Hörmətli istifadəçi,

 

Huawei Health-ə xoş gəlmişsiniz.

 

Huawei Health Müqaviləsinin (bundan sonra "Müqavilə" adlandırılacaq) aşağıdakı müddəaları sizin və Huawei Teknolocis Co.Ltd və onun törəmə müəssisələri (bundan sonra "Huawei" adlandırılacaq) aranızda hüquqi müqavilə təşkil edir. Bu Müqavilə sizin Huawei Health və müvafiq proqram təminatı, xidmət və internet səhifələrdən (bundan sonra "Xidmət" adlandırılacaq) istifadəniz üzrə hüquq və öhdəliklərinizi müəyyən edir. Bu Müqavilədə "siz" bu Xidmətlərdən istifadə edən və ya çıxışı olan istənilən fiziki şəxsə xitab olunur.

 

Bu Xidmətdən istifadə etməzdən öncə siz daha öncə sizinlə Huawei arasında bağlanmış bu Müqavilənin şərtləri, Huawei Məxfilik Siyasəti və digər müvafiq müqavilələr (bundan sonra "Şərtlər" adlandırılacaq) ilə razılaşmalısınız. Aşağıda təqdim olunan şərtlər ilə tanış olduğunuzdan əmin olun və bu şərtlər ilə tanış olduğunuzu və razılığınızı bildirən bölməni qeyd edin. Bütün və ya şərtlərin bir qismi ilə razılaşmadığınız halda siz bu Xidmətlərdən istifadə etmək iqtidarında olmayacaqsınız və ya onlardan istifadə etməyə cəhd edə bilməyəcəksiniz.

 

1. Məlumatların mühafizəsi

 

Huawei bütün Huawei Health istifadəçilərinin, eləcə də sizin şəxsi məlumatlarınıza (sizin ləqəbiniz, profil fotonuz, cinsiniz, yaşınız, telefon nömrəniz və ya elektron poçtunuz) və şəxsi sağlamlıq məlumatlarınıza (idman, yuxu, çəki və ürək döyüntüsü) hörmətlə yanaşır və mühafizə edir. Müvafiq qanun və tənzimlənmələr əsasında məcburi nəzərdə tutulmadığı halda, sizin razılığınız olmadan Huawei bu məlumatları hər hansı üçüncü tərəfə bildirə, ötürə və ya təqdim edə bilməz. Huawei idman, çəki, yuxu və ya "bulud"da yerləşən digər məlumatları başqa məqsədlər üçün istifadə etməyəcək və istifadə etmək niyyətində deyil. Məlumatlar "bulud"da yalnız məlumat təhlükəsizliyinin qorunması üçün saxlanılır.

 

2. Üçüncü tərəf xidmətləri

 

Sizin daşıyıcınız və ya digər üçüncü tərəflər Huawei Health platforması üzrə müvafiq məhsullar və xidmətləri üçüncü tərəf tətbiqi proqramları və xidmət kontenti olaraq təqdim edə bilər. Üçüncü tərəfin belə məhsullarından və xidmətlərindən istifadə etməklə, siz üçüncü tərəfin xidmət şərtləri ilə razılaşdığınızı təsdiq edirsiniz. Üçüncü tərəf istifadəçi müqavilələrini və məxfilik siyasətini diqqətlə oxumağınızı tövsiyə edirik. Huawei üçüncü tərəf məhsulları və xidmətlərinin kontenti üzrə nəzarət həyata keçirmək və ya senzuradan keçirmək ilə bağlı heç bir öhdəlik daşımır, bu səbəbdən bu cür məhsul və xidmətlərdən istifadə səbəbindən hüquqlarınız pozulduğu halda Huawei heç bir məsuliyyət daşımır.

 

3. Məlumatlar üzrə icazə və məlumat toplanması

 

Sizi daha sabit məhsul və xüsusi xidmətlə təmin etmək məqsədilə Huawei və Huawei Health layihəsi üzrə Huawei ilə əməkdaşlıq edən üçüncü tərəf xidmət provayderləri sizin məhsulunuz ilə bağlı yanlış informasiya və/və ya məlumatlar toplayacaq. Huawei Health tətbiqi proqramını açdıqda və ya Huawei Health proqramından istifadə etdikdə peyda olan mesajda "Razıyam" seçməklə siz aşağıda qeyd olunan məlumatların Huawei tərəfindən toplanması və təhlilinə razılıq verirsiniz:

 

(1) Cihaz haqqında məlumat, buraya telefon əməliyyat sistemi, telefon dili, cihazın modeli, telefon ilə İnternet bağlantı rejimi və məkan haqqında məlumat daxildir.

