b) ពីអ្នកអភិវឌ្ឍន៍។
អ្នកទទួលស្គាល់ថា អ្នកនឹងត្រូវចុះកិច្ចព្រមព្រៀងដាច់ដោយឡែកមួយ (ដូចជាកិច្ចព្រមព្រៀងអាជ្ញាប័ណ្ណអ្នកប្រើចុងក្រោយ "EULA" ឬ កិច្ចព្រមព្រៀងផ្សេងទៀត) ជាមួយ Huawei និង/ឬអ្នកអភិវឌ្ឍន៍ ដើម្បីទាញយក និងប្រើប្រាស់កម្មវិធីរបស់យើង/ពួកគេ ដែលអាចរកបាននៅលើ AppGallery។ កម្មវិធីទាំងអស់ត្រូវបានផ្ដល់អាជ្ញាប័ណ្ណដល់អ្នកប្រើ តែមិនមែនលក់ទេ។
6. សេវាកម្មរបស់ភាគីទីបី
តាមរយៈការប្រើកម្មវិធី និងសេវាកម្មរបស់ភាគីទីបីតាមសេវាកម្មទាំងនេះ អ្នកទទួលស្គាល់ថា អ្នកនឹងចុះកិច្ចព្រមព្រៀងជាមួយអ្នកអភិវឌ្ឍន៍ជាភាគីទីបី (ចាប់ពីពេលនេះតទៅហៅកាត់ថា “អ្នកអភិវឌ្ឍន៍”) សម្រាប់ការផ្ដល់កម្មវិធី ហើយថា អ្នកនឹងអនុលោមតាមកិច្ចព្រមព្រៀងសេវាកម្ម និង/ឬកិច្ចព្រមព្រៀងអាជ្ញាប័ណ្ណអ្នកប្រើចុងក្រោយ (”EULA”) ដែលចែងដោយអ្នកអភិវឌ្ឍន៍។ Huawei មិនមែនជាភាគីនៃ EULA រវាងអ្នក និងអ្នកអភិវឌ្ឍន៍ឡើយ។ យើងសូមណែនាំយ៉ាងខ្លាំងឱ្យអ្នកអានខ្លឹមសារនៃកិច្ចព្រមព្រៀងអ្នកអភិវឌ្ឍន៍, EULA និងគោលការណ៍ឯកជនភាពដោយប្រុងប្រយ័ត្ន។ Huawei មិនមានសិទ្ធិ ឬកាតព្វកិច្ចក្នុងការគ្រប់គ្រង ឬទប់ស្កាត់ខ្លឹមសារនៃកម្មវិធី និងសេវាកម្មរបស់អ្នកអភិវឌ្ឍន៍ឡើយ ដូច្នេះនឹងមិនទទួលខុសត្រូវក្នុងករណីដែលសិទ្ធិរបស់អ្នកត្រូវបានបំពាន ដោយសារតែការប្រើប្រាស់កម្មវិធី ឬសេវាកម្មទាំងនោះឡើយ។
Huawei មិនទទួលខុសត្រូវចំពោះខ្លឹមសារ ឬលទ្ធភាពផ្ដល់ជូនកម្មវិធី ឬសេវាកម្មទាំងឡាយរបស់អ្នកអភិវឌ្ឍន៍ឡើយ ហើយមិនបង្ហាញការគាំទ្រ និងទទួលខុសត្រូវលើខ្លឹមសារ ការផ្សាយពាណិជ្ជកម្ម ផលិតផល សេវាកម្ម ឬសម្ភារផ្សេងៗដែលផ្ដល់ជូនដោយអ្នកអភិវឌ្ឍន៍តាមវិធីណាមួយឡើយ។ ក្នុងករណីអ្នកមិនអនុវត្តតាមកិច្ចព្រមព្រៀងនេះ ឬ EULAs, កិច្ចព្រមព្រៀងនានា និង/ឬគោលការណ៍ឯកជនភាពរបស់អ្នកអភិវឌ្ឍន៍ទេ អ្នកអភិវឌ្ឍន៍អាចនឹងចាត់វិធានការមកលើអ្នក ហើយ Huawei អាចនឹងត្រូវបានតម្រូវឱ្យជួយអ្នកអភិវឌ្ឍន៍ និង/ឬអាជ្ញាធរដ្ឋាភិបាលពាក់ព័ន្ធ។ អ្នកនឹងទទួលខុសត្រូវផ្លូវច្បាប់ទាំងស្រុងក្នុងករណីបែបនេះ ហើយត្រូវផ្ដល់សំណង និងមិនធ្វើឱ្យប៉ះពាល់ដល់ Huawei ពាក់ព័ន្ធនឹងការខាតបង់ ការខូចខាត ឬការទាមទារមកលើយើងឡើយ។
វិវាទទាំងឡាយដែលបណ្ដាលមកពីការទាញយក ការផ្ដល់អាជ្ញាប័ណ្ណ និង/ឬការប្រើកម្មវិធីរបស់អ្នកអភិវឌ្ឍន៍ នឹងត្រូវបានដោះស្រាយដោយអ្នកអភិវឌ្ឍន៍។ Huawei មិនធ្វើការទទួលខុសត្រូវលើបញ្ហានេះឡើយ។ Huawei មិនផ្ដល់ការគាំទ្រអតិថិជនណាមួយសម្រាប់សូហ្វវែរ ឬបច្ចេកវិទ្យារបស់ភាគីទីបីឡើយ។ ប្រសិនបើអ្នកត្រូវការការគាំទ្រ សូមទាក់ទងអ្នកអភិវឌ្ឍន៍។
អ្នកអភិវឌ្ឍន៍នីមួយៗទទួលខុសត្រូវទាំងស្រុងលើកម្មវិធី ខ្លឹមសារកម្មវិធី និងរាល់ការធានាទាំងឡាយរបស់ខ្លួន។ ក្នុងករណីមានវិវាទកើតឡើង ការធានារបស់អ្នកអភិវឌ្ឍន៍ ឬកិច្ចព្រមព្រៀងដែលចូលជាធរមានផ្សេងៗទាំងឡាយនៃ EULA ឬកិច្ចព្រមព្រៀងផ្សេងៗរវាងអ្នក និងអ្នកអភិវឌ្ឍន៍ទាក់ទងនឹងកម្មវិធីដែលមានវិវាទនោះ ត្រូវមានប្រៀបលើកិច្ចព្រមព្រៀងនេះ។
7. កិច្ចព្រមព្រៀងអំពីការទិញ
ផ្នែកនេះ (កិច្ចព្រមព្រៀងអំពីការទិញ) មិនអនុវត្តចំពោះកម្មវិធីដែលឥតគិតថ្លៃនោះទេ។
តម្លៃសរុបសម្រាប់ការទិញទាំងឡាយដែលធ្វើឡើងសម្រាប់សេវាកម្មទាំងនេះ រួមមាន៖
(a) តម្លៃកម្មវិធី លក្ខណៈពិសេស ឬការអាប់គ្រេត
(b) ថ្លៃកាតឥណទានដែលពាក់ព័ន្ធទាំងឡាយ និង
(c) ការលក់ ការប្រើ ទំនិញ និងសេវាកម្មទាំងឡាយ (“GST”) អាករតម្លៃបន្ថែម (“VAT”) ឬពន្ធស្រដៀងនេះផ្សេងទៀត នៅក្រោមច្បាប់ជាធរមាន និងផ្អែកលើអត្រាពន្ធជាធរមាន នៅពេលអ្នកធ្វើការទិញ។ តម្លៃទាំងអស់ដែលបង្ហាញនៅក្នុងសេវាកម្មទាំងនេះគឺជាតម្លៃដែលរាប់បញ្ចូល VAT លើកលែងតែមានការចែងច្បាស់លាស់ (និងត្រូវបានអនុញ្ញាតដោយច្បាប់ក្នុងស្រុក) ថា មិនរាប់បញ្ចូល VAT។
អ្នកទទួលស្គាល់ និងទទួលយកថា Huawei និង/ឬ អ្នកអភិវឌ្ឍន៍រក្សាសិទ្ធិកែប្រែតម្លៃកម្មវិធី ឬការទិញក្នុងកម្មវិធីទាំងឡាយ ហើយនឹងជូនដំណឹងដល់អ្នកអំពីការកែប្រែតម្លៃទាំងនេះនៅពេលវេលាសមស្របណាមួយជាមុនចំពោះការទិញកម្មវិធីណាមួយ។ នៅពេលការកែប្រែតម្លៃចាប់ផ្ដើមមានប្រសិទ្ធភាព អ្នកត្រូវទទួលយកតម្លៃថ្មីនេះដើម្បីបន្ដប្រើកម្មវិធី។ អ្នកមានសិទ្ធិឈប់ប្រើសេវាកម្មពាក់ព័ន្ធ ប្រសិនបើអ្នកមិនទទួលយកតម្លៃថ្មី បន្ទាប់ពីការកែប្រែទេ។
សិទ្ធិបោះបង់៖
ប្រសិនបើអ្នករស់នៅប្រទេសជប៉ុន អ្នកអាចជ្រើសរើសបោះបង់ការទិញរបស់អ្នកបានមិនបាច់ផ្ដល់ហេតុផលអ្វីឡើយក្នុងរយៈពេលដប់បួន (14) ថ្ងៃបន្ទាប់ពីថ្ងៃដែលអ្នកទទួលបានការបញ្ជាក់ថា យើងទទួលយកការបញ្ជាទិញរបស់អ្នក។
ដើម្បីបំពេញតាមកាលបរិច្ឆេទកំណត់នៃការបោះបង់ អ្នកត្រូវតែប្រាប់អំពីការបោះបង់របស់អ្នក មុននឹងរយៈពេល 14 ថ្ងៃបានផុតកំណត់។ ប្រសិនបើអ្នកចង់បោះបង់ការទិញរបស់អ្នក សូមទាក់ទងផ្នែកសេវាអតិថិជនរបស់ Huawei ដោយប្រើព័ត៌មានទំនាក់ទំនងដែលបានផ្ដល់ក្នុងអ៊ីមែលបញ្ជាក់របស់អ្នក។ អ្នកក៏មានសិទិ្ធស្នើសុំបោះបង់ដោយបំពេញទម្រង់បែបបទស្នើសុំបោះបង់នៅលើគេហទំព័ររបស់យើង។
បន្ទាប់ពីការបោះបង់ទទួលបានជោគជ័យ យើងនឹងបញ្ចប់សេវាកម្មនៃកម្មវិធីដែលអ្នកបានទិញ និងទូទាត់សំណងដល់អ្នកក្នុងពេលដប់បួន (14) ថ្ងៃចាប់ពីកាលបរិច្ឆេទនៃការទទួលបានសេចក្តីជូនដំណឹងអំពីការបោះបង់របស់អ្នក។ ក្នុងអំឡុងរយៈពេលនេះ អ្នកប្រហែលជាមិនអាចប្រើប្រាស់កម្មវិធីបានទេ។ សម្រាប់ការទូទាត់សំណង យើងនឹងប្រើវិធីទូទាត់ដូចគ្នានឹងវិធីដែលអ្នកបានប្រើដើម្បីធ្វើការបញ្ជាទិញដំបូង លុះត្រាតែអ្នក និងយើងយល់ព្រមផ្សេងពីនេះ។ ពីពេលមួយទៅពេលមួយ Huawei អាចនឹងបដិសេធសំណើសុំបង្វិលសង ប្រសិនបើ Huawei រកឃើញភស្ដុតាងនៃការគៃបន្លំ ការបំពានលើការបង្វិលសង ឬអាកប្បកិរិយាបំភាន់ផ្សេងទៀត ដែលធ្វើឱ្យ Huawei មានសិទ្ធិប្រឆាំងនឹងការទាមទារដែលពាក់ព័ន្ធ។
ប្រសិនបើអ្នករស់នៅសហព័ន្ធរុស្ស៊ី អ្នកអាចជ្រើសរើសបោះបង់ការទិញរបស់អ្នកបានមិនបាច់ផ្ដល់ហេតុផលអ្វីឡើយក្នុងរយៈពេលប្រាំពីរ (7) ថ្ងៃបន្ទាប់ពីថ្ងៃដែលអ្នកទទួលបានការបញ្ជាក់ថា យើងទទួលយកការបញ្ជាទិញរបស់អ្នក។
ដើម្បីបំពេញតាមកាលបរិច្ឆេទកំណត់នៃការបោះបង់ អ្នកត្រូវតែប្រាប់អំពីការបោះបង់របស់អ្នក មុននឹងរយៈពេល 7 ថ្ងៃបានផុតកំណត់។ ប្រសិនបើអ្នកចង់បោះបង់ការទិញរបស់អ្នក សូមទាក់ទងផ្នែកសេវាអតិថិជនរបស់ Huawei ដោយប្រើព័ត៌មានទំនាក់ទំនងដែលបានផ្ដល់ក្នុងអ៊ីមែលបញ្ជាក់របស់អ្នក។ អ្នកក៏មានសិទិ្ធស្នើសុំបោះបង់ដោយបំពេញទម្រង់បែបបទស្នើសុំបោះបង់នៅលើគេហទំព័ររបស់យើង។
បន្ទាប់ពីការបោះបង់ទទួលបានជោគជ័យ យើងនឹងបញ្ចប់សេវាកម្មនៃកម្មវិធីដែលអ្នកបានទិញ និងទូទាត់សំណងដល់អ្នកក្នុងពេលដប់ (10) ថ្ងៃចាប់ពីកាលបរិច្ឆេទនៃការទទួលបានសេចក្តីជូនដំណឹងអំពីការបោះបង់របស់អ្នក។ ក្នុងអំឡុងរយៈពេលនេះ អ្នកប្រហែលជាមិនអាចប្រើប្រាស់កម្មវិធីបានទេ។ សម្រាប់ការទូទាត់សំណង យើងនឹងប្រើវិធីទូទាត់ដូចគ្នានឹងវិធីដែលអ្នកបានប្រើដើម្បីធ្វើការបញ្ជាទិញដំបូង លុះត្រាតែអ្នក និងយើងយល់ព្រមផ្សេងពីនេះ។ ពីពេលមួយទៅពេលមួយ Huawei អាចនឹងបដិសេធសំណើសុំបង្វិលសង ប្រសិនបើ Huawei រកឃើញភស្ដុតាងនៃការគៃបន្លំ ការបំពានលើការបង្វិលសង ឬអាកប្បកិរិយាបំភាន់ផ្សេងទៀត ដែលធ្វើឱ្យ Huawei មានសិទ្ធិប្រឆាំងនឹងការទាមទារដែលពាក់ព័ន្ធ។
អ្នកអាចរកមើលគោលការណ៍អំពីការបង្វិលសងបានដោយចូលទៅ ខ្ញុំ > ជំនួយ > សំណួរដែលសួរជាញឹកញាប់ AppGallery។
8. សន្តិសុខគណនី
អ្នកត្រូវតែរក្សាឈ្មោះអ្នកប្រើ និងពាក្យសម្ងាត់ HUAWEI ID របស់អ្នកឱ្យកំបាំងនិងសម្ងាត់ ហើយអ្នកមិនត្រូវចែករំលែកព័ត៌មានទាំងនេះជាមួយអ្នកដទៃឡើយ។ យើងសូមណែនាំឱ្យអ្នកជ្រើសរើសពាក្យសម្ងាត់ខ្លាំងមួយ ហើយរក្សាវាទុកនៅកន្លែងសុវត្ថិភាព។ អ្នកទទួលខុសត្រូវចំពោះការរក្សាពាក្យសម្ងាត់របស់អ្នកឱ្យមានសុវត្ថិភាព ហើយអ្នកយល់ព្រមថា យើងនឹងមិនទទួលខុសត្រូវចំពោះការខាតបង់ ការខូចខាត ការទទួលបន្ទុក ឬការទាមទារណាមួយ ដែលកើតឡើងដោយសារអ្នកផ្ដល់ព័ត៌មានលម្អិត HUAWEI ID របស់អ្នកទៅឱ្យភាគីទីបីឡើយ។