 

(2) Proqram tətbiqi haqqında məlumat, buraya proqram versiyası, proqram yükləmə metodu və proqramın açıldığı və ya bağlandığı zaman daxildir.

 

(3) Xidmət məlumatı, buraya proqram xətası məlumatı və xidmətin aktivləşdirilməsi məlumatı daxildir.

 

(4) Şəxsi sağlamlıq məlumatı, idman, yuxu rejimi, çəki və ürək döyüntüsü məlumatları daxil olmaqla və bunlarla məhdudlaşmayaraq. Üçüncü tərəfin məlumatlarınızı emalı ilə bağlı razılaşdığınız halda bu Şərtlərdə qeyd olunan 2-ci Maddənin müddəalarına riayət etməyiniz xahiş olunur.

 

Məlumatlarınızın itməsinin qarşısını almaq üçün, Huawei Health avtomatik olaraq "bulud"a sinxronizasiya xüsusiyyətini aktivləşdirəcək və beləliklə sizin idman, yuxu, çəki və ürək döyüntüsü haqqında məlumatlarınız müntəzəm intervalda "bulud"a yükləyəcək. "Bulud"a sinxronizasiya edilmiş məlumatlar qrup şəklində silinə bilməz və daimi olaraq yaddaşda saxlanacaqdır. Məlumatlarınızın "bulud"a avtomatik olaraq yüklənməsini istəmədiyiniz halda siz Huawei Health proqramında "Parametrlər" bölməsini seçərək avtomatik sinxronizasiya funksiyasını deaktiv edə bilər və daha sonra "Avtomatik sinxronizasiya" dəyişimini deaktiv edə bilərsiniz.

 

Huawei məhsullarının istifadəsi ilə bağlı təcrübənizi təkmilləşdirmək məqsədilə Huawei Health sizin icazəniz ilə standart olaraq Smartcare kimi digər Huawei məhsulları ilə toplayacağı idman və sağlamlığınız haqqında məlumatlarınızı avtomatik olaraq paylaşacaq. Bənzər olaraq, sağlamlığınız və idman ilə əlaqədar digər Huawei məhsulları Huawei Health vasitəsilə toplanmasına icazə verdiyiniz idman və sağlamlığınız haqqında məlumatları standart olaraq paylaşacaq. Siz Huawei Health proqramında "Parametrlər"i seçərək və daha sonra "Məlumat mənbələrində" deaktiv etmə funsiyasını seçərək istənilən zaman Huawei Health və digər Huawei məhsulları arasında avtomatik məlumat paylaşımını deaktiv edə bilərsiniz.

 

Huawei Health proqramından istifadə edərkən lüzumsuz narahatlıqları aradan qaldırmaq üçün, Huawei Health proqramına avtomatik olaraq Bluetooth funksiyasının aktiv və/və ya deaktiv edilməsi üçün icazə verməniz xahiş olunur.

 

Huawei tərəfindən toplanmasına icazə verdiyiniz şəxsi məlumatlar Huawei Məxfilik Siyasətinə əsasən idarə olunacaq. Məxfilik Siyasəti ilə diqqətlə tanış olmağınız xahiş olunur. Siz Huawei Health proqramından istifadə etdikdə və ya http://consumer.huawei.com/privacy-policy internet səhifəsindən istifadə edərkən peyda olan mesajda "Huawei Məxfilik Siyasəti"ni seçməklə Məxfilik Siyasəti ilə tanış ola bilərsiniz.