ប្រសិនបើអ្នកគិតថា នរណាម្នាក់ផ្សេងទៀតអាចកំពុងប្រើព័ត៌មាន HUAWEI ID របស់អ្នក អ្នកត្រូវឱ្យយើងដឹងភ្លាម ដោយប្រើព័ត៌មានទំនាក់ទំនងខាងក្រោមក្នុងកិច្ចព្រមព្រៀងនេះ។ អ្នកមិនត្រូវប្រើប្រាស់ HUAWEI ID របស់អ្នកផ្សេងដើម្បីចូលប្រើសេវាកម្មទាំងនេះឡើយ។ អ្នកត្រូវចាត់វិធានការសមស្រប ដើម្បីការពារព័ត៌មានគណនី HUAWEI ID និងព័ត៌មានប្រតិបត្តិការរបស់អ្នក ដើម្បីទប់ស្កាត់ការប្រើប្រាស់ដោយគ្មានការអនុញ្ញាតដោយភាគីទីបី។
9. លក្ខខណ្ឌប្រើប្រាស់
តាមរយៈការចូលប្រើ ឬការប្រើសេវាកម្មទាំងនេះ អ្នកសន្យា និងយល់ព្រមធ្វើបែបនេះដោយស្របតាមច្បាប់ និងក្រមសីលធម៌ ព្រមទាំងយោងតាមកិច្ចព្រមព្រៀងនេះ។
អ្នកទទួលស្គាល់ និងយល់ព្រមថា អ្នកមិនប្រើសេវាកម្មទាំងនេះ ដើម្បីបញ្ជូនខ្លឹមសារ ឬចូលរួមក្នុងសកម្មភាពណាមួយ ដែលមានភាពមិនស្មោះត្រង់ បង្ខូចកេរ្តិ៍ឈ្មោះ កំហុសប្បវេណី ព្យាបាទ អាសអាភាស ប្រព្រឹត្តល្មើស ប្រមាថមើលងាយ គំរាមសម្លុត បៀតបៀន បង្ករឿងអាស្រូវ ស្អប់ខ្ពើម អុជអាល គំរាមកំហែង ខុសច្បាប់ គ្មានការគោរព អាសគ្រាម បំពានលើឯកជនភាព ឬមិនសមរម្យទាក់ទងនឹងការប្រើប្រាស់សេវាកម្មទាំងនេះរបស់អ្នករួមមានជាអាទិ អ្វីៗទាំងឡាយដែលជួយដល់សកម្មភាពខុសច្បាប់ បង្ហាញពីរូបភាពផ្លូវភេទច្បាស់ ផ្សព្វផ្សាយអំពើហិង្សា រើសអើង ខុសច្បាប់ ឬដែលអាចបង្ក ឬបង្កឱ្យមានការខូចខាត ឬរបួសដល់បុគ្គលណាម្នាក់ ឬទ្រព្យសម្បត្តិណាមួយ អាចធ្វើឱ្យមានការទទួលខុសត្រូវរដ្ឋប្បវេណី ឬព្រហ្មទណ្ឌណាមួយនៅក្រោមច្បាប់ជាធរមានរួមមានជាអាទិ ខ្លឹមសារដែលអ្នកមិនមានសិទ្ធិប្រកាស ឬបញ្ជូន ឬប្រសិនបើការប្រកាស ឬការបញ្ជូនបែបនេះរំលោភបំពានភារកិច្ចនៃការរក្សាការសម្ងាត់ និង/ឬកម្មសិទ្ធិបញ្ញារបស់ភាគីទីបី។
លើកលែងតែមានចែងច្បាស់លាស់ក្នុងកិច្ចព្រមព្រៀងនេះ ឬត្រូវបានអនុញ្ញាតដោយច្បាប់ជាធរមាន អ្នកយល់ព្រម និងសន្យាថា៖
(a) មិនយកចេញនូវការរក្សាសិទ្ធិ ពាណិជ្ជសញ្ញា ឬសេចក្ដីជូនដំណឹងជាទ្រព្យកម្មសិទ្ធិឯកជនផ្សេងទៀតទាំងឡាយពីផ្នែកណាមួយនៃសេវាកម្មទាំងនេះឡើយ
(b) មិនផលិតឡើងវិញ ធ្វើការកែប្រែ ឬការសម្រួលផ្នែកទាំងមូល ឬផ្នែកណាមួយនៃសេវាកម្មទាំងនេះ ឬអនុញ្ញាតឱ្យសេវាកម្មទាំងនេះ ឬផ្នែកណាមួយនៃសេវាកម្មទាំងនេះឱ្យភ្ជាប់ជាមួយ ឬរួមបញ្ចូលជាមួយកម្មវិធី ឬសូហ្វវែរផ្សេងណាមួយឡើយ
(c) មិនទទួល ឬប៉ុនប៉ងទទួលការចូលប្រើដោយគ្មានការអនុញ្ញាតទៅកាន់ ឬរារាំងដល់ផ្នែកណាមួយនៃសេវាកម្មទាំងនេះ ឬប្រព័ន្ធ ឬបណ្ដាញពាក់ព័ន្ធរបស់សេវាកម្មទាំងនេះឡើយ
(d) មិនរុះរើ បំប្លែង បញ្ច្រាសវិស្វកម្ម ឬបង្កើតស្នាដៃចម្លង ដោយផ្អែកលើផ្នែកណាមួយ ឬផ្នែកទាំងអស់នៃសេវាកម្មទាំងនេះ ឬប៉ុនប៉ងធ្វើបែបនេះហួសពីការអនុញ្ញាតដោយច្បាប់ជាធរមាន
(e) មិនចែកចាយ ផ្ដល់អាជ្ញាប័ណ្ណ ធ្វើភតិសន្យា លក់ លក់បន្ត ផ្ទេរ បង្ហាញជាសាធារណៈ ធ្វើជាសាធារណៈ បញ្ជូន ស្ទ្រីម ផ្សាយ ឬកេងប្រវ័ញ្ចសេវាកម្មទាំងនេះ
(f) មិនផ្ដល់ ឬធ្វើឱ្យសេវាកម្មទាំងនេះមានទាំងអស់ ឬដោយផ្នែក (រួមមានកូដវត្ថុ និងកូដប្រភព) ក្នុងទម្រង់ណាមួយដល់បុគ្គលណាម្នាក់ដោយគ្មានការយល់ព្រមជាលាយលក្ខណ៍អក្សរជាមុនពីយើងឡើយ
(g) មិនបន្លំខ្លួនធ្វើជានរណាម្នាក់ ឬថ្លែងមិនពិត ឬភូតកុហកអំពីសម្ព័ន្ធភាពរបស់អ្នកជាមួយនឹងបុគ្គល ឬស្ថាប័នមួយឡើយ
(h) មិនប្រើសេវាកម្មទាំងនេះ (ឬផ្នែកណាមួយនៃសេវាកម្មទាំងនេះ) ក្នុងលក្ខណៈខុសច្បាប់ ក្នុងគោលបំណងណាមួយដែលខុសច្បាប់ ឬក្នុងលក្ខណៈមួយដែលមិនស្របតាមកិច្ចព្រមព្រៀងនេះ ឬធ្វើសកម្មភាពបោកប្រាស់ ឬព្យាបាទ រួមមានជាអាទិការលួចចូល ឬការបញ្ចូលកូដគ្រោះថ្នាក់រួមមានមេរោគ ឬទិន្នន័យគ្រោះថ្នាក់នានា ទៅក្នុងសេវាកម្មទាំងនេះ (ឬទៅក្នុងគេហទំព័រដែលភ្ជាប់ជាមួយនឹងសេវាកម្មទាំងនេះ) ឬប្រព័ន្ធប្រតិបត្តិការណាមួយឡើយ
(i) មិនបំពានកម្មសិទ្ធិបញ្ញារបស់យើង ឬកម្មសិទ្ធិបញ្ញារបស់ភាគីទីបីណាមួយ ទាក់ទងនឹងការចូលប្រើ និង/ឬការប្រើសេវាកម្មទាំងនេះរបស់អ្នកឡើយ
(j) មិនប្រមូលព័ត៌មានរបស់អ្នកប្រើសេវាកម្ម ឬចូលប្រើសេវាកម្មទាំងនេះ ឬប្រព័ន្ធរបស់យើង ដោយប្រើមធ្យោបាយស្វ័យប្រវត្តិ (ឧទាហរណ៍ បូតប្រមូលទិន្នន័យ) ឬប៉ុនប៉ងដោះកូដនៃការបញ្ជូនទាំងឡាយទៅកាន់ ឬពីម៉ាស៊ីនមេដែលដំណើរការសេវាកម្មទាំងនេះឡើយ
(k) មិនអភិវឌ្ឍ គាំទ្រ ឬប្រើសូហ្វវែរ ឧបករណ៍ ស្គ្រីប រ៉ូបូត ឬមធ្យោបាយ ឬដំណើរការផ្សេងទៀតទាំងឡាយ (រួមមានកម្មវិធីធ្វើសន្ទស្សន៍ កម្មវិធីជំនួយ និងកម្មវិធីបន្ថែមក្នុងកម្មវិធីរុករក ឬបច្ចេកវិទ្យា ឬបច្ចេកទេសប្រើដៃផ្សេងទៀតទាំងឡាយ) ដើម្បីលួចចម្លងសេវាកម្មទាំងនេះ ឬចម្លងប្រវត្តិរូប និងទិន្នន័យផ្សេងទៀតពីសេវាកម្មទាំងនេះឡើយ
(l) មិនទាញប្រយោជន៍ពីសេវាកម្មទាំងនេះក្នុងគោលបំណងពាណិជ្ជកម្ម ដោយគ្មានការយល់ព្រមជាលាយលក្ខណ៍អក្សរជាមុនរបស់យើងឡើយ
(m) មិនប្រើសេវាកម្មទាំងនេះ ដើម្បីចូលរួមក្នុងប្រតិបត្តិការអាជីវកម្មខុសច្បាប់ទាំងឡាយដូចជា ការលក់កាំភ្លើង ថ្នាំញៀន សារធាតុខុសច្បាប់ សូហ្វវែរលួចចម្លង ឬវត្ថុដែលបានហាមឃាត់ផ្សេងទៀតឡើយ
(n) មិនផ្ដល់ព័ត៌មានអំពីល្បែងស៊ីសង ឬលើកទឹកចិត្តឱ្យអ្នកដទៃលេងល្បែងស៊ីសងតាមរយៈមធ្យោបាយណាមួយ
(o) មិនស្នើសុំព័ត៌មានចុះឈ្មោះចូលប្រព័ន្ធ ឬចូលប្រើគណនីដែលជារបស់អ្នកផ្សេងឡើយ
(p) មិនចូលរួមក្នុងការសម្អាតប្រាក់ បុរេប្រទានជាសាច់ប្រាក់ខុសច្បាប់ ឬគម្រោងលក់ជាទម្រង់ពីរ៉ាមីតឡើយ
(q) មិនប៉ុនប៉ង សម្របសម្រួល ឬលើកទឹកចិត្តឱ្យមានការបំពានណាមួយមកលើកិច្ចព្រមព្រៀងនេះ (ឬផ្នែកណាមួយនៃកិច្ចព្រមព្រៀងនេះ) ឡើយ និង
(r) មិនប្រើសេវាកម្មទាំងនេះក្នុងលក្ខណៈមួយដែលអាចបំផ្លាញ បិទ ដាក់បន្ទុកហួសហេតុ បង្កការខូចខាត ឬបង្កផលប៉ះពាល់ដល់សេវាម្មទាំងនេះ ប្រព័ន្ធ ឬសន្តិសុខរបស់យើង ឬជ្រៀតជ្រែកជាមួយអ្នកប្រើផ្សេងទៀត ឬប្រព័ន្ធកុំព្យូទ័ររបស់ភាគីទីបីផ្សេងទៀតណាមួយ ឬលួចចូល ឬទទួលបានការចូលប្រើដោយគ្មានការអនុញ្ញាតមកកាន់សេវាកម្មទាំងនេះ ឬខ្លឹមសារ (ដូចបានកំណត់ខាងក្រោម) ឬទិន្នន័យរបស់យើងឡើយ។
(s) កុំធ្វើអ្វីមួយដែលអាចនឹងត្រូវបានចាត់ទុកថារួមមានសកម្មភាពដែលបានរៀបរាប់ខាងលើ។
10. ការប្រើប្រាស់ខ្លឹមសាររបស់យើង
យើង និង/ឬអ្នកផ្ដល់អាជ្ញាប័ណ្ណរបស់យើងរក្សាសិទ្ធិ កម្មសិទ្ធិ និងផលប្រយោជន៍នៅក្នុង និងចំពោះព័ត៌មាននេះ (ក្នុងគ្រប់ទម្រង់រួមមានជាអាទិ អត្ថបទ ក្រាហ្វ វីដេអូ និងសំឡេងជាដើម) រូបភាព រូបតំណាង កម្មវិធី ការរចនា សូហ្វវែរ ស្គ្រីប កម្មវិធី ការរក្សាសិទ្ធិ ពាណិជ្ជសញ្ញា យីហោពាណិជ្ជកម្ម រូបសញ្ញា និងសម្ភារ និងសេវាកម្មផ្សេងទៀតដែលមាននៅលើ ឬតាមរយៈសេវាកម្មទាំងនេះ រួមមានរូបរាង និងអារម្មណ៍របស់ពួកវា (រួមគ្នាហៅថា “ខ្លឹមសាររបស់យើង”)។ អ្នកទទួលស្គាល់ថា ខ្លឹមសាររបស់យើងត្រូវបានការពារដោយច្បាប់ស្ដីពីការរក្សាសិទ្ធិ ពាណិជ្ជសញ្ញា សិទ្ធិមូលដ្ឋានទិន្នន័យ សិទ្ធិពិសេស និងច្បាប់ស្ដីពីកម្មសិទ្ធិបញ្ញា និងទ្រព្យសម្បត្តិឧស្សាហកម្មជាធរមាន នៅក្រោមច្បាប់ជាតិ និងសន្ធិសញ្ញាអន្តរជាតិ។ ការចូលប្រើ និង/ឬការប្រើសេវាកម្មណាមួយរបស់អ្នកមិនធ្វើឱ្យមានការផ្ទេរភាពជាម្ចាស់កម្មសិទ្ធិ ឬសិទ្ធិដទៃទៀតទៅឱ្យអ្នក ឬបុគ្គលផ្សេងទៀតនៅក្នុង ឬចំពោះសេវាកម្មទាំងនេះ ឬខ្លឹមសាររបស់ពួកវានោះទេ លើកលែងតែមានចែងផ្សេងពីនេះក្នុងកិច្ចព្រមព្រៀងនេះ។
អ្នកមិនអាចធ្វើការកែប្រែ ការចម្លង ការដកស្រង់ ការកែសម្រួល ឬការបន្ថែមទៅលើខ្លឹមសាររបស់យើង ឬលក់ ចម្លង ផ្សព្វផ្សាយ ឬផ្ដល់អាជ្ញាប័ណ្ណ ឬប្រើប្រាស់ខ្លឹមសាររបស់យើងខុសគោលដៅតាមវិធីណាមួយឡើយ។ ប្រសិនបើអ្នកចង់បោះពុម្ពឡើងវិញ ដកស្រង់ ផលិតឡើងវិញ ផ្សព្វផ្សាយ ឬប្រើប្រាស់ខ្លឹមសាររបស់យើង អ្នកត្រូវទាក់ទងយើងជាមុន និងត្រូវទទួលបានការយល់ព្រមជាលាយលក្ខណ៍អក្សរជាមុនពីយើង លើកលែងតែមានចែងក្នុងកិច្ចព្រមព្រៀងនេះ។ ការណ៍នេះមិនប៉ះពាល់ដល់សិទ្ធិទាំងឡាយដែលអ្នកអាចមានតាមច្បាប់ជាធរមានឡើយ។