 

4. Risklər və öhdəliklər

 

(1) Siz Huawei Health proqram tətbiqindən istifadə ilə bağlı istənilən riskləri qəbul etməlisiniz. Huawei bu Xidmət və onun nəticələrinin sizin tələblərinizə cavab verəcəyi və ya məhsul xidmətlərinin dayandırılmayacağı daxil olmaqla heç bir zəmanət vermir və ya öhdəlik götürmür və bu Xidmət və məlumatların təhlükəsizliyi, dəqiqliyi, vaxtında təqdim olunası və ya qanuniliyi ilə bağlı heç bir zəmanət vermir. Huawei Health proqramından istifadə etməyə maneə törədən istənilən şərait və şəbəkə, rabitə xətti, üçüncü tərəf internet səhifəsi və xidmət provayderləri daxil olmaqla və onlarla məhdudlaşmadan mövcud olan hüquqi öhdəlikləri üzərinə götürmür. Xüsusi olaraq qeyd olunmadığı təqdirdə Huawei tərəfindən təqdim olunan xidmətlər pulsuzdur. Buna baxmayaraq, bəzi xidmətlər telefon zənglərinin edilməsi və ya qəbulu, mobil məlumatlara giriş imkanı və ya SMS-lərin göndərilməsini tələb edə bilər. Siz bu xidmətlər üçün üçüncü tərəflərə ödəniş edə bilərsiniz. Tərəfinizdən təqdim olunmadığı təqdirdə Huawei sizin şəxsiyyətinizi aşkar edəcək heç bir məlumat toplamayacaq.

 

(2) Sizin davranışınız və/və ya idarə oluna bilməyən hallar sizin məxfi məlumatlarınız və ya şəxsi hesab etdiyiniz məlumatların üçüncü tərəfdən aşkar edilməsi, sızıntısı, qəbulu, istifadəsi və ya transferi ilə nəticələndiyi halda Huawei nəticələr ilə bağlı üzərinə heç bir məsuliyyət götürmür.

 

(3) Huawei Health proqramında təqdim olunan bütün məlumatlar və nəticələr yalnız istinad məqsədi daşıyır. Bu məlumatlardan tibbi müalicə və ya sağlamlığınız haqqında arayış olaraq istifadə etməyi tövsiyə etmirik. Huawei Health proqramından olan məlumatları və ya nəticələri bu cür məqsədlər ilə istifadə nəticəsində yaranan hər hansı risk və ya xoşagəlməz hallar ilə bağlı Huawei heç bir məsuliyyət daşımır.

 

(4) Siz "bulud" və ya şəxsi cihazınıza sinxronizasiya olunmuş məlumatlar səbəbindən tətbiq olunan hər hansı mobil ödənişlər ilə bağlı məsuliyyət daşıyırsınız.

 

(5) Qanunla nəzərdə tutulmuş miqdarda, hər hansı xüsusi, təsadüfi, birbaşa və ya nəticə etibarı ilə dəymiş ziyan, gəlir, biznes, mənfəət, məlumat, ehtiyatlar və ya əlaqədar pul yığımları, bu cür öhdəliklərin müqaviləyə əsaslanıb-əsaslanmadığından asılı olmayaraq, qanun pozuntusu (ciddi öhdəliklər ilə bağlı səhlənkarlıq halları daxil olmaqla) və ya digər iddialar və bu cür itkilərin proqnozlaşdırılıb-proqnozlaşdırılmadığından asılı olmayaraq, hətta müştərilər yuxarıda qeyd olunan itki və ya zərərlərin mümkünlüyü ilə bağlı ətraflı məlumatlandırıldıqları təqdirdə belə Huawei heç bir öhdəlik daşımır.

 

(6) Bu müqavilədə qeyd olunan xidmətlərdən istifadə ilə bağlı Huawei üzərinə düşən maksimum məsuliyyət (bu məhdudiyyət qanun ilə məhdudlaşan şəxsi zədələr səbəbindən mövcud öhdəliklərə şamil olunmur) müştərilər tərəfindən bu Xidmətlərin satın alınması ilə bağlı ödəməli olduqları məbləğ ilə məhdudlaşır.