ប្រសិនបើអ្នកជឿថា សេវាកម្មទាំងនេះ ឬផ្នែកណាមួយនៃសេវាកម្មទាំងនេះបំពានការរក្សាសិទ្ធិណាមួយ ពាណិជ្ជសញ្ញា ប៉ាតង់ ឬអាថ៌កំបាំងអាជីវកម្ម ឬកម្មសិទ្ធិបញ្ញាផ្សេងៗ ឬប្រសិនបើអ្នកមានកង្វល់ផ្សេងៗពាក់ព័ន្ធនឹងសេវាកម្មទាំងនេះ សូមជូនដំណឹងមកយើងខ្ញុំតាមរយៈព័ត៌មានទំនាក់ទំនងដែលផ្ដល់ជូនខាងក្រោមនៅក្នុងកិច្ចព្រមព្រៀងនេះ។
11. ខ្លឹមសាររបស់អ្នក
យើងមិនទាមទារឯកកម្មសិទ្ធិណាមួយលើអត្ថបទ ឯកសារ រូបភាព រូបថត ស្នាដៃនិពន្ធ ឬសម្ភារទាំងឡាយផ្សេងទៀតដែលអ្នកទាញបញ្ចូល ដាក់ប្រកាស ឬបញ្ជូនទៅ ឬតាមរយៈសេវាកម្មទាំងនេះ (រួមគ្នាហៅថា “ខ្លឹមសាររបស់អ្នក”) ទេ។ អ្នកបន្តរក្សាភាពជាម្ចាស់កម្មសិទ្ធិ និងទទួលខុសត្រូវទាំងស្រុងលើខ្លឹមសាររបស់អ្នក។
12. ការពិនិត្យតាមដានសេវាកម្ម
អ្នកទទួលស្គាល់ និងយល់ព្រមថា នៅគ្រប់ពេលវេលា តាមឆន្ទានុសិទ្ធិទាំងស្រុងរបស់យើង និងដោយមិនជូនដំណឹងទៅអ្នក យើងអាចចាត់វិធានការទាំងនេះ នៅពេលយើងសម្រេចថាមានការចាំបាច់សម្រាប់គោលបំណងដូចជា៖ ការធ្វើប្រតិបត្តិការ និងការកែលម្អសេវាកម្មទាំងនេះ ការធានាបាននូវការអនុលោមរបស់អ្នកតាមកិច្ចព្រមព្រៀងនេះ និងការអនុលោមតាមច្បាប់ជាធរមាន ដីកាតុលាការ ឬសេចក្ដីណែនាំរបស់តុលាការណាមួយ ឬការអនុលោមតាមសេចក្ដីណែនាំ ឬលក្ខខណ្ឌតម្រូវទាំងឡាយរបស់ស្ថាប័នរដ្ឋាភិបាល អាជ្ញាធរអនុវត្តន៍ច្បាប់ ឬអង្គភាពបញ្ញត្តិកម្ម។ ទាំងនេះរួមមានជាអាទិ វិធានការសម្រាប់៖ គោលបំណងទប់ស្កាត់ការគៃបន្លំ វាយតម្លៃហានិភ័យ ស៊ើបអង្កេត និងគាំទ្រអតិថិជន។
13. ឯកជនភាព និងការប្រមូលទិន្នន័យ
ដើម្បីផ្ដល់សេវាកម្មដែលកាន់តែខ្លាំង និងជួយធានាអំពីសន្តិសុខនៃប្រតិបត្តិការរបស់អ្នក យើងនឹងប្រមូល និងដំណើរការព័ត៌មាន និងទិន្នន័យបច្ចេកទេសរបស់អ្នក ដោយអនុលោមតាមសេចក្ដីជូនដំណឹងអំពីឯកជនភាពរបស់យើង។
14. សេចក្តីប្រកាសបដិសេធ
សេវាកម្មទាំងនេះគឺសម្រាប់ការប្រើប្រាស់ផ្ទាល់ខ្លួនរបស់អ្នកប៉ុណ្ណោះ ហើយមិនត្រូវប្រើដោយភាគីទីបីណាមួយឡើយ។ អ្នកយល់ព្រមថា យើង និងក្រុមហ៊ុនមេ ក្រុមហ៊ុនបុត្រសម្ព័ន្ធ ក្រុមហ៊ុនញាតិសម្ព័ន្ធ មន្ត្រី នាយក និយោជិត អ្នកចុះកិច្ចសន្យា ភ្នាក់ងារ ក្រុមហ៊ុនផ្ដល់សេវាទូទាត់ជាភាគីទីបី ដៃគូ អ្នកផ្ដល់អាជ្ញាប័ណ្ណ និងអ្នកចែកចាយរបស់យើង (រួមគ្នាហៅកាត់ថា “ភាគីរបស់ Huawei”) មិនទទួលខុសត្រូវលើការបាត់បង់ទាំងឡាយ ដែលបណ្ដាលមកពីការប្រើប្រាស់សេវាកម្មទាំងនេះដោយគ្មានការអនុញ្ញាតឡើយ។
ភាគីរបស់ Huawei មិនទទួលខុសត្រូវលើការជួសជុលថែទាំ ឬសេវាកម្មគាំទ្រផ្សេងទៀតសម្រាប់សេវាកម្មទាំងនេះឡើយ។ ការប្រើសេវាកម្មទាំងនេះរបស់អ្នកអាចត្រូវបានរំខាន ពន្យារពេល ឬរារាំងក្នុងរយៈពេលមិនដឹងដោយសារហេតុផលដែលហួសពីការគ្រប់គ្រងបានរបស់យើង។ ភាគីរបស់ Huawei នឹងមិនទទួលខុសត្រូវលើការទាមទារទាំងឡាយ ដែលកើតឡើងចេញពី ឬពាក់ព័ន្ធនឹងការរអាក់រអួល ការពន្យារពេល ការរំខាន ឬបញ្ហាស្រដៀងនេះឡើយ។
នៅក្នុងវិសាលភាពអតិបរមាដែលបានអនុញ្ញាតដោយច្បាប់ជាធរមាននៅក្នុងដែនយុត្តាធិការរបស់អ្នក ភាគីរបស់ Huawei មិនទទួលខុសត្រូវចំពោះអ្នក ឬអ្នកផ្សេងទៀតចំពោះការទទួលខុសត្រូវ ការបាត់បង់ ការខូចខាត ឬសំណងឡើយ ប្រសិនបើអ្នកមិនអាចចូលប្រើ ឬប្រើសេវាកម្មទាំងនេះ ដោយសារ៖
(a) ការផ្អាក ឬការបញ្ឈប់សេវាកម្មទាំងនេះដោយយើង ដើម្បីអាចឱ្យធ្វើការជួសជុលថែទាំ ឬធ្វើបច្ចុប្បន្នភាពប្រព័ន្ធ សូហ្វវែរ ឬហាតវែរ
(b) ការពន្យារ ឬការមិនដំណើរការប្រព័ន្ធ ឬទំនាក់ទំនងបណ្ដាញ ដែលជាកម្មសិទ្ធិរបស់ ឬគ្រប់គ្រងដោយនរណាម្នាក់ក្រៅពីយើង
(c) ការផ្អាក ការបោះបង់ ឬការបញ្ចប់កិច្ចសន្យាណាមួយ ឬការរៀបចំផ្សេងៗ រវាងយើង និងក្រុមហ៊ុនផ្ដល់សេវាទូទាត់ប្រាក់ជាភាគីទីបីណាមួយរបស់យើងដែលប៉ះពាល់ដល់សេវាកម្មទាំងនេះ
(d) កំហុស ឬការរំខានទាំងឡាយដោយសារការប៉ុនប៉ងលួចចូល ឬការបំពានសន្តិសុខស្រដៀងនេះ ឬ
(e) ព្រឹត្តិការណ៍ ឬហេតុការណ៍ទាំងឡាយផ្សេងទៀតដែលលើសពីការគ្រប់គ្រងសមហេតុផលរបស់យើង។
សេវាកម្មទាំងនេះត្រូវបានផ្ដល់ជូន ‘តាមជាក់ស្ដែង’ និង ‘តាមដែលមាន’ ដោយមិនមានភាពជាតំណាង ឬការគាំទ្រប្រភេទណាមួយឡើយ។ នៅក្នុងវិសាលភាពអតិបរមាដែលច្បាប់ជាធរមានអនុញ្ញាតក្នុងដែនយុត្តាធិការរបស់អ្នក ភាគីរបស់ Huawei ប្រកាសបដិសេធចំពោះការធានា លក្ខខណ្ឌ ឬកិច្ចព្រមព្រៀងផ្សេងៗទៀតទាំងអស់ មិនថាធ្វើឡើងដោយបង្ហាញច្បាស់ ឬដោយបង្កប់ន័យ និងមិនធ្វើការរ៉ាប់រង ការសន្យា ការតំណាង ឬការធានាចំពោះចំណុចដូចខាងក្រោម៖
(a) ភាពពេញលេញ ភាពត្រឹមត្រូវ ភាពអាចទុកចិត្តបាន ឬភាពទាន់ពេលវេលានៃខ្លឹមសារដែលមាននៅលើ ឬតាមរយៈសេវាកម្មទាំងនេះ
(b) សេវាកម្មទាំងនេះ ឬម៉ាស៊ីនមេដែលបង្ហោះពួកវាមិនមានការខូច កំហុស មេរោគ បញ្ហា ឬខ្លឹមសារគ្រោះថ្នាក់ផ្សេងទៀត
(c) ការខូចទាំងឡាយនៅក្នុងប្រតិបត្តិការ ឬការបំពេញមុខងាររបស់សេវាកម្មទាំងនេះនឹងត្រូវបានកែតម្រូវ
(d) ភាពអាចទុកចិត្តបាន គុណភាព ឬភាពត្រឹមត្រូវនៃមុខងារជាក់លាក់របស់សេវាកម្មទាំងនេះ និងព័ត៌មានទាំងឡាយដែលអ្នកទទួលបាន ដោយសារតែអ្នកប្រើ ឬចូលប្រើសេវាកម្មទាំងនេះ
(e) សន្តិសុខ ឬលក្ខណៈគ្មានកំហុសនៃសេវាកម្មទាំងនេះ និង
(f) ភាពអាចទុកចិត្តបាន គុណភាព ភាពត្រឹមត្រូវ លទ្ធភាពមាន ឬសមត្ថភាពក្នុងការបំពេញតាមតម្រូវការរបស់អ្នក ផ្ដល់ធាតុចេញជាក់លាក់ ឬសម្រេចបានលទ្ធផល ឬផលសម្រេចជាក់លាក់នៃសេវាកម្មទាំងនេះ។
ភាគីរបស់ Huawei មិនទទួលខុសត្រូវលើការបាត់បង់ ឬការខូចខាតចំពោះអ្នក ដែលមួយផ្នែក ឬទាំងស្រុងបណ្ដាលមកពីអ្នកពឹងផ្អែក ប្រើប្រាស់ ឬបកស្រាយអំពីសេវាកម្ម ឬព័ត៌មានផ្សេងៗ ដែលទទួលបានតាមរយៈការចូលប្រើ និង/ឬការប្រើប្រាស់របស់អ្នក (ឬរបស់អ្នកផ្សេង) លើសេវាកម្មទាំងនេះឡើយ។
ច្បាប់នៃប្រទេសមួយចំនួនមិនអនុញ្ញាតឱ្យមានការមិនរួមបញ្ចូល ឬការដាក់កំហិតលើការទទួលខុសត្រូវទាក់ទងនឹងការធានា ការសន្យា ការតំណាង ឬការរ៉ាប់រងជាក់លាក់នៅក្នុងកិច្ចសន្យាឡើយ។ ប្រសិនបើច្បាប់ទាំងនេះអនុវត្តចំពោះអ្នក ការលើកលែង ឬការដាក់កំហិតខាងលើមួយចំនួន ឬទាំងអស់អាចមិនអនុវត្តចំពោះអ្នកឡើយ ហើយអ្នកអាចមានសិទ្ធិបន្ថែម។ គ្មានអ្វីមួយនៅក្នុងកិច្ចព្រមព្រៀងនេះប៉ះពាល់ដល់សិទ្ធិដែលអ្នកទទួលបានដោយស្របច្បាប់ក្នុងនាមជាអ្នកប្រើប្រាស់ ឬដែលអ្នកមិនអាចយល់ព្រមតាមការកែប្រែ ឬលះបង់សិទ្ធិតាមកិច្ចសន្យាឡើយ។
15. ការដាក់កំហិតលើការទទួលខុសត្រូវ
ក្នុងវិសាលភាពអតិបរមាដែលច្បាប់ជាធរមានក្នុងដែនយុត្តាធិការរបស់អ្នកអនុញ្ញាត ការចូលប្រើ និងការប្រើប្រាស់សេវាកម្មទាំងនេះរបស់អ្នក គឺជាការទទួលខុសត្រូវទាំងស្រុងរបស់អ្នក ហើយភាគីរបស់ Huawei បង្ហាញយ៉ាងច្បាស់ថា មិនរួមបញ្ចូលការទទួលខុសត្រូវ ការបាត់បង់ ឬការខូចខាតទាំងអស់ដែលបង្កឡើងដោយអ្នក ឬបុគ្គលទាំងឡាយផ្សេងទៀត មិនថានៅក្នុងកិច្ចសន្យា កំហុសស៊ីវិល (រួមទាំងការធ្វេសប្រហែស) ឬក្រោមទ្រឹស្ដីទាំងឡាយផ្សេងទៀត សម្រាប់ចំណុចណាមួយដូចខាងក្រោម៖
(a) ការបាត់បង់ប្រាក់ចំណេញ ចំណូល ប្រាក់ដែលរកបាន ទិន្នន័យ ឬសុជនភាព និង
(b) ការបាត់បង់ ឬការខូចខាតពិសេស ដោយប្រយោល ឬមិនចំពោះ។
ដែនកំណត់ និងការលើកលែងនៅក្នុងកិច្ចព្រមព្រៀងនេះនឹងអនុវត្ត មិនថាយើងត្រូវបានជូនដំណឹង ឬគួរតែបានដឹងអំពីលទ្ធភាពនៃការបាត់បង់ណាមួយដែលកើតឡើងឡើយ។
ប្រសិនបើអ្នកមិនពេញចិត្តនឹងទិដ្ឋភាពណាមួយនៃសេវាកម្មទាំងនេះនៅពេលណាមួយ ដំណោះស្រាយតែមួយគត់ និងផ្តាច់មុខរបស់អ្នក គឺឈប់ចូលប្រើ និងប្រើសេវាកម្មទាំងនេះ។ ដោយមិនប៉ះពាល់ដល់ការរឹតបន្តឹងខាងដើម និងទៅតាមវិសាលភាពអតិបរមាដែលបានអនុញ្ញាតដោយច្បាប់ជាធរមាននៅក្នុងដែនយុត្តាធិការរបស់អ្នក ក្នុងករណីណាក៏ដោយ ភាគីរបស់ Huawei នឹងមិនទទួលខុសត្រូវរួមសរុបចំពោះអ្នក ឬចំពោះបុគ្គលទាំងឡាយផ្សេងទៀតចំពោះការទាមទារសំណង អង្គនីតិវិធី បំណុល កាតព្វកិច្ច ការខូចខាត ការបាត់បង់ និងចំណាយ មិនថានៅក្នុងកិច្ចសន្យា កំហុសស៊ីវិល (រួមបញ្ចូលទាំងការធ្វេសប្រហែស) ឬស្ថិតក្រោមទ្រឹស្តីផ្សេងទៀតលើសពី HKD 500.00។ អ្នកទទួលស្គាល់ និងយល់ព្រមថា សេចក្តីប្រកាសបដិសេធ និងដែនកំណត់នៃការទទួលខុសត្រូវ ដែលបង្ហាញនៅក្នុងកិច្ចព្រមព្រៀងនេះ មានភាពយុត្តិធម៌ និងសមហេតុផល។