 

5. İstifadə məhdudiyyətləri

 

Huawei və onun lisenziarları bu Proqram təminatı üzrə bütün əqli mülkiyyət hüquqlarına sahibdirlər. Siz bu Müqavilənin şərtlərinə əlavə olaraq bütün müvafiq qanunlar, tənzimlənmələr və siyasətlərə əməl etməklə bu Müqavilə əsasında bu Proqram təminatından istifadə edə bilərsiniz. Aşağıdakı şərtlər daxil olmaqla və onlarla məhdudlaşmadan siz qeyd olunan hərəkətləri icra etmək iqtidarında deyilsiniz:

 

(1)    Bu Proqram təminatının tərkibində olan hər hansı müəllif hüquqları bildirişlərinin və ya bəyanatlarının və/yaxud hər hansı məlumatın və ya məzmunun silinməsi.

 

(2)    Bu Proqram təminatının yenidənqurma, sökülməsi və ya hissələrə ayrılması.

 

(3)    Bu Müqavilədə qeyd olunan şərtlər çərçivəsindən kənara çıxaraq bu Proqram təminatının bütünlüklə və ya hissəvi olaraq istifadə edilməsi, nüsxəsinin çıxarılması, modifikasiya edilməsi, icarəyə verilməsi və ya transfer olunması.

 

(4)    Bu Proqram təminatının üçüncü tərəfə təqdim edilməsi, bu Proqram təminatının üçüncü tərəfə icarəyə verilməsi və ya bu Proqram təminatından Huawei tərəfindən qadağan edilmiş məqsədlər (məsələn kommersiya məqsədləri) üçün istifadə edilməsi.

 

(5)    Bu Proqram təminatında yer alan şəkillər, mətn və digər müvafiq məlumatlar üzərində aşağıdakı hərəkətlər daxil olmaqla və onlarla məhdudlaşmadan: bu proqram təminatından istifadə etmə, nüsxəsini çıxarma, modifikasiya etmə, hiperkeçidlərin əlavə olunması, yenidən istifadəsi, toplanması, çap olunması, internet səhifələrin və ya bu Proqram təminatından istifadə etməklə törəmə məhsullar, işlər və / və ya xidmətlərin hazırlanması.

 

(6)    Bu Proqram təminatından istifadə etməklə milli qanun, tənzimləmə və siyasətlərin yaddaşda saxlanması, çap edilməsi və ya yayılması.

 

(7)    Bu Proqram təminatından üçüncü tərəflərin əqli mülkiyyət hüquqlarını, ticarət sirlərini və ya başqa hüquqları pozan məzmunun saxlanması, dərci və ya yayılması üçün istifadə edilməsi.

 

(8)    Kiber məkanın təhlükəsizliyini təhlükəyə məruz qoyan davranışların icra edilməsi.

 

6. Versiya yenilənməsi

 

Huawei bu Proqram üçün gələcəkdə versiya yeniləmələri buraxmağa dair qərar vermək hüququnu özündə saxlayır. Huawei bu Proqram təminatının yenilənmiş versiyasını təqdim etmək qərarına gəldikdə, bu Müqavilə "Proqram təminatı Xidməti Şərtləri" təqdim olunmayanadək yenilənmiş versiyaya şamil olunacaq. Hər hansı yenilənməni quraşdıraraq siz müvafiq Proqram təminatı Xidməti Şərtləri ilə razılığınızı bildirirsiniz. Proqram təminatı Xidməti Şərtləri ilə razı olmadığınız təqdirdə yenilənmiş versiyanı yükləməyin.

 

7. Xitamvermə

 

Bu Müqavilənin hər hansı müddəasının bütövlükdə və ya qismən etibarsızlığı digər hər hansı müddəalara xələl yetirmir. Huawei və/və ya onun lisenziarları bu Sazişə istənilən vaxt xitam vermək hüququnu özlərində saxlayırlar. Bu Sazişə xitam verildikdən sonra, siz bu Proqram təminatından istifadəni dərhal dayandırmalı və surətini çıxartdığınız və/yaxud quraşdırdığınız bütün əlaqədar proqramları və məlumatları silməlisiniz.

 

8. Hüquq seçimi

Bu Müqavilə Almaniya Qanunları əsasında tənzimlənməlidir, sakini olduğunuz ölkənin qanunları əsasında müqavilə müddəaları (xüsusilə icbari istehlakçı hüquqları) digər tərəfə ötürülə bilməz.

 

Huawei Technologies Co., Ltd. Bütün hüquqlar qorunur. Huawei bu Sazişi qanunla yol verilən həcmdə şərh etmək hüququnu özündə saxlayır.