ច្បាប់នៃបណ្តាប្រទេសមួយចំនួនមិនអនុញ្ញាតឱ្យមានការដាក់កំហិត និងការលើកលែងមួយចំនួន ឬទាំងអស់ដែលបានរៀបរាប់ខាងលើឡើយ។ ប្រសិនបើច្បាប់ទាំងនេះអនុវត្តចំពោះអ្នក ការដាក់កំហិតខាងលើមួយចំនួន ឬទាំងអស់អាចមិនអនុវត្តចំពោះអ្នកឡើយ ហើយអ្នកអាចមានសិទ្ធិបន្ថែម។ គ្មានអ្វីមួយនៅក្នុងកិច្ចព្រមព្រៀងនេះប៉ះពាល់ដល់សិទ្ធិដែលអ្នកទទួលបានដោយស្របច្បាប់ក្នុងនាមជាអ្នកប្រើប្រាស់ ឬដែលអ្នកមិនអាចយល់ព្រមតាមការកែប្រែ ឬលះបង់សិទ្ធិតាមកិច្ចសន្យាឡើយ។
16. ការបញ្ឈប់ដោយអ្នក
អ្នកអាចបិទគណនីរបស់អ្នកតាមរយៈការកំណត់គណនីរបស់អ្នក ឬដោយឈប់ប្រើសេវាកម្មនេះ។
17. ការបញ្ឈប់ និងការផ្អាកដោយយើង
ដោយអនុលោមតាមច្បាប់ជាធរមាន យើងអាចផ្អាក លុបចោល ឬដាក់កំហិតលើ ឬរឹតបន្តឹងការចូលប្រើសេវាកម្មទាំងនេះមួយផ្នែក ឬទាំងស្រុងនៅគ្រប់ពេលវេលាជាបណ្ដោះអាសន្ន ឬជាអចិន្ត្រៃយ៍ ដោយមិនទទួលខុសត្រូវចំពោះបុគ្គល ឬភាគីទីបីណាមួយឡើយ។ យើងនឹងព្យាយាមផ្ដល់ការជូនដំណឹងដល់អ្នក មុននឹងយើងធ្វើបែបនេះ។ ទោះជាយ៉ាងណា យើងនឹងមិនមានកាតព្វកិច្ចផ្ដល់ការជូនដំណឹងជាមុនដល់អ្នកទេ ហើយយើងអាចដាក់កំហិត លុបចោល ផ្អាក ឬរឹតបន្តឹងលើការចូលប្រើរបស់អ្នកទៅក្នុងសេវាកម្មមួយផ្នែក ឬទាំងស្រុងភ្លាមៗ ជាបណ្ដោះអាសន្ន ឬជាអចិន្ត្រៃយ៍ក្នុងកាលៈទេសៈដូចខាងក្រោមរួមមានជាអាទិ៖
(a) ប្រសិនបើអ្នកបំពាន ឬប្រសិនបើយើងជឿជាក់ថា អ្នកហៀបនឹងបំពានកិច្ចព្រមព្រៀងនេះ រួមទាំងកិច្ចព្រមព្រៀង គោលការណ៍ ឬសេចក្ដីណែនាំដែលបានរួមបញ្ចូលទាំងឡាយ
(b) ប្រសិនបើអ្នក ឬបុគ្គលដែលតំណាងឱ្យអ្នក ប្រព្រឹត្តទង្វើក្លែងបន្លំ ឬខុសច្បាប់ ឬផ្ដល់ព័ត៌មានក្លែងក្លាយ ឬព័ត៌មានដែលបណ្ដាលឱ្យភាន់ច្រឡំទាំងឡាយដល់យើង
(c) ដើម្បីឆ្លើយតបនឹងសំណើដោយភ្នាក់ងារពង្រឹងការអនុវត្តច្បាប់ ឬភ្នាក់ងាររដ្ឋាភិបាលផ្សេងទៀត ក្រោមដំណើរការច្បាប់ដែលមានសុពលភាព
(d) ក្នុងករណីនៃការធ្វើការងារជួសជុលថែទាំបន្ទាន់ ឬការធ្វើបច្ចុប្បន្នភាពបន្ទាន់មកលើប្រព័ន្ធ ឬហាតវែរ ឬ
(e) ដោយសារហេតុផលបច្ចេកទេស សុវត្ថិភាព អាជីវកម្ម ឬសន្តិសុខដែលមិនបានរំពឹងទុក
ការបិទដំណើរការ ឬការបញ្ចប់កិច្ចព្រមព្រៀងនេះមិនប៉ះពាល់ដល់បទប្បញ្ញត្តិនៃកិច្ចព្រមព្រៀងនេះដែលត្រូវបានបង្ហាញឱ្យធ្វើប្រតិបត្តិការ ឬមានសុពលភាព បន្ទាប់ពីការបិទដំណើរការ ឬការបញ្ចប់កិច្ចព្រមព្រៀងនេះឡើយ ហើយមិនធ្វើឱ្យប៉ះពាល់ដល់សិទ្ធិ ឬកាតព្វកិច្ចបន្ថែម ឬសិទ្ធិ ឬកាតព្វកិច្ចណាមួយ ដែលសំដៅបន្តមានសុពលភាពក្រោយការបិទដំណើរការ ឬការបញ្ចប់នេះឡើយ។
បទប្បញ្ញត្តិទាំងឡាយនៃកិច្ចព្រមព្រៀងនេះដែលបង្ហាញយ៉ាងច្បាស់ថា ឬតាមចរិតលក្ខណៈនៃប្រការទាំងនេះ មានគោលបំណងបន្តមានសុពលភាពក្រោយការបញ្ចប់កិច្ចព្រមព្រៀងនេះ ត្រូវបន្តមានប្រសិទ្ធភាពពេញលេញ បន្ទាប់ពី និងដោយមិនគិតពីការបញ្ចប់បែបនេះ រហូតទាល់តែបទប្បញ្ញត្តិបែបនេះត្រូវបានបំពេញ ឬផុតសុពលភាពតាមចរិតលក្ខណៈរបស់បទប្បញ្ញត្តិទាំងនេះ។
18. ការផ្លាស់ប្ដូរមកលើកិច្ចព្រមព្រៀងនេះ
យើងធ្វើការច្នៃប្រឌិត ផ្លាស់ប្តូរ និងកែលម្អសេវាកម្មទាំងនេះឥតឈប់ឈរ។ យើងអាចនឹងបន្ថែម ឬយកមុខងារ ឬលក្ខណៈពិសេសចេញ បង្កើតដែនកំណត់ថ្មីមកលើសេវាកម្មទាំងនេះ ឬផ្អាក ឬបញ្ឈប់សេវាកម្មណាមួយជាបណ្ដោះអាសន្ន ឬជាអចិន្ត្រៃយ៍។ យើងអាចធ្វើការផ្លាស់ប្ដូរមកលើកិច្ចព្រមព្រៀងនេះនៅគ្រប់ពេលវលា និងប្រកាសលក្ខខណ្ឌ ក្រមប្រតិបត្តិ ឬគោលការណ៍ណែនាំជាក់លាក់បន្ថែម ដែលគ្រប់គ្រងផ្នែកជាក់លាក់មួយ ផ្នែកខ្លះ ឬផ្នែកទាំងអស់នៃសវាកម្មរបស់យើង។
យើងនឹងជូនដំណឹងដល់អ្នកក្នុងរយៈពេលសមស្របមួយអំពីការផ្លាស់ប្ដូរទាំងឡាយមកលើសេវាកម្មទាំងនេះ ឬកិច្ចព្រមព្រៀងនេះដែលនឹងប៉ះពាល់ប្រយោជន៍របស់អ្នកប្រើរបស់អ្នកជាសារវន្ត ឬដាក់កំហិតដល់ការចូលប្រើ ឬការប្រើប្រាស់សេវាកម្មជាសារវន្ត។ យើងអាចនឹងមិនជូនដំណឹងទៅអ្នកជាមុនអំពីការកែប្រែមកលើកិច្ចព្រមព្រៀងនេះ ឬការផ្លាស់ប្តូរមកលើសេវាកម្មទាំងនេះ ដែលមិនធ្វើឱ្យខូចប្រយោជន៍ជាសារវន្តរបស់អ្នកប្រើរបស់យើង ឬមិនដាក់កំហិតជាសារវន្តមកលើការចូលប្រើ ឬការប្រើប្រាស់សេវាកម្មរបស់យើងឡើយ។ សម្រាប់ការផ្លាស់ប្ដូរមកលើសេវាកម្មទាំងនេះដែលយើងចាំបាច់ត្រូវធ្វើឡើង ដើម្បីបំពេញតាមលក្ខខណ្ឌតម្រូវផ្នែកសន្តិសុខ សុវត្ថិភាព ច្បាប់ ឬបញ្ញត្តិកម្ម យើងអាចនឹងមិនអាចបំពេញតាមថេរវេលាដែលបានរៀបរាប់ខាងលើឡើយ ហើយយើងនឹងផ្ដល់ព័ត៌មានដល់អ្នកអំពីការផ្លាស់ប្ដូរទាំងនេះឱ្យបានឆាប់តាមដែលអាចធ្វើបាន។
19. លក្ខខណ្ឌទូទៅ
សេវាកម្មទាំងនេះ ឬភាគីទីបីអាចផ្តល់តំណទៅគេហទំព័រ ឬធនធានផ្សេងទៀត។ អ្នកទទួលស្គាល់ និងយល់ព្រមថា យើងមិនទទួលខុសត្រូវលើភាពអាចរកបាននៃគេហទំព័រ ឬធនធានខាងក្រៅឡើយ ហើយក៏មិនគាំទ្រ និងមិនទទួលខុសត្រូវលើខ្លឹមសារទាំងឡាយ ការផ្សព្វផ្សាយ ផលិតផល ឬឯកសារផ្សេងៗ ដែលមាននៅលើ ឬអាចរកបានពីគេហទំព័រ ឬធនធានទាំងនោះឡើយ។ អ្នកទទួលស្គាល់ និងយល់ព្រមបន្ថែមថា យើងមិនទទួលខុសត្រូវដោយផ្ទាល់ ឬដោយប្រយោលចំពោះការខូចខាត ឬការបាត់បង់ទាំងឡាយ ឬដែលត្រូវបានចោទថាបណ្ដាលមកពី ឬពាក់ព័ន្ធនឹងការប្រើប្រាស់ ឬការពឹងផ្អែកលើខ្លឹមសារ ទំនិញ ឬសេវាកម្មទាំងឡាយដែលមាននៅលើ ឬអាចរកបានតាមរយៈគេហទំព័រ ឬធនធានទាំងនេះឡើយ។
គ្មានអ្វីនៅក្នុងកិច្ចព្រមព្រៀងនេះត្រូវបានបកស្រាយថា បង្កើតភាពជាដៃគូ ឬទំនាក់ទំនងជាភ្នាក់ងាររវាងអ្នក និងយើងឡើយ ហើយគ្មានភាគីណាមួយមានសិទ្ធិ ឬអំណាចជាប់បំណុល ឬបន្ទុកចំណាយ ឬចុះកិច្ចសន្យាណាមួយ ឬការរៀបចំណាមួយក្នុងនាមជា ឬជំនួសឱ្យភាគីម្ខាងទៀតឡើយ។
យើងអាចចាត់តាំង ម៉ៅការបន្ត ឬផ្លាស់ប្ដូរសិទ្ធិ និង/ឬកាតព្វកិច្ចរបស់យើងក្រោមកិច្ចព្រមព្រៀងនេះ ហើយអ្នកយល់ព្រមអនុវត្តភ្លាមៗលើឯកសារទាំងឡាយ ឬទាំងអស់ដែលចាំបាច់ ឬស័ក្ដិសមសម្រាប់គោលបំណងបែបនេះ។
ប្រសិនបើតុលាការដែលមានដែនសមត្ថកិច្ច ឬអាជ្ញាធរមានសមត្ថកិច្ចទាំងឡាយផ្សេងទៀត រកឃើញថា បទប្បញ្ញត្តិណាមួយ (ឬផ្នែកណាមួយនៃបទប្បញ្ញត្តិមួយ) នៃកិច្ចព្រមព្រៀងនេះ ត្រូវចាត់ទុកជាមោឃៈ គ្មានសុពលភាព ឬមិនអាចអនុវត្តបាន បទប្បញ្ញត្តិនោះត្រូវចាត់ទុកថា ត្រូវបានលុបចេញពីកិច្ចព្រមព្រៀងនេះ ហើយបទប្បញ្ញត្តិទាំងឡាយផ្សេងទៀតនៃកិច្ចប្រមព្រៀងនេះនឹងនៅបន្តចូលជាធរមាន និងមានប្រសិទ្ធភាពតាមវិសាលភាពនៃបទប្បញ្ញត្តិនៅសល់ទាំងនោះដោយគ្មានបទប្បញ្ញត្តិដែលត្រូវបានចាត់ទុកជាមោឃៈ គ្មានសុពលភាព ឬមិនអាចអនុវត្តបាននោះ។
កិច្ចព្រមព្រៀងនេះគឺជាកិច្ចព្រមព្រៀងទាំងមូលរវាងអ្នក និងយើងទាក់ទងនឹងសេវាកម្មទាំងនេះ ហើយអ្នកទទួលស្គាល់ និងយល់ព្រមថា អ្នកមិនបានពឹងផ្អែកលើ ឬត្រូវបានបញ្ចុះបញ្ចូលឱ្យចុះកិច្ចព្រមព្រៀងនេះ ដោយផ្អែកលើការតំណាង ការធានា ឬការសន្យាដែលមិនស្ថិតក្នុងកិច្ចព្រមព្រៀងនេះឡើយ។
20. ច្បាប់គ្រប់គ្រង និងដែនយុត្តាធិការ
ការបង្កើត ការបកស្រាយ និងការអនុវត្តកិច្ចព្រមព្រៀង និងវិវាទ ឬការទាមទារទាំងឡាយ ដែលកើតចេញពី ឬជាប់ពាក់ព័ន្ធនឹងកិច្ចព្រមព្រៀងទាំងនេះ (រួមមានវិវាទ ឬការទាមទារដែលមិនមានក្នុងកិច្ចសន្យា) ត្រូវគ្រប់គ្រង និងបកស្រាយតាមច្បាប់ហុងកុង។ លើកលែងតែមានចែងផ្សេងពីនេះដោយច្បាប់ជាធរមាន អ្នក និងយើងយល់ព្រមថា តុលាការហុងកុង មានដែនយុត្តាធិការផ្ដាច់មុខ ដើម្បីដឹងឮ និងសម្រេចលើវិវាទ ការទាមទារ ចំណាត់ការ ឬអង្គនីតិវិធីទាំងឡាយដែលអាចកើតឡើងដោយសារ ឬពាក់ព័ន្ធនឹងកិច្ចព្រមព្រៀងនេះ។ ទោះជាយ៉ាងណា វាមិនរារាំងយើងពីការបើកដំណើរការអង្គនីតិវិធីនៅក្រៅហុងកុងឡើយ។
21. ការទាក់ទងមកយើង
ប្រសិនបើអ្នកមានសំណួរទាក់ទងនឹងកិច្ចព្រមព្រៀងនេះ សូមទាក់ទងមកយើងដោយប្រើព័ត៌មានដូចខាងក្រោម៖
អ៊ីមែល៖ developer@huawei.com
បានធ្វើបច្ចុប្បន្នភាពចុងក្រោយនៅ៖ ខែសីហា ឆ្នាំ 2019